ដំណឹងពិភពលោក

ត្រាំ បង់ពន្ធប្រកាស ៧៥០​ដុល្លារ តែចំណាយ​៧ម៉ឺនដុល្លារ​ដើម្បី​កាត់សក់

លោក ដូណាល់ ត្រាំ (Donald Trump) ប្រធានាធិបតីអាមេរិក បានបង់ពន្ធប្រកាស ត្រឺមតែ ៧៥០​ដុល្លារ ប៉ុណ្ណោះ ដែលខុសគ្នាឆ្ងាយ ពីតម្លៃកាត់សក់របស់លោកម្ដងៗ ដែល​មានកម្រិត ដល់ទៅ៧ម៉ឺនដុល្លារ។ នេះបើតាមសារព័ត៌មាន «New York Times» ក្នុង​របាយការណ៍​ដ៏ភ្ញាក់ផ្អើលមួយ ការបង់ពន្ធប្រកាស របស់មហាសេដ្ឋី ដូណាល់ ត្រាំ  ក្នុង​រយៈពេល២០ឆ្នាំ មុនពេលលោកក្លាយ​ជាប្រធានាធិបតី។

ការទម្លាយដំណឹង របស់សារព័ត៌មានអាមេរិក បានរាយការណ៍ កាលពីថ្ងៃអាទិត្យ​ម្សិលម៉ិញ​ថា ការបង់ពន្ធប្រកាស ក្នុងកម្រិត ៧៥០​ដុល្លារ ខាងលើនោះ ធ្វើឡើងក្នុងឆ្នាំ​២០១៦-២០១៧ គឺក្នុង​ឆ្នាំ​ដែលលោក ត្រាំ បានឈ្នះឆ្នោត​ក្លាយជាប្រធានាធិបតី។ បន្ថែម​ពីលើ​នេះ លោក ត្រាំ មិនបាន​បង់ពន្ធអ្វី សូម្បីតែមួយដុល្លារ បើនិយាយ​ពី​ការប្រកាសពន្ធ ក្នុងរយៈពេល១០ឆ្នាំ (ពីចណោម១៥ឆ្នាំ​) កន្លងមក។

ប៉ុន្តែដំណឹងខាងលើ ត្រូវបានលោកប្រធានាធិបតីខ្លួនលោក ចេញមុខបដិសេធ នៅក្នុង​សន្និសីទសារព័ត៌មាន នៃសេតវិមាន ដោយចាត់ទុកព័ត៌មាន របស់ «New York Times» ថាជា «Fake News» ដែលសរសេរឡើង តាមការនឹកឃើញ និងផ្ដេសផ្ដាស។

បើតាមសារព័ត៌មានដដែល បានពន្យល់ថា លោក ត្រាំ តែងបញ្ចៀសខ្លួន ឲ្យរួចផុតពី​ការបង់ពន្ធ ដោយសារតែលោក បានប្រកាសពន្ធ អំពីប្រាក់ចំណូលរបស់លោក ថាមាន​ការខាតបង់ ច្រើនជាងចំណេញ។ លោកបានទូទាត់ ប្រាក់ចំណូលចំណាយ សម្រាប់រាល់​លំនៅដ្ឋាន យន្ដហោះឯកជន… និងថ្លៃឈ្នួល ៧ម៉ឺនដុល្លារ សម្រាប់ជាង​កាត់សក់ ជារៀង​​រាល់មុនពេលលោក ចេញមុខតាមកញ្ចក់ទូរទស្សន៍ម្ដងៗ។

សារព័ត៌មានបន្តថា ផ្ទុយពីរូបភាពរបស់លោក ដូណាល់ ត្រាំ ដែលតែងលើកឡើង ពីភាព​ហ៊ឺហា រុងរឿង ថ្កុំថ្កើន នៅក្នុងមុខរបររកស៊ីរបស់លោកនោះ ក្រុមហ៊ុនភាគច្រើន​ដែលជា​កម្មសិទ្ធិ​របស់លោក តែងប្រកាសពន្ធ អំពីការខាតបង់ធ្ងន់ធ្ងរ។

តែនៅក្នុងសន្និសីទសារព័ត៌មាន លោក ត្រាំ បានលើកឡើងថា៖

«ខ្ញុំបានចំណាយ​ច្រើនណាស់ ហើយខ្ញុំថែមទាំង​បានបង់ពន្ធ ច្រើនដូចគ្នា ទៅលើ​ការប្រកាស​​ប្រាក់ចំណូល ក្នុងកម្រិតរដ្ឋ ពោលគឺនៅក្នុងរដ្ឋញ៉ូយក។»

យ៉ាងណា ក្នុងពេលកន្លងមក លោកប្រធានាធិបតី ត្រាំ បានបដិសេធ​​ផ្សព្វផ្សាយ ជាសាធារណៈ អំពីរាល់ការប្រកាសពន្ធ របស់លោក នៅមុនលោកក្លាយ​ជាប្រធានាធីបតី​នៃសហរដ្ឋអាមេរិក



លំអិតបន្ថែមទៀត

កម្រមាន

បើករថយន្ដ​​បុក​​ហ្វូង​បាតុករ ស្លាប់ម្នាក់​របួសធ្ងន់​ម្នាក់ នៅក្រុង Seattle

ស្ត្រីម្នាក់ ពីក្នុងចំណោមស្ត្រីពីរនាក់ បានទទួលមរណភាព បន្ទាប់ពី ត្រូវរថយន្ដពណ៌ស បើកបំបុកហ្វូងបាតុករ ពេញមួយល្បឿន លើផ្លូវ «I-5» នៅក្រុង «Seattle» សហរដ្ឋ​អាមេរិក កាលពីថ្ងៃសៅរ៍​សប្ដាហ៍មុន។ ...
កម្ពុជា

មូលដ្ឋានទ័ពចិន៖ អាមេរិក​«ចាប់»​កម្ពុជា ឲ្យ​គោរព​ការប្ដេជ្ញា​ចិត្ត​របស់​ខ្លួន

សម្រាប់លោកសាស្ត្រាចារ្យ អៀ សុផល មកពីសាកលវិទ្យាល័យមួយ នៃសហរដ្ឋអាមេរិក បានពន្យល់ថា ការអះអាងចុងក្រោយបំផុត របស់រដ្ឋមន្ត្រី​ការ​បរទេស​អាមេរិក​ ស្វាគមន៍ការបដិសេធរបស់កម្ពុជា ចំពោះវត្តមានមូលដ្ឋានយោធាចិន នៅខេត្តព្រះសីហនុនោះ មានលក្ខណៈជាការ«ចាប់»កម្ពុជា ឲ្យត្រូវតែគោរព«ការប្ដេជ្ញាចិត្តរបស់ខ្លួន»។ ...
ដំណឹង

ចូ បៃដេន៖ «យើងគិតថា យើងនឹងឈ្នះការបោះឆ្នោត»

«ខ្ញុំមកកាន់ទីនេះ មិនមែនដើម្បីនិយាយថា យើងបានឈ្នះហើយទេ។ តែខ្ញុំមក ដើម្បីនិយាយថា នៅពេលការរាប់សន្លឹកឆ្នោត បានបញ្ចប់ យើងគិតថា យើងនឹងឈ្នះ​ការបោះឆ្នោត។» ឃ្លាខាងលើ ជាការអះអាងឡើង របស់លោក ចូ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...