ក្នុងសម្លៀកបំពាក់ទាហាន គូស្នេហ៍មួយបានរៀបអាពាហ៍ពិពាហ៍ នៅនឹង​ខ្សែត្រៀម​ជួរមុខ ចម្ងាយប៉ុន្មានគីឡូម៉ែត្រ ពីរដ្ឋធានីគៀវ (ប្រទេសអ៊ុយក្រែន)។ កូនប្រុស នាម«Valeriy» និងកញ្ញា នាម«Lesya» បានភ្ជាប់មេត្រីភាព ក្លាយជាគូស្វាមីភរិយា ដោយមានការចូលរួម ពីយុទ្ធជន-យុទ្ធនារីរួមលេណដ្ឋានជាច្រើននាក់ កាលពីថ្ងៃទី៦ ខែមីនា ឆ្នាំ២០២២។

បើទោះជាពិធីមង្គលការ បានប្រព្រឹត្តិទៅ មានលក្ខណៈជានិមិត្តរូបក្ដី តែប្រពៃណីទំនៀមទម្លាប់មួយចំនួន ក្នុងសាសនាគ្រឹស្ទិ៍អ័រតូដុក ត្រូវបានយកមកប្រារព្ធ និងប្រតិបត្តិតាម។ ជាពិសេស កូនស្រី នាង«Lesya» បានយកមួកទាហាន យកមកគ្របក្បាល ជំនួសឲ្យស្បៃបាំងមុខ។​ ក្រុមអ្នកចូលរួម ក៏បានលេងភ្លេង និងច្រៀងចម្រៀងប្រពៃណី ដើម្បីប្រសិទ្ធិពរជ័យ ដល់គូស្វាមីភរិយាថ្មីថ្មោងនេះដែរ។

វីដេអូនៃពិធីមង្គលការ ត្រូវបានផ្ដិតថត ដោយអ្នកកាសែតអាល្លឺម៉ង់ លោក «Paul Ronzheimer» ដែលបានទៅចូលរួមផ្ទាល់។ វីដេអូត្រូវបានទស្សនាប្រមាណជា២លានដង និងចែករំលែក ច្រើនជាង១ម៉ឺនដង នៅលើបណ្ដាញសង្គម។ នេះ គេមិនបានរាប់បញ្ចូលផងទេ ពីប្រព័ន្ធផ្សព្វផ្សាយ​ផ្សេងទៀត នៅលើពិភពលោក ដែលចម្លងយករូបភាពខាងលើ យកទៅផ្សាយបន្ត៕



You may also like

ដំណឹង

ក្រុមប្រទេស​«G7»​ថ្កោលទោស​រ៉ុស្ស៊ី ក្នុងការផ្លោងគ្រាប់​ដាក់ផ្សារ​អ៊ុយក្រែន

មេដឹកនាំនៃក្រុមប្រទេស ដែលមានវិស័យឧស្សហកម្មជឿនលឿនជាងគេ ឬហៅថា «G7» បានរួមគ្នាថ្កោលទោសប្រទេសរ៉ុស្ស៊ី ជុំវិញព្រឹត្តិការណ៍ផ្លោងគ្រាប់ដាក់ផ្សារទំនើបមួយកន្លែង នៃក្រុង«Krementchouk» (ភាគកណ្ដាល) នៃប្រទេសអ៊ុយក្រែន បណ្ដាលឲ្យមានជនស៊ីវិលស្លាប់ យ៉ាងតិច១៦នាក់។ ក្រុមមេដឹកនាំ នៃប្រទេសមហាយក្សទាំង៧ ...
ដំណឹង

សង្គ្រាមនៅអ៊ុយក្រែន៖ EU នឹងផ្ដល់ជំនួយ​ជាសព្វាវុធ ទៅឲ្យអ៊ុយក្រែន

ជាលើកដំបូងក្នុងប្រវត្តិសាស្ត្រ សហភាពអ៊ឺរ៉ុប «EU» នឹងផ្ដល់ជំនួយ​ជាសព្វាវុធ និង«ជាបន្ទាន់» ទៅឲ្យប្រទេសអ៊ុយក្រែន នៅក្នុងសង្គ្រាម​ឈ្លានពាន ធ្វើឡើងដោយកងទ័ពរ៉ុស្ស៊ី តាំងពី៤ថ្ងៃមកនេះ។ ប្រមុខការទូតនៃសហភាពអ៊ឺរ៉ុប លោក «Josep Borrell» ...
ដំណឹង

ស៊ី ជិនពីង ថាចិន«មិនចង់ឃើញសង្គ្រាម»​នៅអ៊ុយក្រែន

ជួប​ជាមួយប្រធានាធិបតី​អាមេរិក តាមរយៈទូរស័ព្ទ លោក ស៊ី ជិនពីង (Xi Jinping) ប្រធានាធិបតីចិន បានអះអាងថា ប្រទេសរបស់លោក «មិនចង់ឃើញសង្គ្រាម» នៅក្នុងប្រទេសអ៊ុយក្រែនទេ ដោយគូសបញ្ជាក់ថា ...

Comments are closed.

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...