ការរញ្ជួយព្រះធរណីដ៏ខ្លាំងមួយ បានកើតឡើង ក្នុងយប់ថ្ងៃអង្គារនេះ (ម៉ោងក្នុងស្រុក) កណ្តាលឈូងសមុទ្រ (ផ្នែកមួយនៃមហាសមុទ្រប៉ាស៊ីហ្វិក) ភាគខាងលិចប្រទេសកាណាដា។
ព័ត៌មានបឋមដែលប្រកាសដោយវិទ្យាស្ថាន ភូមិសាស្ត្ររបស់អាមេរិក «USGS» ឲ្យដឹងថា ការរញ្ជួយនោះ មានកម្រិត៦,២រិច្ឆទ័រ និងកើតឡើង នៅក្នុងសមុទ្រ ចម្ងាយប្រមាណជា ១៨៨គីឡូម៉ែត្រ ពីក្រុងតូចមួយ ឈ្មោះ «Port Hardy» ដែលស្ថិតនៅភាគពាយ័ព្យ នៃក្រុងធំ ឈ្មោះ«Vancouver»។
មកដល់នាទីនេះ គេមិនទាន់ដឹងថា តើការរញ្ជួយដីខាងលើ បង្កឲ្យមានជនរងគ្រោះ និងការខូចខាតទ្រព្យសម្បត្តិ ឬយ៉ាងណាទេ៕
