ក្នុង​ចុង​សប្ដាហ៍​កន្លង​មក ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក ប៉ាទ្រីក ម័រហ្វី (Patrick Murphy) បានធ្វើដំណើរ​ទៅកាន់​ទឹកដីភាគឦសាន នៃប្រទេស​កម្ពុជា ជាពិសេសនៅក្នុងខេត្ត​មណ្ឌលគិរី ដោយស្នាក់ក្នុង​ក្រុង សែនមនោរម្យ ជាច្រើន​យប់។

លើបណ្ដាញសង្គមទ្វីសធើរ លោកមេទូត បានបង្ហោះរូបភាពជាច្រើន និងសរសេរអម ដោយអះអាងថា លំនៅដ្ឋានបែបជនជាតិភាគតិច ដែលលោក និងភរិយាស្នាក់នៅ មានលក្ខណៈក្សេមក្សាន្ដ និងប្រកបដោយផាសុកភាព។

នៅទីនោះ គេឃើញលោកឯកអគ្គរដ្ឋទូត នៃប្រទេសមហាអំណាច បានជួបជាមួយ មន្ត្រី​អង្គការ​សង្គមស៊ីវិល​ច្រើននាក់ របស់អង្គការ «WCS Cambodia» និងអង្គការ «WWF in Cambodia» រួមនឹងពលរដ្ឋខ្មែរ ដែលជា​ជនជាតិ​ដើម​ភាគតិច ជាច្រើន​​ផ្សេងទៀត។

លោកបាន​គូសបញ្ជាក់ថា៖

«ជំនួយរបស់សហរដ្ឋអាមេរិក តាំងពីយូរយាណាស់មកហើយ ជួយទៅដល់ការការពារ ប្រព័ន្ធ​អេកូ​ធម្មជាតិ ដែលងាយរងគ្រោះ។»

លោក ម័រហ្វី បានធ្វើដំណើរ ទៅកាន់ស្ថានីយ៍រ៉ាស្មាច់ ក្នុងស្រុកកែវសីម៉ា (ខេត្តមណ្ឌលគីរី) ដើម្បីមើលពីគំរូ ដែលបង្ហាញថា ជំនួយរបស់សហរដ្ឋអាមេរិក កំពុងជួយបញ្ឈប់ការជួញដូរសត្វព្រៃ និងលើកកម្ពស់ការអភិរក្ស។ លោកអះអាងថា៖

«នេះ ជាគំរូដ៏អស្ចារ្យមួយ នៃទំនាក់ទំនងរវាងប្រជាជន និងប្រជាជន។»

លោកបន្តថា៖

«ដោយមានជំនួយ ពីសហរដ្ឋអាមេរិក និងដៃគូ សហគមន៍ជនជាតិដើមភាគតិច ព្នង នៅទីនេះ (ក្នុង​តំបន់​ព្រៃ​អភិរក្ស នៃស្រុកកែវសីម៉ា) កំពុងគ្រប់គ្រង លើ​ធនធានដីធ្លី និងអត្ថប្រយោជន៍​របស់ខ្លួន ពីអេកូ​ទេសចរណ៍។»



លំអិតបន្ថែមទៀត

កម្ពុជា

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។ ...
កម្ពុជា

ថិក គ្រូស ឲ្យ​បន្ថែម​ល្បឿន​អនុម័ត​ច្បាប់​សើរើ​ប្រព័ន្ធ​អនុគ្រោះពន្ធ​ពីកម្ពុជា

លោក ថិក គ្រូស (Ted Cruz) សមាជិកព្រឹទ្ធសភាដ៏មានឥទ្ធិពល របស់សហរដ្ឋអាមេរិក បានព្រមានលោកនាយករដ្ឋមន្ត្រី ហ៊ុន សែន ថា លោកនឹងបន្ថែមល្បឿន ដើម្បីជំរុញឲ្យតំណាងរាស្រ្តអាមេរិកាំងទាំងអស់ ...
កំសាន្ដ

សារព័ត៌មាន​អ៊ឺរ៉ុប​ផ្សាយ​វីដេអូ​ទាហានខ្មែរ​ពីរនាក់ ជិះម៉ូតូ​ធ្លាក់ក្នុង​«ចរន្ដទឹក»

វីដេអូទាហានខ្មែរទាំងពីរនាក់ ដែលធ្លាក់ចូលក្នុង«ចរន្ដទឹក» ត្រូវបានសារព័ត៌មានអង់គ្លេស «Daily Mail» ផ្សាយដំបូងគេ មុននឹងត្រូវសារព័ត៌មានផ្សេងទៀត ដកស្រង់យកទៅផ្សាយបន្ត។ ប៉ុន្តែពួកគេ ទំនងជាមិនស្គាល់ ពីទីតាំងពិតប្រាកដ នៃហេតុការណ៍ដែលទាហានខ្មែរទាំងពីររូប បានជួបគ្រោះថ្នាក់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.