កំសាន្ដវីដេអូ ពីនេះពីនោះ

នៅកាណាដា យន្ដហោះតូចមួយ បាន​ចុះចតជាបន្ទាន់… លើផ្លូវរថយន្ដ

បណ្ដាជនដែលបានឃើញហេតុការណ៍ នៅបន្តការហួសចិត្ត នៅឡើយ។ អ្នកបើកយន្ដហោះតូចមួយគ្រឿង ត្រូវបានបង្ខំចិត្តចុះចតជាបន្ទាន់… លើផ្លូវរថយន្ដ ដែលកំពុងមានចរាចរណ៍ យ៉ាងពេញទំហឹង នៅក្នុងតំបន់មួយ ស្ថិតនៅជាយក្រុង កេប៊េច (Québec) នៃប្រទេសកាណាដា កាលពីថ្ងៃព្រហស្បត្តិ៍ សប្ដាហ៍នេះ។

អ្នកបើកយន្ដហោះ ប្រភេទ​«Piper Cherokee»​ខាងលើ ត្រូវបានស្រង់សំដី ដោយវិទ្យុកាណាដា មកបញ្ជាក់ថា លោកបានសម្រេចចិត្ត បង្ហោះយន្ដហោះខាងលើ ដើម្បីការកំសាន្ដមួយ ក្នុងអំឡុងពេល ដែលប្រទេសកាណាដាទាំងមូល បានដាក់បម្រាម ឲ្យពលរដ្ឋសំងំនៅក្នុងផ្ទះ។

តែនៅពេលយន្ដហោះ ហោះឡើងលើមេឃ ស្រាប់ម៉ាស៊ីនប្រតិកម្មរបស់យន្ដហោះ ចាប់ផ្ដើមឲ្យសញ្ញា«មិនស្រួល»។ អ្នកកាន់ចង្កូតយន្ដហោះ បានថ្លែងបន្តថា៖

«វា (ម៉ាស៊ីនប្រតិកម្ម) ឲ្យសម្លេងយ៉ាងចម្លែក និងធ្វើឲ្យកម្លាំងហោះ បានថយចុះ។ ក្នុងខណៈបែបនេះ ខ្ញុំចាំបាច់ត្រូវធ្វើការសម្រេចចិត្ត។ ខ្ញុំគិតថា បើខ្ញុំបញ្ជាយន្ដហោះ ឲ្យត្រឡប់ទៅចុះចត នៅព្រលានយន្ដហោះវិញ ខ្ញុំប្រហែលមានសំណាង រួចរស់មានជីវិត បានតែ៥០%ប៉ុណ្ណោះ។»

លោកបានអះអាងទៀតថា លោកទទួលបាន ការយល់ព្រមពីភ្នាក់ងារត្រួតពិនិត្យការហោះហើយ ឲ្យលោកអាចចុះចត ជាបន្ទាន់ នៅលើផ្លូវរថយន្ដ។ លោកថា៖

«ក្រៅតែមានរថយន្ដច្រើន គឺមានតែផ្លូវល្បឿនលឿន (Highways) របស់រថយន្ដដូច្នេះទេ ដែលអាចធ្វើជាផ្លូវចុះចត របស់យន្ដហោះ បានយ៉ាងប្រសើរបំផុត៕»

Merci Mathieu Leclerc pour le live . Arriver vers 10am ce matin . HWY 40 Quebec

Gepostet von Carl Samson am Donnerstag, 16. April 2020


You may also like

ដំណឹង

ធ្លាក់​យន្ដហោះ​«ពន្លត់​អគ្គិភ័យ»​ នៅ​ភាគ​ខាងត្បូង​បារាំង ស្លាប់​អ្នក​បើកបរ

ស្នងការដ្ឋានតំបន់ «Gard» (ភាគខាងត្បូង នៃប្រទេសបារាំង) បានអះអាងថា អ្នកបើកបរយន្ដហោះ«ពន្លត់​អគ្គិភ័យ»ម្នាក់ បានស្លាប់ ក្នុងខណៈខ្លួនកំពុងបំពេញភារកិច្ច តែបានជួបគ្រោះអកុសល ដោយយន្ដហោះរបស់ខ្លួន បានធ្លាក់បោកខ្លួន ផ្ទុះឆេះ។ សេចក្ដីប្រកាសព័ត៌មាន ...
គ្រោះថ្នាក់យន្ដហោះធុនតូចមួយគ្រឿង ប្រភេទ «Let-410»
ដំណឹង

នេប៉ាល់ ៖ យន្ដហោះ១គ្រឿង ហោះ​បុក​ឧទ្ធម្ភាគចក្រ​២គ្រឿង ស្លាប់​៣នាក់

យន្ដហោះធុនតូចមួយគ្រឿង បានហោះងើបខ្លួនមិនបានល្អ ពីព្រលានយន្ដហោះ «Lukla» ដែលស្ថិតនៅលើចង្កេះភ្នំ និងជាមាត់ច្រក នៃភ្នំអេវើរេស របស់ប្រទេស នេប៉ាល់ ។
ដំណឹង

នៅរស់​យ៉ាងហោច​២នាក់ ក្នុងការធ្លាក់​យន្ដហោះ​ដឹក​អ្នកដំណើរ​​នៅ​ប៉ាគីស្ដង់

អ្នកដំណើរ«នៅរស់​យ៉ាងហោច​២នាក់» ពីក្នុងហេតុការណ៍ធ្លាក់យន្ដហោះ «AirBus» កាលពីរសៀលថ្ងៃសុក្រ ទី២២ ខែឧសភាម្សិលម៉ិញ ក្នុងសង្កាត់លំនៅដ្ឋាន នៃក្រុងការ៉ាឈី (Karachi) ភាគខាងត្បូង នៃប្រទេសប៉ាគីស្ដង់។ របាយការណ៍ជំហានដំបូង បានអះអាងថា ...

Comments are closed.

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...