ប្រិយមិត្តជាទីមេត្រី!

ទស្សនាវដ្ដីមនោរម្យ.អាំងហ្វូ មានក្ដីសោមនស្សរីករាយ ដោយសូមជម្រាបថា គេហទំព័រទស្សនាវដ្ដី «MONOROOM.info» ត្រូវបានរៀបចំសារជាថ្មី ហើយនឹងធ្វើការចេញផ្សាយ ដូចធម្មតាឡើងវិញ ចាប់ពីថ្ងៃទី០១ ខែធ្នូ ឆ្នាំ២០១៨នេះតទៅ។ ការដាក់ឲ្យមានដំណើរការឡើងវិញ អាចនឹងជួបនូវភាពរអាក់រអួលខ្លះ ប៉ុន្តែទស្សនាវដ្ដីនឹងប្រឹងប្រែង ឲ្យអស់ពីលទ្ធភាព ដើម្បីឱ្យបញ្ហាដែលនៅសេសសល់ ត្រូវបានដោះស្រាយអស់ទាំងស្រុង។

គេហទំព័រថ្មី នឹងយកអត្ថបទ ឬរបាយការណ៍ចាស់ ដែលសំខាន់ៗមួយចំនួន មកដាក់ផ្សាយឡើងវិញ។ ប៉ុន្តែប្រសិនជាលោកអ្នក មានបំណងចង់អានអត្ថបទ ឬរបាយការណ៍ផ្សេងទៀត ដែលធ្លាប់ត្រូវបានចេញផ្សាយ ក្នុងពេលកន្លងមក សូមអញ្ជើញចូលទៅកាន់គេហទំព័រចាស់ ដែលនៅតែមានដំណើរការធម្មតា តែត្រូវបានប្ដូរ ទៅដាក់ក្នុងអាស័យដ្ឋានថ្មី «ARCHIVE.MONOROOM.info»។

ដូចគ្នានេះ ចំពោះការចូលទៅរកអត្ថបទចាស់ លោកអ្នកអាចចុះរករក នៅក្នុងប្រអប់ស្វែងរក របស់គេហទំព័រចាស់ ឬលោកអ្នកអាចបន្ថែមអក្សរ «ARCHIVE.» នៅខាងមុខអាស័យដ្ឋានពីមុន។ ជាឧទាហរណ៍៖ អត្ថបទ «មើល​មិន​ឃើញ​លោក​ប្រមុខ​ទេ» មានអាស័យដ្ឋានដើម «monoroom.info/news/post/8783»។ តែដើម្បីអាចអានអត្ថបទចាស់នេះ ដូចមុន នៅក្នុងគេហទំព័រមុនបាន លោកអ្នកគ្រាន់តែវាយអក្សរ «ARCHIVE.» នៅខាងមុខអាស័យដ្ឋានខាងលើ ដែលត្រូវជា «archive.monoroom.info/news/post/8783»។

មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !



លំអិតបន្ថែមទៀត

ពិសេស

ការបញ្ចេញមតិ-​យោបល់ របស់​ប្រិយមិត្ត​គួរឲ្យ​ស្រឡាញ់​ណាស់! តែ…

សូមជម្រាបប្រិយមិត្តថា ការបញ្ចេញមតិ-​យោបល់ ឬការពិភាក្សាទាំងឡាយ គឺជាអទិភាពខ្ពស់បំផុត របស់ទស្សនាវដ្ដី ក្នុងការចែករំលែក ការគោរព និងការពារដល់សិទ្ធិ នៃការបញ្ចេញមតិ។ ហើយមកដល់ថ្ងៃនេះ មិនមានការបញ្ចេញមតិ-​យោបល់ណាមួយ ត្រូវបានលប់ចេញពីទំព័រហ្វេសប៊ុក ឬទំព័រណាផ្សេងទៀត ...
កម្ពុជា

អភិបាល​ខណ្ឌ​ឫស្សីកែវ ចេញមុខ​សុំទោស​ករណី​«គេងលក់»​ក្នុង​អង្គប្រជុំ

ការបង្ហោះរូបភាពលោក ជា ពិសី អភិបាល​ខណ្ឌ​ឫស្សីកែវ ដោយទំព័រហ្វេសប៊ុក របស់ទស្សនាវដ្ដីមនោរម្យ.អាំងហ្វូ កាលពីម្សិលម៉ិញ ទទួលបានប្រតិកម្មពីរូបលោកផ្ទាល់ នៅថ្ងៃនេះ។ មេដឹកនាំថ្នាក់មូលដ្ឋានរូបនេះ បានសុំការអភ័យទោស ចំពោះ«កាយវិការមិនសមរម្យ»​របស់លោក ដោយលើកមូលហេតុថា ...
កម្ពុជា

RSF ៖ ហ៊ុន សែន មិនត្រូវ​ប្រើ​លេស​«Covid-19»​ដើម្បី​បិតមាត់​អ្នកកាសែត

អង្គការអ្នកយកព័ត៌មានគ្មានព្រំដែន (RSF /RWB) ដែលមានទីតាំងធំ​ ក្នុងរដ្ឋធានីប៉ារីស (បារាំង) បានចេញសេចក្ដីថ្លែងការណ៍មួយ ទាមទារទៅដ្ឋាភិបាលលោក ហ៊ុន សែន មិនត្រូវប្រើ«លេស» នៃជំងឺ«Covid-19» ដើម្បីបំបិតមាត់អ្នកសារព័ត៌មាន ...

Comments are closed.

យល់ស៊ីជម្រៅផ្នែក ពិសេស

ពិសេស

មនោរម្យ.អាំងហ្វូ និងអង្គការធំមួយ រួមគ្នាបំបែក​ការរាំងខ្ទប់​គេហទំព័រ​នៅកម្ពុជា

ពិសេស

វិធីបើក​គេហទំព័រ មនោរម្យ.អាំងហ្វូ ដែល​រាំងខ្ទប់ នៅក្នុង​ប្រទេសកម្ពុជា

ប្រិយមិត្តជាទីមេត្រី ! ដូចប្រិយមិត្តខ្លះ បានជ្រាបរួចហើយថា គេហទំព័ររបស់ទស្សនាវដ្ដី មនោរម្យ.អាំងហ្វូ ( MONOROOM.info ) បានរងគ្រោះ ព្រោះការរាំងខ្ទប់ នៅក្នុងប្រទេសកម្ពុជា ចាប់ពីថ្ងៃទី៣១ ...
ពិសេស

ទស្សនាវដ្ដី​ដាក់​ដំណើរការ នូវ​សេវា​ធ្វើ​«បច្ចុប្បន្នភាព​ដំណឹង​ដោយ​ផ្ទាល់»

សូមមេត្តាកុំខ្វល់អ្វីឡើយ បើប្រិយមិត្ត​កំពុង​ពិគ្រោះគេហទំព័រ «MONOROOM.info» នៃទស្សនាវដ្ដីមនោរម្យ.អាំងហ្វូ ហើយប្រិយមិត្តបានឃើញ ប្រអប់មួយលោតចេញមក ដូចនៅក្នុងរូបភាពខាងលើ។ នោះ ជាប្រអប់មួយ នៃសេវាដើម្បីទទួល ​«បច្ចុប្បន្នភាព​ដំណឹង​ដោយ​ផ្ទាល់»។ វាជាសេវាថ្មីមួយ ដែលទស្សនាវដ្ដីទើបនឹងដាក់បញ្ចូល ...