ដំណឹងពិភពលោក

Covid-19 ៖ អ៊ីតាលី​បញ្ឈប់​រាល់​សកម្មភាព​ផលិតកម្ម ដែល​មិន​ចាំបាច់

ដើម្បីប្រយុទ្ធទល់នឹងមេរោគ «Covid-19» រដ្ឋាភិបាលអ៊ីតាលី បានសម្រេចបន្ថែមទៀត «បញ្ឈប់រាល់សកម្មភាពផលិតកម្ម នៅលើផ្ទៃប្រទេស ដែល​មិន​ចាំបាច់ ដើម្បីធានាឲ្យបានជូនពលរដ្ឋ នូវក្ដីសុខសាន្ដ និងសេវាកម្មសំខាន់ៗ»។

ខាងលើនេះ ជាការលើកឡើង ក្នុងថ្ងៃនេះ របស់លោកនាយករដ្ឋមន្ត្រី ហ្សូហ្សេប៉េ កុងតេ (Giuseppe Conte) ក្នុងចំណាត់ការបន្ថែមទៀត របស់រដ្ឋាភិបាលរបស់លោក ក្នុងការប្រយុទ្ធប្រឆាំងនឹងជំងឺរាតត្បាត បង្កឡើងដោយមេរោគ «កូរូណា» ឬ «Covid-19» ដែលកំពុងយាយីប្រទេសអ៊ីតាលី យ៉ាងខ្លាំងក្លា ។

លោក កុងតេ បញ្ជាក់បន្ថែមថា ឱសថស្ថាន ផ្សារលក់ទំនិញ សេវាប្រៃសណីយ៍ សេវាហិរញ្ញវត្ថុ និងការធានារ៉ាប់រង និងការដឹកជញ្ជូនជាដើម នៅតែមានដំណើរការ។ លោកថា៖

«យើងកាត់បន្ថយល្បឿន នៃម៉ាស៊ីនផលិតកម្ម របស់ប្រទេស តែមិនបញ្ឈប់វាទេ។»

«យើងមិនអាចលាក់បាំងការពិត ដែលកំពុងកើតមានរាល់ថ្ងៃ នៅនឹងភ្នែករបស់យើងរាល់គ្នានោះទេ។ ជាវិបត្តិដ៏ធ្ងន់ធ្ងរបំផុត ដែលប្រទេសយើង បានឆ្លងកាត់ រាប់ចាប់ពីសង្គ្រាមលោក លើកទីពីរមក។»

«វិធានការដែលបានដាក់ចេញ ត្រូវការពេលច្រើន ដើម្បីទទួលបានផ្លែផ្កា។ យើងត្រូវបន្តគោរពគ្រប់ក្រឹត្យក្រមទាំងអស់នេះ ដោយភាពអត់ធ្មត់ និងការទុកចិត្ត។ ខ្ញុំដឹងថា វិធានការទាងនេះ មានលក្ខណៈតឹងរ៉ឹង។ តែយើងមិនមានជម្រើសផ្សេងទេ។ ហើយវាជាមធ្យោបាយតែមួយគត់ ដើម្បីការពារយើងខ្លួនឯង និងអ្នកដែលយើងស្រឡាញ់។»

កាលពីថ្ងៃទី៩ ខែមីនា នាយករដ្ឋមន្ត្រីអ៊ីតាលីរូបនេះ បានចេញក្រឹត្យ សម្រាប់អនុវត្ត នៅលើផ្ទៃប្រទេស ហាមឃាត់រាល់ការជួបជុំទាំងអស់ និងដាក់កំហិត រាល់ការធ្វើដំណើរចេញពីផ្ទះ ដែលមិនចាំបាច់។

មកដល់ម៉ោងនេះ ប្រទេសអ៊ីតាលីមានអ្នកឆ្លងរោគ «កូរូណា» កើនឡើងដល់ ៥៣ ៥៧៨នាក់ ក្នុងនោះអ្នកជំងឺ ៤ ៨២៥នាក់ បានស្លាប់។តួលេខនេះ ធ្វើឲ្យប្រទេសអ៊ីតាលី ធ្លាក់ក្នុងវិបត្តិផ្នែកសុខភាព ធ្ងន់ធ្ងរជាងប្រទេសចិន ដែលមានមនុស្សស្លាប់ ៣ ២៦១នាក់ បើទោះជាប្រទេសនេះ មានអ្នកឆ្លងរោគ ដល់ទៅ ៨១ ០៥៤នាក់ក្ដី៕



You may also like

កម្ពុជា

Covid-19 ៖ កឹម សុខា ចូលរួម​មរណទុក្ខ​សព​ទាហាន​មួកខៀវ​ខ្មែរ

ប្រធានគណបក្សសង្គ្រោះជាតិ លោក កឹម សុខា បានសំដែងសមានចិត្ត ចូលរួមមរណទុក្ខ ចំពោះសពទាហានខ្មែរ​មួយរូប ដែលបានស្លាប់ ដោយជំងឺ «Covid-19» ក្រោមបេសកកម្ម​សន្តិភាព របស់អង្គការសហប្រជាជាតិ នៅក្នុងប្រទេសម៉ាលី។ ...
កំសាន្ដ

ប្រើដៃ​ស្ទង់កម្ដៅ ? ពិតជាអាច​ទៅរួច សម្រាប់​ក្រុមហ៊ុន​មួយនេះ !

ប្រើដៃ​ស្ទង់កម្ដៅ ដើម្បីដឹងថា តើបុគ្គលិកខ្លួន អាចឆ្លងមេរោគ «កូរូណា» ឬ «Covid-19» – តើអាចទៅរួចឬទេ? សម្រាប់ក្រុមហ៊ុនមួយ ដែលបង្ហាញនៅក្នុងវីដេអូ ខាងក្រោម ប្រើដៃ​ស្ទង់កម្ដៅ ...
កំសាន្ដ

គ្រូពេទ្យ និងអ្នកជំងឺ (វគ្គទី១) សំណើចខ្លី

– ឱ អ្នកនាងអើយ! ពេលអ្នកនាងសើចម្ដងៗ ខ្ញុំចង់តែអញ្ជើញអ្នកនាង ទៅកន្លែងរបស់ខ្ញុំទេ … – មិនដឹងជាស្អីទេលោក … ចេញតែបញ្ជោរនាងខ្ញុំហើយ … – ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...