ដំណឹងហួស​និស្ស័យ

កាណាដា ៖ ឃាតករទាំងពីរសារភាពពីទង្វើខ្លួន មុនធ្វើអត្តឃាត

កាណាដា ៖ យុវជនពីរនាក់ ដែលត្រូវបានអាជ្ញាធរតាមប្រមាញ់ អស់រយៈពេលច្រើនសប្តាហ៍ បាននិយាយសារភាព អំពីទង្វើរបស់ផងខ្លួន នៅក្នុងខ្សែវីដេអូជាច្រើន បន្ទាប់ពីពួកគេទាំងពីរ ត្រូវបានរកឃើញស្លាប់ ដោយធ្វើអត្តឃាត កាលពីដើមខែសីហា។ នេះ បើតាមរបាយការណ៍ របស់អាជ្ញាធរកាណាដា ដែលចេញផ្សាយ កាលពីថ្ងៃសុក្រម្សិលមិញ។

យុវជនទាំងពីរ ដែលមានឈ្មោះ «Kam McLeod» និង «Bryer Schmegelsky» បានរងការសង្ស័យថា បានប្រព្រឹត្តទង្វើមនុស្សឃាត ចំនួន៣ករណី យ៉ាងសាហាវព្រៃផ្សៃ។

ប៉ុន្តែតាមរយៈខ្សែវីដេអូ ចំនួន៦ ដែលកងរាជអាវុធហត្ថនៃប្រទេស កាណាដា បានរកឃើញ ជនសង្ស័យវ័យក្មេងពីររូបនេះ មិនបានបង្ហាញពីមូលហេតុ នៃអំពើរបស់ខ្លួន ក៏ដូចជាជនជាប់ពាក់ព័ន្ធបន្ថែមទេ។

របាយការណ៍របស់កងរាជអាវុធហត្ថ បានបញ្ជាក់ថា ពួកគេបានអះអាង ពីសកម្មភាពរបស់ខ្លួន ក្នុងការសម្លាប់មនុស្ស តែមិនបានលើកឡើងពីវិប្បដិសារី ដែលកើតចេញពីទង្វើទាំងនេះឡើយ។ អ្នកនាំពាក្យរបស់អាជ្ញាធរ បានបន្ថែមថា៖

«មរណភាពរបស់ជនសង្ស័យ បណ្ដាញពីការធ្វើអត្តឃាត។ យើងគិតថា គឺយុវជន “McLeod” ជាអ្នកសម្លាប់យុវជន “Schmegelsky” មុននឹងសម្លាប់ខ្លួនឯងតាមក្រោយ។»

ជនរងគ្រោះទាំងបីរូប ដែលអាជ្ញាធរសង្ស័យថា ជាស្នាដៃរបស់យុវជនទាំងពីរ រួមមាន លោក «Leonard Dyck» អាយុ ៦៤ឆ្នាំ ជាសាស្ត្រាចារ្យផ្នែករុក្ខជាតិ លោក «Lucas Fowler» ទេសចរណ៍ជាតិអូស្ត្រាលីអាយុ ២៣ឆ្នាំ និងកញ្ញា «Chynna Deese» មិត្តស្រីរបស់ទេសចរណ៍ខាងលើ អាយុ២៤ឆ្នាំ។

សាកសពជនរងគ្រោះ ត្រូវបានរកឃើញជាបន្តបន្ទាប់ នៅតាមបណ្តោយផ្លូវមួយខ្សែ ស្ថិតនៅភាគខាងជើង នៃរដ្ឋ «Colombie-Britannique» (ខាងលិចប្រទេសកាណាដា) កាលពីថ្ងៃទី១៥ ខែកក្កដា ឆ្នាំ២០១៩។

អ្នកនាំពាក្យបន្តថា៖

«ឧក្រិដ្ឋកម្មទាំងនេះ ទំនងជាធ្វើឡើងដោយចៃដន្យ មិនចំពោះមុខ និងដោយគ្មានមូលហេតុ។ មិនមានចំណុចសង្ស័យណា ដែលបង្ហាញថា ទង្វើនោះ ត្រូវបានគ្រោង រៀបចំទុកជាមុនទេ។»

រីឯសាកសពរបស់ជនសង្ស័យវិញ ត្រូវបានរកឃើញ ក្នុងតំបន់ដាច់ស្រយាលមួយ នៃខេត្ត «Manitoba» ដែលមានចំងាយ ជាង៣០០០គីឡូម៉ែត្រ ពីកន្លែងកើតហេតុ។

យ៉ាងណា ការរត់គេចខ្លួន ឆ្ងាយយ៉ាងនេះ មិនមែនអាជ្ញាធរមិនបានដឹង ពីដានរបស់ពួកគេនោះទេ ដោយហេតុថា ជនសង្ស័យទាំងពីរ បានគេចខ្លួន ជាមួយរថយន្តរបស់លោក «Leonard Dyck» (ជនរងគ្រោះម្នាក់) ហើយបានដុតរថយន្តនេះចោល នៅប៉ុន្មានថ្ងៃក្រោយមក៕



You may also like

កម្ពុជា

ភរិយា កែម ឡី សុំឲ្យ​​ស្ត្រីរងគ្រោះទាំងឡាយ​«រឹងមាំ អត់ធ្មត់ និង​មាន​សង្ឃឹម»

«សូម រឹងមាំ អត់ធ្មត់ និង​មាន​សង្ឃឹម ព្រោះថា ស្វាមីពួកយើង មិនបានធ្វើរឿងដែលខុសនោះទេ» នេះ ជាការលើកឡើងរបស់អ្នកស្រី ប៊ូ រចនា ភរិយាមេម៉ាយ របស់សពលោកបណ្ឌិតកែម ...
របាយការណ៍

បទ​យកការណ៍៖ «វីរបុរស​ព្រៃឈើ នៃ​ប្រទេស​កម្ពុជា»

សូមជូនឯកសារវីដេអូចំនួនពីរ៖ ទីមួយ ជាឯកសារស្ដីពីលោក ឈុត វុទ្ធី វីរបុរស​ព្រៃឈើ ដែលត្រូវបានបាញ់សម្លាប់ ដោយមន្ត្រីអាវុធហត្ថ ខេត្ត​កោះកុង និងទីពីរ ជាសកម្មភាពការពារព្រៃឈើ នៃសហគមន៍ព្រៃឡង់ ពីការកាប់ទន្ទ្រានព្រៃ ...
របាយការណ៍

«មនុស្ស​ជាង​៣០០​នាក់ ត្រូវ​បាន​សម្លាប់ ក្នុងរយៈពេល២០ឆ្នាំ»

នៅតែប៉ុន្មានថ្ងៃមុនដំណើរមកដល់ នៃប្រធានាធិបតីអាមេរិក លោក បារ៉ាក់ អូបាម៉ា អង្គការឃ្លាំមើលសិទ្ធិមនុស្ស បានចេញ​របាយការណ៍មួយ ដែលលើកពីការសម្លាប់ និងការរំលោភធ្ងន់ធ្ងរ ក្នុងរយះកាលពីរទសវត្សរ៍ ក្រោមការកាន់អំណាច​ដោយ​ហឹង្សា របស់លោកនាយករដ្ឋមន្ត្រីហ៊ុន សែន។ ...

Comments are closed.

កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

កម្ពុជា

ហ៊ុន សែន ឲ្យចាក់​វ៉ាក់សាំងចិន​ជូន… ​រូបលោក និង​បក្ខពួកលោក​​មុខគេ!

លោក ហ៊ុន សែន បាន​ប្រកាសទទួលយក​វ៉ាក់សាំងចិន​ជាបន្ទាន់ ដើម្បីចាក់ឲ្យ… លោក ហ៊ុន សែន ខ្លួនលោក និង​បក្ខពួកលោក​​មុខគេ ! នេះ ជាការអះអាង​របស់បុរសខ្លាំង​នៅកម្ពុជា ...
កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

ទោះជាគ្មានការទទួលស្គាល់ ពីអង្គការសុខភាពពិភពលោក (WHO /OMS) ក៏ដោយ តែលោក ហ៊ុន សែន នាយករដ្ឋមន្ត្រីកម្ពុជា បានប្រកាសឲ្យប្រើវ៉ាក់សាំង បង្ការជំងឺកូវីដ១៩ (Covid-19) ដែលស្រាវជ្រាវ ...