ចាងហ្វាងការផ្សាយ របស់សារព័ត៌មាន «Angkor Today» លោក «Shen Kaidong» ត្រូវបានរដ្ឋមន្ត្រីមហាផ្ទៃ លោក ស ខេង សម្រេចបណ្ដេញចេញពីកម្ពុជា និងហាមឃាត់​វិលចូលកម្ពុជា​ជាថ្មី បន្ទាប់ពីអ្នកកាសែតរូបនេះ បាន​ចុះផ្សាយអត្ថបទ ជាភាសាចិន ដែលមានខ្លឹមសារ​​ជាខេមរភាសាថា «កម្ពុជាលក់វ៉ាក់សាំង ដែលជាជំនួយរបស់ចិន ក្នុងតម្លៃ១២០ដុល្លារ»។

សេចក្ដីប្រកាសរបស់រដ្ឋមន្ត្រីមហាផ្ទៃ ដែលចុះហត្ថលេខាក្នុងថ្ងៃព្រហស្បត្តិ៍ ទី២៥ ខែកុម្ភៈ បានសរសេរឲ្យដឹងថា៖

«បណ្តេញចេញពីព្រះរាជាណាចក្រកម្ពុជា ចំពោះជនបរទេសឈ្មោះ Shen Kaidong ភេទប្រុស ជនជាតិចិន សញ្ជាតិចិន កើតនៅថ្ងៃ​ទី២២ ខែធ្នូ ឆ្នាំ១៩៦៩ លិខិតឆ្លងដែនលេខ E99812704 ពាក់ព័ន្ធបទប្រព្រឹត្ត​នៅ​ព្រះរាជាណាចក្រ​កម្ពុជា ទៅប្រទេសដើមវិញ និងហាមឃាត់ចូល​​ព្រះរាជាណាចក្រ​កម្ពុជា​​ជាថ្មី។»

លោក «Shen Kaidong» បានសរសេរនៅលើទំព័រ «Angkor Today» នៃបណ្ដាញ «Webchat» ថា «កម្ពុជា​បានយកវ៉ាក់សាំង កូវីដ-១៩ (Covid-19) ដែលជាជំនួយរបស់ប្រទេសចិន មកលក់ក្នុងតម្លៃថ្លៃ»។

សំណេររបស់លោក «Shen Kaidong» ត្រូវបានអ្នកស្រី ឱ វ៉ាន់ឌីន អ្នកនាំពាក្យក្រសួងសុខាភិបាល ប្រកាស​ច្រានចោល ដោយចាត់ទុក​សេចក្ដីរាយការណ៍ខាងលើ​ថា ជា«Fake News» និងជា«រឿងផ្ដេសផ្ដាសបំផុត»។

លោក «Shen Kaidong» អាយុ៥២ឆ្នាំ ដែលបានចូលមកកម្ពុជា កាលពីជាង១០ឆ្នាំមុន ត្រូវបាននគរបាល​ចាប់​ឃាត់ខ្លួន​​នៅខេត្ត​សៀមរាប កាលពីល្ងាចថ្ងៃទី២៤ ខែកុម្ភៈម្សិលមិញ។ លោកបានរងការចោទប្រកាន់ថា បានផ្សាយ​ព័ត៌មានបំភ្លៃការពិត មានចេតនា​ទុច្ចរិត ធ្វើឲ្យអន្តរាយដល់សុខភាពសាធារណៈ បង្កភាពចលាចលនៅក្នុងសង្គម ដែលអាច​ធ្វើឲ្យប៉ះពាល់​ដល់សន្តិសុខជាតិ។

គ្មានសាលក្រមសម្រេច​ពីតុលាការ ដែលបង្ហាញថា អ្នកសារព័ត៌មានខាងលើ បានប្រព្រឹត្តិកំហុស ដូចការចោទប្រកាន់ ហើយរបប​ក្រុងភ្នំពេញ ក៏មិនបានបើកផ្លូវ​ឲ្យបុរស​​រងការបណ្ដេញចេញរូបនេះ អាចធ្វើការប្ដឹងឧទ្ធរណ៍ ទៅលើ​ការសម្រេច​របស់លោក ស ខេង នោះដែរ។

ទន្ទឹមនឹងសេចក្ដីប្រកាសរបស់លោក ស ខេង ក្រសួងព័ត៌មានបានសម្រេចលុបអាជ្ញាបណ្ណ កាសែតអនឡាញ «Angkor Today» ដែលជាស្ថាប័នរបស់លោក «Shen Kaidong» ដូចគ្នា។ ពីមុនកាសែតនេះ មានឈ្មោះថា «Angkor Times ហើយមានម្ចាស់អាជ្ញាបណ្ណ​ជាជនជាតិខ្មែរ ឈ្មោះ អ៊ុង គង្គា។

កម្ពុជាលក់វ៉ាក់សាំង ថ្លៃ… ១២០ ឬ៤៥០​ដុល្លារ ?

លោក «Shen Kaidong» ជាអ្នកកាសែតបរទេសទី១ហើយ ដែលត្រូវបានបណ្តេញចេញពីកម្ពុជា ក្រោមបទ​ចោទប្រកាន់ ថាបានផ្សាយ​ព័ត៌មានមិនពិត។

ក្នុងប៉ុន្មានថ្ងៃចុងក្រោយ មានសារជាភាសាចិនមួយ ត្រូវបានផ្ញើរនៅតាមទូរស័ព្ទដៃ និងសារមួយចំនួនទៀត ត្រូវបាន​បង្ហោះ​នៅលើបណ្ដាញសង្គម អះអាងអំពីការលក់វ៉ាក់សាំងចិន ក្នុងតម្លៃ១២០ដុល្លារ ឬ៤៥០ដុល្លារ (រូបផ្ដិតពីអេក្រង់​ខាងក្រោម)។

នៅចំពោះព័ត៌មានទាំងនេះ ស្ថានទូតចិនប្រចាំនៅកម្ពុជា​បានចេញមុខ ប្រកាសប្រាប់បណ្ដាជនចិននៅកម្ពុជា ថាគ្មាន​ការដាក់លក់វ៉ាក់សាំង នៅតាមទីផ្សារទេ និងអះអាងថា វ៉ាក់សាំងដែលជាជំនួយរបស់ប្រទេសចិន ត្រូវបានរដ្ឋាភិបាល​កម្ពុជា​គ្រប់គ្រង​បានយ៉ាងល្អ៕



លំអិតបន្ថែមទៀត

ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
កម្ពុជា

សម រង្ស៊ី ពន្យុះឲ្យ ហ៊ុន សែន ប្ដឹងលោកបន្ថែម ឲ្យច្រើនករណីទៀត

នៅចំពោះគម្រោងដាក់ពាក្យបណ្ដឹង ពីសំណាក់លោកនាយករដ្ឋមន្ត្រី ហ៊ុន សែន ឡើងទៅតុលាការបារាំងនោះ លោក សម រង្ស៊ី បានស្វាគមន៍គម្រោងនេះ ដើម្បីអ្វីមួយ ដែលមេដឹកនាំប្រឆាំង លើកឡើងថា ជាការតតាំងគ្នាដោយយុត្តិធម៌ ...
ដំណឹង

Covid-19៖ មនុស្សស្លាប់​នៅ​អ៊ីតាលី ថយចុះ​ក្រោម​១០០នាក់ ជាលើកទី១

ជាលើកទី១ តាំងពីការរាតត្បាត បានគ្របសង្កត់ ទៅលើប្រទេសអ៊ីតាលី ក្នុងរយៈពេល​ជាង​២ខែ​មកនេះ។ តុល្យភាព​មនុស្សស្លាប់ បានថយចុះ នៅក្រោម១០០នាក់ ពោល​មាន​ចំនួន ត្រឹម៩៩នាក់។ នេះ បើតាម​តួលេខ​ផ្លូវការ របស់​អាជ្ញាធរ​សុខាភិបាល​អ៊ីតាលី ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.