ជីវិតប្រចាំថ្ងៃវប្បធម៌ និងជីវិត

នៅលីវមានអីមិនល្អ? ស្រីៗត្រូវធ្វើខ្លួនឱ្យរឹងមាំ ហើយរីករាយឡើង!

សំណួរដដែលៗ ដែលសួរទៅមនុស្សស្រីនៅលីវថា “តើពេលណារៀបការ”? ហាក់ដូចជា ធ្វើឱ្យពួកនាងរអៀសខ្លួន ហើយមិនចង់ឆ្លើយនោះទេ ព្រោះខ្លាចគេមើលមកថា មួយឆ្នាំហើយ មួយឆ្នាំទៀត អាយុក៏ច្រើន នឹងក្លាយជាក្រមុំចាស់។

ទោះបីជាយ៉ាងណាក៏ដោយ ក៏មានមនុស្សស្រីនៅលីវមួយចំនួន ដែលមិនខ្វល់ពីជីវិតអាពាហ៍ពិពាហ៍ ដោយសារហេតុផលខាងក្រោម៖

១. រឹងមាំ និងក្លាហាន

ព្រោះនាងទម្លាប់ទៅណាមកណា តែម្នាក់ឯង ដោយមិនចាំបាច់មានដៃគូកំដរ ដូច្នេះបទពិសោធទាំងនេះ ធ្វើឱ្យនាងកាន់តែរឹងមាំ ហើយមានភាពក្លាហានក្នុងការចូលរួមក្នុងសកម្មភាពទាំងឡាយ។

២. ធ្វើអ្វីដែលខ្លួនចូលចិត្ត

នាងមានសេរីភាពធ្វើអ្វីដែលនាងចូលចិត្ត ដោយមិនខ្វល់ពីអ្នកណា ព្រោះថាជីវិតមានដៃគូ ពេលខ្លះ គឹគេតែងតែទាមទារឱ្យយើងផ្លាស់ប្តូរដើម្បីគេ។ ដូច្នេះស្រ្តីនៅលីវ ដែលរឹងមាំ តែងមានទស្សនៈថា សេចក្តីសុខរបស់ខ្លួនមិនស្ថិតលើមាត់អ្នកដទៃនោះទេ។ នាងបន្តធ្វើអ្វី ដែលធ្វើឱ្យខ្លួនឯងរីករាយ ដោយមិនមានសម្ពាធ។

៣. ពេញចិត្តអ្វីដែលខ្លួនមាន

ការងារ មិត្តភក្តិ ក្រុមគ្រួសារ ហរិញ្ញវត្ថុ គ្រប់យ៉ាងនេះ ធ្វើឱ្យនាងមានអារម្មណ៍ថា ស្កប់ស្កល់ និងគ្រប់គ្រាន់សម្រាប់នាង។ ដូច្នេះ ទោះបីគ្មានដៃគូ ក៏នាងមិនដែលមានអារម្មណ៍ថាឯកាដែរ។

៤. ចំណាយពេលសម្រាប់ខ្លួនឯង

នាងមានភាពងាយស្រួលក្នុងការផ្តល់ថាមពលឱ្យខ្លួនឯង នៅពេលចាំបាច់។ ឧទាហរណ៍ ការធ្វើដំណើរកម្សាន្ត មួយឆ្នាំម្តង ឬ ពីរដង ទៅកន្លែងដែលខ្លួនចូលចិត្ត ដោយមិនចាំបាច់ ត្រូវពិភាក្សាជាមួយដៃគូ ឬហត់នឿយ នឹងការខ្វែងគំនិតគ្នា។ ពេលខ្លះ នាងត្រូវការដើរផ្សារ ទិញអីវ៉ាន់ ដែលនាងចូលចិត្ត ជាការលើកទឹកចិត្តសម្រាប់ខ្លួនឯង ដែលធ្វើការហត់នឿយជាដើម។

៥. មានឱកាសច្រើន ក្នុងការនូវដៃគូប្រភេទណាដែលខ្លួនចង់បាន

ព្រោះនាងមិនដែលព្រួយបារម្ភពីជីវិតនៅលីវ ដូច្នេះ នាងមិនដែលតក់ក្រហល់ក្នុងការចាប់ផ្តើមទំនាក់ទំនងជាមួយបុរសណាម្នាក់ទេ។ ប្រសិនបើមានអ្នកតាមស្រលាញ់នាង ហើយនាងសង្កេតឃើញថា គេមិនទាន់ល្អគ្រប់គ្រាន់ នោះនាងមិនខ្លាចក្នុងការបដិសេធស្នេហាគេឡើយ។ នាងត្រូវការគិតច្រើន ពីប្រភេទដៃគូ ដែលអាចដើរផ្លូវជាមួយនាងបាន មិនមែនបានន័យថានាងរើសច្រើន ឬទាមទារនូវភាពល្អឥតខ្ចោះពីដៃគូនោះទេ៕



You may also like

ជីវិតប្រចាំថ្ងៃ

ឪពុកម្តាយ​ត្រូវ​ផ្តល់​រង្វាន់ និង​ដាក់​ពិន័យ​ចំពោះ​កូន​ខ្លួន​បែបណា?

ឪពុកម្តាយផ្សេងគ្នា នឹងមានទស្សនៈផ្សេងគ្នា អំពីវិធីល្អបំផុត ដើម្បីលើកទឹកចិត្តកូនៗ ឱ្យផ្លាស់ប្តូរអាកប្បកិរិយា របស់ពួកគេ។ ខណៈពេលដែលកុមារតូចៗ អាចនឹងធ្វើអ្វីមួយបានល្អ ហើយទទួលបានរង្វាន់ ហើយកូនៗធំៗ ខ្លះទទួលបានការឆ្លើយតប ពីឪពុកម្តាយ ក្នុងការចេញទៅលេងនៅខាងក្រៅ ...
កំសាន្ដ

«ឪពុក​ឲ្យ​ខ្ញុំ​ក្ដាប់​ដុំថ្ម នៅ​ពេល​ខ្ញុំខឹង-​ស្អប់-​ច្រណែន»

សំឡេងបោះកាតាបព្រូស ទៅលើសាឡុង ដោយអាការៈអស់កម្លាំង ក្នុងដំណើរកោងៗ ជាមួយឯកសណ្ឋានសិស្ស បញ្ជាក់ថា តុលា ទើបត្រឡប់មកពីសាលារៀន។ លោកឪពុក ឃើញកូនប្រុសអាយុ ១៥ ឆ្នាំរបស់គាត់ ហាក់ហត់នឿយ ...
វប្បធម៌ និងជីវិត

កាន់តែ​យល់​ពី​មនុស្សស្រី កាន់​តែ​ដឹង​ថា​នាង​ត្រូវ​ការ​អី

អត្ថបទនេះនឹងជាជំនួយដល់អ្នក ក្នុងការស្វែងយល់ពីអារម្មណ៍របស់មនុស្សស្រី ក៏ដូចជាធ្វើឱ្យអ្នកអាចបង្កើតទំនាក់ទំនង កាន់តែល្អ ជាមួយនារី ដែលអ្នកស្រលាញ់។ ១. យល់ពីការលំបាកផ្នែកជីវសាស្រ្តរបស់មនុស្សស្រី ជារៀងរាល់ខែ ស្រ្តីតែងតែមករដូវ ដែលធ្វើឱ្យអារម្មណ៍នាងប្រែប្រួល មួម៉ៅ ឬឆាប់ខឹង ...

Comments are closed.

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២០-២០២១

ជីវិតប្រចាំថ្ងៃ

រងការពង្រត់តាំងពីនៅតូច ទើប​ជួបជុំ​ ជាមួយ​ឪពុកម្ដាយ​វិញ​ នៅ​៣២ឆ្នាំ​ក្រោយ

បុរសជនជាតិចិនម្នាក់ ទើប​ជួបជុំ​ ជាមួយឪពុកម្ដាយបង្កើតខ្លួនវិញ នៅថ្ងៃនេះ បន្ទាប់ពីបានបែក ពីអ្នកមានគុណ ដោយការចាប់ពង្រត់មួយ តាំងពី៣២ឆ្នាំមុន។ ការជួបជុំ ឪម៉ែ-កូន វិញនេះ ធ្វើឡើងដោយសារ របាយការណ៍មួយរបស់​អាជ្ញាធរ ...
ជីវិតប្រចាំថ្ងៃ

បារាំង៖ ថ្ងៃបុណ្យ​ដែល​ត្រូវ​ឈប់​សម្រាក ប្រតិទិន​ឆ្នាំ២០២០

ក្នុងប្រទេសបារាំង ថ្ងៃបុណ្យ​ដែល​ត្រូវ​ឈប់​សម្រាក មាន១១ថ្ងៃ ស្របតាមច្បាប់ការងារ ជាធរមាន របស់ប្រទេសនេះ។ ពីចំណោមនោះ ថ្ងៃបុណ្យចំនួន៥ គឺជាទិវាបុណ្យជាតិ-អន្តរជាតិ សម្រាប់ឧទ្ទិស​ឲ្យការរំលឹក​ឡើងវិញ នៃប្រវត្តិនានា ដែលជាការតស៊ូ ដើម្បីសេរីភាព ...