កម្ពុជាដំណឹង

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ត្រូវបានបញ្ជូនឡើង ដល់ព្រឹទ្ធសភាហើយ នៅមួយថ្ងៃក្រោយមក។

គេហទំព័ររដ្ឋសភា នៃប្រទេសមហាអំណាច បានឲ្យដឹងថា អត្ថបទស្នើច្បាប់ថ្មីថ្មោងមួយនេះ ត្រូវបានបញ្ជូន ទៅដល់ដៃព្រឹទ្ធសភាអាមេរិក កាលពីរសៀលថ្ងៃអង្គារ ទី១៦ ខែកក្កដា (ត្រូវជាព្រឹកថ្ងៃពុធ ទី១៧ ខែកក្កដា ម៉ោងនៅកម្ពុជា) នឹងថែមទាំងត្រូវបានស្ថាប័នមួយនេះ អានពីរដង មុននឹង​បញ្ជូន​ទៅកាន់ គណៈកម្មាធិការ​ទំនាក់​ទំនង​ការបរទេស របស់ខ្លួន។

សេចក្តី​ស្នើច្បាប់​ «H.R.526» ហៅ «Cambodia Domocratie Act of 2019» បានទទួលការអនុម័ត ដោយសម្លេងគាំទ្រ​ពីតំណាងរាស្ត្រ មកពី​គណបក្ស​ធំៗ​ទាំងពីរ ដែលមានអសនៈនៅក្នុងរដ្ឋ​សភា​ នៃសហរដ្ឋអាមេរិក

អត្ថបទស្នើច្បាប់ដែលមាន៧ជំពូក មានចែងអំពីការកំណត់ទណ្ឌកម្ម ទៅលើ​មន្ត្រី​រដ្ឋាភិបាលកម្ពុជា​ មន្ត្រី​យោធា ​និង​មន្ត្រី​សន្តិសុខ​ណា​ ​ដែល​ទទួល​ខុសត្រូវ​ ចំពោះ​ការធ្វើ​ឱ្យ​ខូច​លទ្ធិប្រជាធិបតេយ្យ​ និងចំពោះ​ការ​រំលោភ​សិទ្ធិ​មនុស្ស។

ទណ្ឌកម្មទាំង​នោះ​ មានរាប់បញ្ចូលទាំង​ការបង្កក​ទ្រព្យ​សម្បត្តិ​ ​នៅ​សហរដ្ឋ​អាមេរិក ​- ហាមឃាត់​ទិដ្ឋាការ​ មិន​ឱ្យ​ចេញចូល លើទឹកដី​សហរដ្ឋ​អាមេរិក និង​មិន​ឱ្យ​ធ្វើ​ជំនួញ​ ​ជាមួយ​នឹង​សហរដ្ឋ​អាមេរិក។

ការអនុម័តសេចក្ដីស្នើច្បាប់ខាងលើ ក្នុងជំហានដំបូងនេះ ទទួលបានប្រតិកម្មយ៉ាងវែងអន្លាយ ពីរបបក្រុងភ្នំពេញ តាមរយៈសេចក្ដីថ្លែងការណ៍មួយ របស់អ្នកនាំពាក្យក្រសួងការបរទេសកម្ពុជា។

សេចក្ដីថ្លែងការណ៍នោះ ដែលចេញផ្សាយ នៅនៅយប់ថ្ងៃទី១៦ ខែកក្កដា ឆ្នាំ២០១៩ បានសម្តែងការសោកស្តាយ និងការខកចិត្ត ចំពោះខ្លឹមសារនៃសេចក្តីព្រាងច្បាប់ «HR 526» ហើយបានហៅការលើកឡើង របស់អត្ថបទស្នើច្បាប់ខាងលើ ថាជាការចោទប្រកាន់ដោយគ្មានមូលដ្ឋាន ប្រឆាំងនឹងរដ្ឋាភិបាលកម្ពុជា ដោយផ្អែកទៅលើព័ត៌មានបំភ្លៃ លំអៀង និងព័ត៌មានចាស់ហួសសម័យ ក្រោមហេតុផលនយោបាយ និងស្តង់ដារពីរ៕

សេចក្តីថ្លែងការណ៍របស់អ្នកនាំពាក្យ ក្រសួងការបរទេស និងសហប្រតិបត្តិការអន្តរជាតិ ថ្ងៃ ១៦ ខែកក្កដា…

Posted by Ministry of Foreign Affairs and International Cooperation – MFA.IC on Tuesday, July 16, 2019


លំអិតបន្ថែមទៀត

កម្ពុជា

ស្ត្រី​ប្រធាន​អង្គការ​ម្នាក់​សរសេរទៅ UN ពីការរំលោភ​សិទ្ធិមនុស្ស​នៅកម្ពុជា

ស្ត្រីមេដឹកនាំម្នាក់​នៃស្ថាប័នអន្តរជាតិពីរ អ្នកស្រី ចាយ៉ាន់ធិ ដេវី បាឡាហ្គុរ៊ូ (Jayanthi Devi Balaguru) បានសរសេរលិខិតពីរផ្សេងគ្នា ក្នុងថ្ងៃទី៧ ខែមិនា ឆ្នាំ២០១៩នេះ ជូនទៅអគ្គលេខាធិការរង​ ...
ដំណឹង

ចូ បៃដិន ថ្លែងសារដំបូង៖ «ពលរដ្ឋ​បានបញ្ចេញ​សម្លេង​របស់ពួកគេ»

«ពលរដ្ឋ​បានបញ្ចេញ​សម្លេង​របស់ពួកគេ និងបានផ្ដល់ឲ្យយើង នូវជ័យជំនះ» នេះ ជាការថ្លែងរបស់លោក ចូ បៃដិន (Joe Biden) ប្រធានាធិបតីជាប់ឆ្នោត នៃសហរដ្ឋ​អាមេរិក ដែលជាសារដំបូង ថ្លែងទៅកាន់​អ្នកគាំទ្រ ...
កម្ពុជា

ក្រសួង​ការពារជាតិ​ប្រតិកម្ម​តប ​សម រង្ស៊ី ថាកងទ័ព​ត្រៀម​កម្ទេច​«ជនក្បត់ជាតិ»

ក្រសួងការពារជាតិកម្ពុជា តាមរយៈអ្នកនាំពាក្យរបស់ខ្លួន បានចេញសេចក្ដីថ្លែងការណ៍មួយ ក្នុងព្រឹកថ្ងៃសៅរ៍ ទី២៦ ខែមករា ឆ្នាំ២០១៩នេះ ប្រតិកម្មតបនឹងសារអំពាវនាវ របស់លោក សម រង្ស៊ី ដែលស្នើសុំទៅកងទ័ព កុំស្ដាប់បញ្ជាទាំងឡាយណា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...