• EU ពិន័យ GOOGLE ១,៤៩ពាន់​លានអ៊ឺរ៉ូ អំពី​ការរាំងខ្ទប់​គូប្រជែង

    សហគ្រាសយក្ស ជំនាញនៅលើបណ្ដាញអ៊ិនធើណែត របស់អាមេរិក បានរងការពិន័យដ៏ធ្ងន់ធ្ងរមួយ​នៅថ្ងៃនេះ ជាទឹកប្រាក់ ១,៤៩ពាន់​លានអ៊ឺរ៉ូ ពីសំណាក់គណៈកម្មការអ៊ឺរ៉ុប នៃសហភាពអ៊ឺរ៉ុប។ ហ្គូហ្គ័ល (Google) ត្រូវបានចោទប្រកាន់ថា បានហួងហែងលើប្រព័ន្ធផ្សាយពាណិជ្ជកម្ម នៅតាមបណ្ដាញអ៊ិនធើណែត ដែលបណ្ដាលឲ្យជម្រើស របស់អ្នកប្រើប្រាស់ ត្រូវបានរាំងខ្ទប់។ នេះ បើតាមការអះអាងឲ្យដឹង របស់គណៈកម្មការអ៊ឺរ៉ុប ដែលប្រកាសចេញពីរាជធានី ព្រុយស៊ែល នៃប្រទេសប៊ែលហ្សិក ក្នុងរសៀលថ្ងៃពុធ ទី២០ ខែមិនា ឆ្នាំ២០១៩។ ការពិន័យលើកនេះ ជាការសម្រេចលើកទី៣ហើយ របស់សហភាពអ៊ឺរ៉ុប ក្នុងរយៈពេលមិនដល់២ឆ្នាំផងទេ ដើម្បីអនុវត្តន៍គោលការណ៍របស់ខ្លួន ក្នុងការប្រយុទ្ធប្រឆាំង ទល់នឹងការប្រើវិធីសាស្ត្រ​ខុសច្បាប់ (ឬតាមផ្លូវងងឹត) ដើម្បីបំបាក់​គូប្រជែង។ ...
  • ឡៅ ម៉ុងហៃ សុំព្រះរាជា​លើកលែង​ទោស​និង​ផ្ដល់ងារ​«សម្ដេច»​ឲ្យ សម រង្ស៊ី

    បរមងារជា«សម្ដេច សម រង្ស៊ី» អាចទៅរួចឬទេ? ទោះរួចឬមិនរួច វាជាការស្នើឡើង របស់លោក ឡៅ ម៉ុងហៃ អ្នកវិភាគឯករាជ្យដ៏មានឥទ្ធិពលមួយរូប ដោយហៅមេដឹកនាំប្រឆាំងដ៏សំខាន់ របស់ប្រទេសកម្ពុជា ថាជា​«រដ្ឋបុរសខ្មែរ និងបណ្ឌិតព្រឹទ្ធាចារ្យ»មួយរូប មុននឹងលោកទូលស្នើ សុំឲ្យមានការលើកលែងទោស​ទាំងអស់ និងផ្ដល់បរមងារជា«សម្ដេច» ដល់លោក សម រង្ស៊ី។ អ្នកវិភាគវ័យចំណាស់ បានលើកឡើងដូច្នេះ ដើម្បីឆ្លើយតបទៅនឹងការអះអាងរបស់លោក សម រង្ស៊ី ក្នុងឱកាសខួបអាយុ៧០ឆ្នាំ កាលពីចុងសប្ដាហ៍កន្លងមកនេះ ថាលោកនឹងមិនឡើង ធ្វើជានាយករដ្ឋមន្ត្រី ឬតំណែងសំខាន់ណាមួយ នៅក្នុងកិច្ចការដឹកនាំប្រទេសនោះទេ ដោយលោកចង់ទុកតំណែងទាំងអស់នេះ សម្រាប់យុវជនជំនាន់ក្រោយ។ លោក ឡៅ ...
  • CNRP ហៅ​ការចេញដីកា​ចាប់ខ្លួន​មេដឹកនាំ​ខ្លួន​ទាំង៨ ថាជា​«ការផ្គើន»

    ការចេញដីកា ឲ្យចាប់ខ្លួនថ្នាក់ដឹកនាំទាំង៨នាក់ របស់គណបក្សសង្គ្រោះជាតិ កាលពីប៉ុន្មានថ្ងៃមុននេះ បង្ហាញថា របបក្រុងភ្នំពេញសព្វថ្ងៃ កំពុងយកតុលាការ ធ្វើជាឧបករណ៍នយោបាយ ដើម្បីជា«ការផ្គើន» នឹងវិធានការនានារបស់សហគមន៍អន្តរជាតិ និងបំផ្លាញប្រយោជន៍ជាតិកម្ពុជាទាំងមូល។  ខាងលើនេះ ជាការអះអាង របស់គណបក្សសង្គ្រោះជាតិ (CNRP) ដើម្បីប្រតិកម្មតបនឹងដីកា ដែលចុះហត្ថលេខា និងចេញផ្សាយក្នុងពេលតែមួយ ដោយចៅក្រមស៊ើបអង្កេត​សាលា​ដំបូង​រាជធានី​ភ្នំពេញ បញ្ជាទៅកងកម្លាំងអាជ្ញាធរ ឲ្យតាមចាប់ខ្លួនថ្នាក់ដឹកនាំប្រឆាំង ទាំង​៨នាក់ ពីបទក្បត់ជាតិ និងផ្សំគំនិតក្បត់។ សេចក្ដីថ្លែងការណ៍ របស់គណបក្សប្រឆាំង ដែលធ្លាក់មកដល់ដៃអ្នកសារព័ត៌មាន កាលពីប៉ុន្មាននាទីមុន បានឲ្យដឹងថា ទង្វើរបស់របបលោក ហ៊ុន សែន បង្ហាញឲ្យឃើញអំពីការដឹកនាំ ដែលងាកចេញពីការផ្សះផ្សារបង្រួបបង្រួមជាតិ និងពុំឲ្យតម្លៃប្រជាធិបតេយ្យ ...
  • ត្រាំ បន្ត​វាយប្រហារ ម៉ាកខេន ដែល​ទទួល​មរណភាព តាំងពី​៧ខែ​មុន

    ប្រធានាធិបតីអាមេរិក លោក ដូណាល់ ត្រាំ (Donald Trump) បានវាយប្រហារជាថ្មី ក្នុងថ្ងៃអាទិត្យកន្លងមកនេះ ទៅលើលោក ចន ម៉ាកខេន (John McCain) ដែលទទួល​មរណភាព​តាំងពី៧ខែមុន។ លោក ត្រាំ បានចោទអតីតសមាជិកព្រឹទ្ធសភា មកពីគណបក្សសាធារណរដ្ឋដូចរូបលោកដែរ ថាបានទម្លាយក្នុងឆ្នាំ២០១៦ នូវឯកសារដ៏ចម្រូងចម្រាសមួយ ស្ដីពីការចោទប្រកាន់គ្មានភស្ដុតាងជាច្រើន ទៅលើរូបលោក ដែលពេលនោះ ជាបេក្ខជនប្រធានាធិបតីរបស់គណបក្ស។ ប្រធានាធិបតីអាមេរិក បានប្រើទំព័រទ្វីសធើររបស់លោក ដើម្បីសរសេរឲ្យដឹងថា គឺលោក ចន ម៉ាកខេន បានផ្ញើរ«ឯកសារក្លែងក្លាយ»នោះ ទៅឲ្យផ្នែកស៊ើបអង្កេតសហព័ន្ធ «FBI» និងទៅឲ្យប្រព័ន្ធផ្សព្វផ្សាយ ដោយសង្ឃឹមថា ...
  • សម រង្ស៊ី ប្រកាស​មិនធ្វើ​នាយករដ្ឋមន្ត្រី និង​ទុក​តំណែង​ឲ្យ​«ជនជំនាន់ក្រោយ»

    «ខ្ញុំត្រៀមខ្លួនប្រកាស អត់កាន់តំណែងអីទាំងអស់ ក្នុងការដឹកនាំប្រទេស» នេះ ជាការថ្លែងឡើងរបស់មេដឹកនាំប្រឆាំង លោក សម រង្ស៊ី ដែលបញ្ជាក់ពីជំហររបស់លោក ក្នុងការទុកឱកាស ឲ្យ«ជនជំនាន់ក្រោយ»បន្តធ្វើកិច្ចការបម្រើប្រទេសជាតិ ជាជាងការក្រាញអំណាច រហូតដល់«ចាស់រញីរញ័រ» ដូចអ្នកនយោបាយ ឬមេដឹកនាំខ្លះ។ ថ្លែងក្នុងឱកាសខួបកំណើត ៧០ឆ្នាំរបស់លោក ទៅកាន់អ្នកគាំទ្រ ក្នុងក្រុងហ្វីឡាឌែលហ្វីយ៉ា (សហរដ្ឋអាមេរិក) កាលពីថ្ងៃអាទិត្យកន្លងមកនេះ ប្រធានស្ដីទីគណបក្សប្រឆាំង បានលើកឡើងថា លោកនឹងមិនឡើងធ្វើជានាយករដ្ឋមន្ត្រីនោះទេ។ លោកថា៖ «ខ្ញុំធ្វើជាទីប្រឹក្សា ខ្ញុំយល់ព្រម ខ្ញុំធ្វើជាព្រឹទ្ធាចារ្យ ខ្ញុំយល់ព្រម។ តែតំណែងចាប់ពីនាយករដ្ឋមន្ត្រី ចុះក្រោម ប្រធាននាយកដ្ឋាន ប្រធានអង្គភាព ប្រធានស្ថាប័ន ដែលជាស្ថាប័នគ្រប់គ្រងដឹកនាំប្រទេស ...
  • បាញ់ប្រហារ នៅហូឡង់៖ ចាប់ខ្លួនខ្មាន់កាំភ្លើង – ស្លាប់យ៉ាងតិច​៣នាក់

    នគរបាលនៃប្រទេសហូឡង់ បានហៅហេតុការណ៍«បាញ់ប្រហារ» ​នៅក្រុង «Utrecht» ស្ថិតនៅភាគកណ្ដាលនៃប្រទេស ថាមានទំនោរបែបភេរវកម្ម។ អង្គភាពជាតិ ដើម្បីសន្តិសុខ និងប្រឆាំងអំពើភេរវកម្ម បានអះអាងថា ការបាញ់ប្រហារ​ជាច្រើនបានកើតឡើង នៅក្នុងក្រុង ចាប់ពីម៉ោង១០និង៤៥នាទី ព្រឹកថ្ងៃចន្ទនេះមក។ អង្គភាពដដែលបានអះអាងថា បុរសម្នាក់បានបើកការបាញ់រះ ទៅលើបណ្តាជនដែលកំពុងជិះក្នុងត្រាំវេ (Tramway – យានរត់លើផ្លូវដែក របៀបដូចរថយន្តក្រុង) បណ្ដាលឲ្យមនុស្សយ៉ាងតិច៣នាក់ ស្លាប់ និងជាង១០នាក់ទៀតរងរបួស។ បន្ទាប់ពីតាមប្រមាញ់ខ្មាន់កាំភ្លើង អស់រយៈពេលជាច្រើនម៉ោង អាជ្ញាធរបានអះអាងនៅមុននេះបន្តិចថា ខ្លួនបានចាប់ខ្លួនជនសង្ស័យរួចហើយ តែមិនទាន់គិតថា មានជនប្រព្រឹត្តតែម្នាក់នោះទេ។ កាលពីវេលារសៀល អាជ្ញាធរបានផ្សាយរូបថតរបស់ជនសង្ស័យ ដើម្បីតាមស្វែងរកចាប់ខ្លួន។ ជនសង្ស័យរូបនោះ មានដើមកំណើតទួរគី ...