ដំណឹងពិភពលោក

អាមេរិក​អះអាង​ថា បាន​បាញ់កម្ទេច​​«ឌ្រូន»​ចារកម្ម​អៀរ៉ង់​មួយគ្រឿង

សហរដ្ឋអាមេរិកបានអះអាងថា ខ្លួនបានបាញ់ កម្ទេចយន្ដហោះ​គ្មានមនុស្សបើក ប្រភេទ​«ឌ្រូន (Drone)»​មួយគ្រឿង នៅថ្ងៃព្រហស្បត្តិ៍ ទី១៨ ខែកក្កដា ឆ្នាំ២០១៩នេះ នៅខណៈពេលយន្ដហោះចារកម្មមួយនេះ បានហោះមកក្នុងរង្វង់១គីឡូម៉ែត្រ ក្បែរនាវាចម្បាំងអាមេរិក ដែលស្ថិតក្នុងច្រកសមុទ្រ «Ormuz» ចន្លោះឈូងសមុទ្រ អ័រមង់ និងឈូងសមុទ្រ ពែរ្យ។

ជាព្រឹត្តិការណ៍ថ្មីមួយទៀត ដែលបានកើតឡើង នៅខណៈពេល ដែលសភាពតានតឺង រវាងប្រទេសទាងពីរ បានកើតឡើង តាំងពី២ខែមកហើយ ហើយដែលត្រូវបានលោក ដូណាល់ ត្រាំ (Donald Trump) ប្រធានាធិបតីអាមេរិក ប្រកាសជាសាធារណៈដោយផ្ទាល់។

បើតាមការអះអាង របស់លោក ត្រាំ បានឲ្យដឹងថា យន្ដហោះចារកម្មរបស់ប្រទេសអៀរ៉ង់ បានហោះ​មកជិត​នាវាផ្ទុកយន្ដហោះ ប្រភេទ «USS Boxer» របស់អាមេរិក នៅចំងាយមិនដល់ ១គីឡូម៉ែត្រ។ លោកប្រធានាធិបតីបានបន្តថា ភាពមិនអើពើ ទល់នឹងការព្រមានជាច្រើនដង​របស់កងទ័ពអាមេរិក បានតម្រូវឲ្យនាវាចម្បាំង របស់ប្រទេសមហាអំណាច ត្រូវធ្វើសកម្មភាព ដើម្បី«ការពារខ្លួន»។

ប្រធានាធិបតីអាមេរិក បានអះអាងថា៖

«យន្ដហោះឌ្រូននោះ ត្រូវបានកម្ទេចភ្លាមៗតែម្ដង។»

តបនឹងការអះអាងខាងលើ ប្រមុខការទូតអៀរ៉ង់ លោក «Mohammad Javad Zarif» ដែលទើបធ្វើដំណើរ មកដល់ទីស្នាក់ការធំ នៃអង្គការសហប្រជាជាតិ ក្នុងទីក្រុងញ៉ូយក បានថ្លែងថា លោកមិនមានព័ត៌មាន ទាក់ទងនឹងការបាត់បង់យន្ដហោះចារកម្ម ណាមួយនោះឡើយ៕



លំអិតបន្ថែមទៀត

ដំណឹង

យន្ដហោះ​ចុះចត​ខុសផ្លូវ ហើយ​ធ្លាក់ចូល​ទន្លេ នៅ​ផ្លរីដា

ការភ័យតក់ស្លុត បានកើតឡើងនៅភាគអាគ្នេយ៍ នៃសហរដ្ឋអាមេរិក៖ យន្ដហោះប្រភេទ ប៊ូអីង (Boeing 737) មួយគ្រឿងបានបញ្ចប់ការហោះហើររបស់ខ្លួន នៅក្នុងទឹកទន្លេ ដែលនៅក្បែរព្រលានយន្ដហោះយោធា «Jacksonville» ក្នុងរដ្ឋ​ផ្លរីដា ។ ...
ដំណឹង

ត្រាំ ភ្ជាប់​បាតុកម្ម​អាវកាក់​លឿង ជាមួយ​កិច្ច​ព្រមព្រៀង​ប៉ារីស​ស្ដីពី​អាកាសធាតុ

អ្នកផងត្រូវនាំគ្នា​និយាយ ពីប្រធានាធិបតី​អាមេរិកទៀតហើយ! ខណៈបាតុកម្មរបស់​បណ្ដាជន​បារាំង ពាក់អាវកាក់ពណ៌លឿង កំពុងធ្វើឲ្យពិភពលោក​ចាប់អារម្មណ៍នោះ លោក ដូណាល់ ត្រាំ (Donald Trump) បានបង្ហោះសារមួយ នៅល្ងាចថ្ងៃសៅរ៍នេះ តាមរយៈទំព័រទ្វីសធើររបស់លោក ...
ដំណឹង

បាញ់ប្រហារ​នៅ​«តិចសាស់» ស្លាប់របួស​ច្រើន​នាក់ និង​ចាប់ខ្លួន​បាន​១នាក់

មជ្ឈមណ្ឌលពាណិជ្ជកម្មមួយ នៃក្រុង «El Paso» ក្នុងរដ្ឋ«តិចសាស់» សហរដ្ឋអាមេរិក បានរងការបាញ់ប្រហារ ដោយខ្មាន់កាំភ្លើងម្នាក់ នាំល្ងាចថ្ងៃសៅរ៍នេះ។ សម្រាប់តុល្យភាពបណ្ដោះអាសន្ន អាជ្ញាធរបានលើកឡើង ពីមនុស្សស្លាប់និងរបួសច្រើននាក់ ហើយជនសង្ស័យម្នាក់ត្រូវបានចាប់ខ្លួន។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...