អតីតអគារ​សណ្ឋាគារកាស៊ីណូ​មួយ របស់លោក ដូណាល់ ត្រាំ (Donald Trump) និងសហគ្រាសរបស់លោក ស្ថិតក្នុងក្រុង អាត្លង់ទិក​ស៊ីធី (Atlantic City) នៃតំបន់ឆ្នេរខាងកើត សហរដ្ឋអាមេរិក ត្រូវបានកម្ទេច​ឲ្យក្លាយជា​គំនរដុំថ្ម ក្នុងថ្ងៃពុធទី១៧ ខែកុម្ភៈនេះ ដោយប្រើសារជាតិបំផ្ទុះ ឌីណាមិច (Dynamite) ប្រមាណជា៣០០០ដុំ។

សណ្ឋាគារកាស៊ីណូនេះ ដែលមានពីរអគារ ធ្លាប់ជាកម្មសិទ្ធិដំបូងរបស់លោក ត្រាំ ដែលបានបើកទ្វា តាំងពីខែឧសភា ឆ្នាំ១៩៨៤ ដោយ​មានឈ្មោះថា «Trump Plaza»។ ប៉ុន្តែចាប់ឆ្នាំ២០១៤មក អាគារទាំងពីរគ្មានសកម្មភាពអ្វីទេ ដោយ​ត្រូវបាន​ទុកចោល និងគ្មានការថែទាំ​​ឬជួសជុលអ្វីទាំងអស់។

ក្នុងឆ្នាំ២០១៦ អាគារ«Trump Plaza» ទទួលបានម្ចាស់ថ្មី គឺលោក «Carl Icahn» ដែលធ្លាប់ជាអ្នកផ្គត់ផ្គង់​ហិរញ្ញវត្ថុ ដ៏សំខាន់មួយ សម្រាប់​សហគ្រាសលោក ត្រាំ កាលពីទសវត្សរ៍កន្លងមក។ តែជរាភាព​នៃអគារទាំងពីរ បានតម្រូវ​ឲ្យអភិបាលក្រុង អាត្លង់ទិកស៊ីធី លោក «Marty Small» ដាក់ពាក្យបណ្ដឹងទៅតុលាការ ដើម្បីស្នើឲ្យ​កម្ទេចអគារនេះ យ៉ាងយូរបំផុត ក្នុងខែកុម្ភៈ​ ឆ្នាំ២០២១។

នៅពេលមានខ្យល់ព្យុះសមុទ្រ បក់បោកមកម្ដងៗ ផ្ទាំងថ្ម ការ៉ូ ឬកញ្ចក់ ដែលត្រូវបានបិតជាប់ នៅជុំវិញអាគារ បាន​ធ្លាក់ចុះមកក្រោម ជាពិសេសមកលើឆ្នេរកម្សាន្ដ ដែលអាចបង្ករគ្រោះ ដល់អ្នកដំណើរ ឬអ្នកដើរកម្សាន្ដ នៅជុំវិញ។

កាលពីឆ្នាំ២០១៤ លោក ដូណាល់ ត្រាំ (ពីរឆ្នាំមុនលោក​ក្លាយជា​ប្រធានាធិបតីអាមេរិក) បានទទួលការសម្រេច​ពី​តុលាការ ដើម្បីឲ្យគេ​ដកឈ្មោះលោក ចេញពីអគារ ដោយ​លោកគិតថា គ្រឹះស្ថានដែលគ្មានសកម្មភាពមួយនេះ អាច​ធ្វើឲ្យខូច​ដល់រូបភាព និងកិត្តិយស របស់សហគ្រាស​លោក។

អាគារត្រូវបានកម្ទេច នៅម៉ោង៩ព្រឹក (ម៉ោងក្នុងស្រុក) ថ្ងៃពុធ ទី១៦ ខែកុម្ភៈ ឆ្នាំ២០២១ ក្រោយការផ្ដិតយករូបភាព និងវីដេអូ ពីអ្នកសារព័ត៌មាន យ៉ាងច្រើនកុះករ។ ការវាយកម្ទេច ធ្វើឡើងមិនដល់១ខែផងទេ បើរាប់ពីពេល ដែល​លោក ត្រាំ បាន​ចាកចេញ​ពីសេតវិមាន នៅថ្ងៃទី២០ ខែមករា ឆ្នាំ២០២១៕



លំអិតបន្ថែមទៀត

ដំណឹង

ចេញវីសេតវិមាន ត្រាំ ត្រឡប់​ទៅរស់នៅ​ក្នុងភូមិគ្រឹះ «Mar-a-Lago»

គឺនៅក្នុងភូមិគ្រឹះដ៏ស្កឹមស្កៃ «Mar-a-Lago» ដែលស្ថិតនៅឆ្នេរខាងកើត ឈ្មោះ«Palm Beach» នៃរដ្ឋផ្លរីដា ដែលលោក ដូណាល់ ត្រាំ (Donald Trump) ប្រធានាធិតីទី៤៥ នៃសហរដ្ឋអាមេរិក ...
ដំណឹង

វីដេអូ​បង្ហាញ​ទិដ្ឋភាព​នៃ​ការបាញ់​បង្ក្រាប​ខ្មាន់កាំភ្លើង នៅ​«Dayton»

បុរសអាយុ២៤ឆ្នាំ ដែលមានពាក់អាវការពារគ្រាប់ និងប្រដាប់ដោយកាំភ្លើងវែងមួយដើម រួមនឹងបង់គ្រាប់ជាច្រើននោះ បានបើកការ​បាញ់ប្រហារ ទៅលើហ្វូងមនុស្ស នៅក្នុងសង្កាត់ «Oregon» នៃក្រុង «Dayton» រដ្ឋអូហៃយ៉ូ (Ohio) នៅវេលាម៉ោងប្រមាណជា ...
កម្ពុជា

កម្ពុជា​ប្រើ​អាស៊ាន​ព្រមាន​អាមេរិក កុំឲ្យ​​និយាយ​ពី​កិច្ចព្រមព្រៀង​«សម្ងាត់»

រដ្ឋាភិបាលក្រុងភ្នំពេញ តាមរយៈអ្នកនាំពាក្យរបស់ខ្លួន បានស្នើឲ្យសហរដ្ឋអាមេរិក គោរពប្រទេសកម្ពុជា ជុំវិញ​កិច្ចព្រមព្រៀង​«សម្ងាត់» ដែលសារព័ត៌មាន «The Wall Street Journal» ដ៏ល្បីរបស់អាមេរិក បានចេញផ្សាយ កាលពីចុងសប្ដាហ៍មុន។ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...