លោក អង់តូនីញ៉ូ ហ្គូតេរេស (Antonio Guterres) អគ្គលេខាធិការ អង្គការសហប្រជាជាតិ បានអំពាវនាវ​នៅថ្ងៃចន្ទ​នេះ ឲ្យយោធានៃ​ប្រទេសភូមា ដែលបានធ្វើរដ្ឋប្រហារ កាលពី៣សប្ដាហ៍មុន ត្រូវ«បញ្ឈប់ជាបន្ទាន់» នូវការបង្ក្រាប​ទៅលើ​ការតវ៉ា​ទាំងឡាយ របស់ពលរដ្ឋភូមា។

សេចក្ដីអំពាវនាវរបស់លោក អង់តូនីញ៉ូ ហ្គូតេរេស ធ្វើឡើងតាមរយៈវីដេអូ ដែលត្រូវបានចាក់ផ្សាយ ក្នុងឱកាស​នៃការបើក​កិច្ចប្រជុំ​​ក្រុមប្រឹក្សា​សិទ្ធិមនុស្ស របស់អង្គការពិភពលោកមួយនេះ។

លោកថ្លែងឡើងថា៖

«ថ្ងៃនេះ ខ្ញុំអំពាវនាវ​ទៅយោធាភូមា ឲ្យបញ្ឈប់ជាបន្ទាន់ នូវការបង្ក្រាប ដោះលែងបណ្ដាអ្នកជាប់ឃុំ បញ្ឈប់អំពើហិង្សា និងត្រូវគោរព​សិទ្ធិមនុស្ស​ ក៏ដូចជាឆន្ទៈរាស្ត្រ ដែលបានបញ្ចេញសម្លេងរបស់ពួកគេ នៅក្នុងការបោះឆ្នោតថ្មីៗនេះ។»

ការថ្លែងរបស់ប្រមុខដឹកនាំអង្គការសហប្រជាជាតិ ធ្វើឡើងក្នុងពេលតែមួយ នៃកិច្ចពិភាក្សារបស់ក្រុមរដ្ឋមន្ត្រី​ការបរទេស នៃសហភាពអ៊ឺរ៉ុប «EU» ដើម្បីសំដៅដាក់ទណ្ឌកម្មជាក់លាក់ និងចំទិសដៅ ទៅលើក្រុមមេដឹកនាំ​យោធាភូមា។

កាលពីថ្ងៃសៅរ៍ ចុងសប្ដាហ៍កន្លងមក កងកម្លាំងប្រដាប់ដោយអាវុធ បានបើកការបាញ់រះ ទៅលើហ្វូងបាតុករបណ្ដាល​​ឲ្យបាតុករស្លាប់ យ៉ាងហោចពីរនាក់ និងរបួសច្រើននាក់។

ការបង្ក្រាបនោះ ទទួលបានប្រតិកម្មភ្លាមៗ ពីលោក អង់តូនីញ៉ូ ហ្គូតេរេស ក្នុងយប់ថ្ងៃដដែល (យប់ថ្ងៃសោរ៍ ចូលមក​ព្រឹក​ថ្ងៃអាទិត្យ)។ អគ្គលេខាធិការ អ.ស.ប បានបង្ហោះសារ​នៅលើ​បណ្ដាញសង្គមទ្វីសធើរ ធ្វើការថ្កោលទោស ចំពោះ​ការប្រើប្រាស់​កម្លាំង បង្ក្រាប​ការតវ៉ា​របស់ពលរដ្ឋ ដែលគ្មានអាវុធដូច្នេះថា៖

«ខ្ញុំថ្កោលទោស ការប្រើប្រាស់អំពើហិង្សា ដ៏រង្គាល នៅភូមា។ ការប្រើប្រាស់កម្លាំងបង្ក្រាប ការសម្លុតគម្រាមកំហែង និង​ការធ្វើទុក្ខបុកម្នេញ ប្រឆាំងនឹងបាតុករអហិង្សា ជារឿងមិនអាចទទួលបានឡើយ។»

លោកបន្តថា៖

«ពលរដ្ឋគ្រប់រូប មានសិទ្ធិក្នុងការជួបជុំគ្នា ដោយសន្តិវិធី។ ខ្ញុំអំពាវនាវឲ្យគ្រប់ភាគីទាំងអស់ ត្រូវគោរពលទ្ធផល នៃ​ការបោះឆ្នោត និងត្រូវបង្កើត​ឲ្យមានឡើងវិញ នូវរដ្ឋាភិបាលស៊ីវិល៕»



លំអិតបន្ថែមទៀត

វិភាគ អត្ថាធិប្បាយ

រដ្ឋប្រហារយោធា​នៅភូមា៖ តើហេតុការណ៍​អ្វីខ្លះ បានកើតឡើង?

តើហេតុការណ៍​អ្វីខ្លះ បានកើតឡើង ជុំវិញរដ្ឋប្រហារយោធា ដែលកើតមាននៅភូមា? ចាប់ពីព្រឹកព្រហាម ថ្ងៃចន្ទទី១ ខែកុម្ភៈ ឆ្នាំ២០២១នេះមក យោធាភូមាបានចាប់ឃុំអ្នកស្រី អ៊ុងសាន ស៊ូជី (Aung San ...
ទស្សនៈប្រិយមិត្ត

លិខិតអ្នកអាន៖ ​«ការ​អស់​សុពល​​ភាព»ដ៏ចម្លែក​នៃ​កិច្ច​ព្រម​ព្រៀងក្រុងប៉ារីស

«ការ​អស់​សុពល​​ភាព ដ៏ចម្លែក»៖ បន្ទាប់ពីគេចផុត ពីរបបកាប់សម្លាប់រាស្ត្រខ្លួនឯងមក ពលរដ្ឋខ្មែរក៏មិនបាន​សុខ​សាន្តត្រាន​ដែរ គឺនៅអត់ឃ្លាន ភិតភ័យនឹងសន្តិសុខ និងសង្គ្រាមជានិច្ចរហូតដល់មានកិច្ចព្រមព្រៀងមួយ បញ្ចប់​ជម្លោះ​រវាងខ្មែរនឹងខ្មែរ ដែលមានបរទេសជាបង្អែក ប៉ុន្តែកិច្ចព្រមព្រៀងនេះ នៅមានភាពចម្រោងចម្រាស់យ៉ាងខ្លាំង ដោយម្ខាង​យល់ថា ...
របាយការណ៍

«ទិវា​បុណ្យ​សិទ្ធិនារី​អន្តរជាតិ» ប្រវត្តិ​នៃ​ការ​តស៊ូ​របស់​ស្រ្តី

ស្រ្តីនិងបុរសត្រូវបានបង្កើតឡើងនៅលើផែនដីនេះ ដើម្បីក្លាយជាគូគ្នា ធ្វើដំណើរជាមួយគ្នាក្នុងការអភិវឌ្ឍន៏អ្វីគ្រប់ យ៉ាងលើផែនដីនេះ ប៉ុន្តែមានរូបរាងនិងចិត្តគំនិតខុសគ្នា។ ធម្មជាតិបានផ្តល់ភាពរឹងមាំ ខាងផ្នែករាងកាយ ដល់បុរស​ក្នុងភាពជាអ្នកប្រយុទ្ធ ទើបជំរុញឲ្យបុរសភាគច្រើនប្រើប្រាស់ ឥទ្ធិពលនេះដើម្បីគ្របដណ្តប់លើស្ត្រី និងចាត់ទុកស្រ្តី​ជាភេទទន់ខ្សោយ មិនអាចស្មើរនឹងខ្លួន ស្ទើរតែគ្រប់ប្រទេសទាំងអស់។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...