Selfie ៖ ក្រុមអ្នកស្រាវជ្រាវ មកពីសាកលវិទ្យាល័យកាលីហ្វ័រនីញ៉ា បានធ្វើការជាមួយសិស្សនិស្សិតមហាវិទ្យាល័យមួយក្រុម ដើម្បីស្វែងយល់អំពីវិធីថតរូបប្រភេទផ្សេងៗគ្នា ពេញមួយថ្ងៃនៅលើស្មាតហ្វូនរបស់ពួកគេ ដែលមានឥទ្ធិពល ទៅលើអារម្មណ៍របស់ពួកគេ។
ក្នុងកំឡុងពេលនៃការសិក្សាស្រាវជ្រាវ និស្សិតត្រូវបានគេជ្រើសរើស យករូបថតមួយ ក្នុងចំណោមបីប្រភេទខុសៗគ្នា ជារៀងរាល់ថ្ងៃ៖ រូបថតខ្លួនឯង (Selfie) ដោយបង្ហាញពីភាពញញឹម – រូបថតនៃអ្វីមួយ ដែលធ្វើឱ្យពួកគេសប្បាយចិត្ត និងរូបភាពនៃអ្វីដែលពួកគេគិតថា នឹងធ្វើឱ្យនរណាម្នាក់ផ្សេងទៀតសប្បាយរីករាយ នៅក្នុងជីវិតរបស់ពួកគេ។
ប្រភេទនៃរូបថតនីមួយ ៗ បានបង្កើតលទ្ធផលផលខុសគ្នា នៅចុងបញ្ចប់នៃការស្រាវជ្រាវ ដែលមានរយៈពេលបីសប្តាហ៍។
- មនុស្សមានអារម្មណ៍ឆ្លុះបញ្ចាំង និង ផ្ចង់ស្មារតីបានល្អ ពេលពួកគេថតរូប ដើម្បីធ្វើឱ្យពួកគេសប្បាយចិត្ត។
- ហើយពួកគេមានអារម្មណ៍ កាន់តែជឿជាក់ និងស្រណុកចិត្តជាមួយខ្លួនឯង នៅពេលដែលពួកគេថតរូបស៊ែលហ្វ៊ី។
- សំខាន់ជាងនេះទៅទៀត, នៅចុងបញ្ចប់នៃការសិក្សាស្រាវជ្រាវនេះ មនុស្សជាច្រើនបានកត់សម្គាល់ថា ពួកគេទទួលបានផលវិជ្ជមាន អំពីការថតស៊ែលហ្វ៊ី នៅពេលដែលពួកគេមិនមានអារម្មណ៍ថា ពួកគេកំពុងក្លែងបន្លំ ឫបង្ខំខ្លួនឯងឱ្យញញឹម និងថតរូបញញឹមដោយធម្មជាតិ កាន់តែងាយស្រួល។
- ថតរូបដើម្បីសុភមង្គលរបស់អ្នកដទៃ ក៏មានប្រសិទ្ធិភាពខ្លាំងក្លា ធ្វើឱ្យមនុស្សមានអារម្មណ៍ធូរស្រាល នៅពេលពួកគេទទួលបានការឆ្លើយតប ពីអ្នកដែលមានអារម្មណ៍ ពីរូបថតរបស់ពួកគេ។ អារម្មណ៍ដែលផ្សារភ្ជាប់ទៅនឹងអ្នកដទៃ ក៏ជួយបន្ថយភាពតានតឹងដែរ។
ទោះបីជាយ៉ាងណាក៏ដោយ ការថតស៊ែលហ្វី ក៏មានអត្ថប្រយោជន៍ជាច្រើនទៀត ដូចជា៖
- បង្ហាញនូវការស្រលាញ់ចំពោះខ្លួនឯង
- កាត់បន្ថយភាពតានតឹង
- បង្កើនភាពស្និទ្ធស្នាលជាមួយមនុស្សនៅក្បែរខ្លួន
- មិនបាច់រំខានអ្នកដទៃឱ្យថតរូបឱ្យយើង
- ដឹងពីការវិវត្តន៍នៃមុខរបស់យើង។
