កីឡា និងបច្ចេកវិទ្យាបច្ចេកវិទ្យា

អគ្គនាយក «Google» ពន្យល់​ហេតុអ្វី​ចុច​ពាក្យ​គន្លឹះ«ភ្លើ»​ចេញរូប ត្រាំ!

អគ្គនាយកក្រុមហ៊ុនយក្ស «Google» លោក «Sundar Pichai» បានព្យាយាមពន្យល់ នៅចំពោះគណៈកម្មាធិការមួយ របស់សភាជាតិអាមេរិក អំពីថាហេតុអ្វី បានជាគេចុចពាក្យ «ភ្លើ» នៅក្នុងប្រអប់រុករក របស់ «Google» ស្រាប់តែចេញរូបប្រធានាធិបតីអាមេរិក លោក ដូណាល់ ត្រាំ (Donald Trump) មកយ៉ាងច្រើន​បែបនេះ។

ចូរសាកល្បង ដោយខ្លួនលោកអ្នក។ នៅក្នុងប្រអប់រុករករូបភាព របស់ «Google» វាយអក្សរ «idiot» ដែលមានន័យថា «ភ្លើ» រួចហើយចុចលើ «Enter» ឬ «រុករក» ពេលនោះ លោកអ្នកនឹងឃើញរូបលោកប្រធានាធិបតី ដូណាល់ ត្រាំ ចេញមកយ៉ាងច្រើន។ បើលោកអ្នកបានឃើញដូច្នេះ លោក ត្រាំ ខ្លួនលោក ក៏បានឃើញដូចគ្នាដែរ តែវាមិនបាន ធ្វើឲ្យលោក​សប្បាយចិត្ត​នោះទេ។

ដោយមានការគាំទ្រ ពីក្រុមតំណាងរាស្ត្រ មកពីគណបក្សសាធារណៈរដ្ឋផង លោកប្រធានាធិបតីអាមេរិក បានចោទក្រុមហ៊ុន «Google» ថា «លំអៀង» ហើយដែលតម្រូវឲ្យលោក «Sundar Pichai» ចូលខ្លួនមកបំភ្លឺ អំពើយន្ដការនៃប្រអប់រុករករបស់ខ្លួន នៅក្នុងរដ្ឋសភា។

នៅចំពោះសមាជិក​របស់​គណៈកម្មាធិការ​សភា​អាមេរិក​ច្រើននាក់ អគ្គនាយកក្រុមហ៊ុន «Google» បានអះអាងថា៖ «មិនមាននរណាម្នាក់ អង្គុយនៅខាងក្រោយឆាក ដើម្បីកំណត់អំពីអ្វី ដែលប្រអប់រុករក ត្រូវបង្ហាញជូនអ្នកប្រើប្រាស់នោះទេ»។ 

លោក «Sundar Pichai» បន្តថា៖ «ប្រព័ន្ធរុករករបស់យើង មានលក្ខណៈដូចជាដើមឈើមួយដើម ដែលបែកមែកធាងសាខា នៅពេលណាអ្នកវាយអក្សរ ពាក្យគន្លឹះ ចូលទៅ។ «Google» បានប្រមែប្រមូល និងថតទុក នូវទិន្នន័យរាប់ពាន់លានគេហទំព័រ មកពីជុំវិញពិភពលោក ហើយជាមួយនឹងការប្រមែប្រមូលនោះ យើងក៏យកមកជាមួយដែរ នូវពាក្យគន្លឹះ ដែលមាននៅលើគេហទំព័រទាំងនោះ។ យើងបានរៀបចំពាក្យគន្លឹះទាំងនោះ តាមសារប្រយោជន៍របស់វា ដែលមានប្រមាណជាង ២០០ សំខាន់ៗ។ ដោយសារតែបែបនេះ ទើបយើងអាចបង្ហាញ ពីទិន្នន័យរុករក ដ៏ប្រសើរបំផុត ជូនទៅអ្នកប្រើប្រាស់។»។ 

តបនឹងការចោទប្រកាន់របស់លោក ដូណាល់ ត្រាំ អគ្គនាយកក្រុមហ៊ុនយក្សអាមេរិករូបនេះ បានបកស្រាយថា ក្រុមហ៊ុនលោកក៏បានបង្កើត ឲ្យមានការអង្កេតឯករាជ្យ មួយឡើងដែរ តែការអង្កេតនោះ រកមិនឃើញភស្ដុតាង ដែលបង្ហាញថាក្រុមហ៊ុន «លំអៀង» នោះឡើយ។ លោកថា រាល់ផលិតផលទាំងឡាយ របស់ «Google» ត្រូវបានធ្វើឡើង ដោយឯករាជ្យ និងអព្យាក្រិត្យ។

លោក «Sundar Pichai» បញ្ជាក់ថា៖ «យើងមិនបានធ្វើអន្តរាគមន៍ ទៅក្នុងលទ្ធផលនៃការរុករកទេ។ (…) ខ្ញុំបានដឹកនាំក្រុមហ៊ុននេះ ដោយគ្មានកិច្ចការនយោបាយ ចូលលាយឡំ ហើយខ្ញុំក៏ឃ្លាំមើលរហូតមក ចំពោះផលិតផលរបស់យើង ដើម្បីឲ្យវាមានដំណើរការ បែបហ្នឹងដែរ។»៕

Google CEO Sundar Pichai faces questions from Congress

“Right now, if you Google the word ‘idiot’… a picture of Donald Trump comes up. How would that happen?”Google CEO Sundar Pichai faces questions from Congress over Google Search.

Gepostet von Channel 4 News am Dienstag, 11. Dezember 2018


You may also like

ពីឆ្វេងទៅស្ដាំ៖ លោក ចូ បៃដេន និងលោក ដូណាល់ ត្រាំ បេក្ខជនប្រធានាធិបតីអាមេរិក ក្នុងការបោះឆ្នោតឆ្នាំ២០២០។ (រូបថតសហការីលើទ្វីសធើរ)
ដំណឹង

បោះឆ្នោត​ប្រធានាធិបតី​អាមេរិក៖ ដឹង«បេក្ខជនដែលឈ្នះ»នៅពេលណា?

បេក្ខជនដែលឈ្នះ ក្លាយជាប្រធានាធិបតីអាមេរិក ត្រូវទទួលសម្លេង យ៉ាងហោច ២៧០តំណាង​ម្ចាស់ឆ្នោត ពីក្នុងចំណោម៥៣៨តំណាងម្ចាស់ឆ្នោត បែងចែកតាម​មណ្ឌលនាន នៃរដ្ឋ​ទាំង៥០។ ប៉ុន្តែនៅសហរដ្ឋអាមេរិក បើទោះជាការស្ទង់មតិ បានផ្ដល់លទ្ធផល ទៅលោក ចូ ...
ជនសង្ស័យ «Patrick Crusius» នៃការបាញ់ប្រហារដ៏រង្គាលមួយក្នុងមជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់។
របាយការណ៍

បាញ់ប្រហារ​នៅ​តិចសាស់ ព្រោះ​ការស្អប់ខ្ពើម? ស្លាប់​២០នាក់ របួស​២៦នាក់

បាញ់ប្រហារ​នៅតិចសាស់ – សហរដ្ឋអាមេរិកបានកាន់ទុក្ខសារជាថ្មី បន្ទាប់ពី​ការបាញ់​ប្រហារ​ដ៏រង្គាលមួយ បានកើតឡើងក្នុងថ្ងៃសៅរ៍ ទី៣ ខែសីហា ឆ្នាំ២០១៩ម្សិលម៉ិញ ក្នុង​មជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់ ...
ដំណឹង

អាមេរិក៖ ចូ បៃដេន ឈ្នះ ដូណាល់ ត្រាំ ក្លាយជា​«ប្រធានាធិបតីទី៤៦»

បេក្ខជនមកពីគណបក្សប្រជាធិបតេយ្យ លោក ចូ បៃដេន (Joe Biden) បានក្លាយ​ជា​«ប្រធានាធិបតីទី៤៦» នៃសហរដ្ឋអាមេរិក បន្ទាប់ពីលោកទទួលបានការគាំទ្រ លើសពី២៧០​សម្លេង នៃអង្គបោះឆ្នោត (អ្នកតំណាងម្ចាស់ឆ្នោត) ឈ្នះនាំមុខដាច់ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...