កម្ពុជាដំណឹង

«លិខិត​ឆ្លងដែន​នៃ​ភាពស៊ាំ»​គំនិត សម រង្ស៊ី ដំបូងគេ? WHO ប្រតិកម្ម!

លោក សម រង្ស៊ី មេដឹកនាំប្រឆាំង របស់ប្រទេសកម្ពុជា តែងលើកឡើងមិនដែលដាច់ ពីយោបល់របស់លោក ក្នុងការបង្កើត«លិខិត​ឆ្លងដែន​នៃ​ភាពស៊ាំ» តាំងពីច្រើនសប្ដាហ៍ហើយ។ នៅថ្ងៃសៅរ៍នេះ យោបល់ខាងលើ ដែលមានប្រទេសមួយចំនួនកំពុងធ្វើ បានរងប្រតិកម្ម ពីអង្គការសុខភាពពិភពលោក (WHO /OMS)។

ប្រធានស្ដីទីគណបក្សសង្គ្រោះជាតិ ដែលកំពុងជាប់បម្រាម ឲ្យសំងំនៅក្នុងផ្ទុះ នារដ្ឋធានីប៉ារីស ប្រទេសបារាំង តែងបានបង្ហោះជាញយដង ម្ដងហើយម្ដងទៀត នៅលើទំព័រហ្វេសប៊ុករបស់លោកថា លិខិតឆ្លងដែនពិសេសខាងលើ នឹងអនុញ្ញាតឲ្យពិភពលោក បើកដំណើរការសេដ្ឋកិច្ចឡើងវិញ។

ដែលហៅថា «លិខិត​ឆ្លងដែន​នៃ​ភាពស៊ាំ (Immunity Passport)» គឺជាលិខិតបញ្ជាក់មួយ ដែលអះអាងថា ម្ចាស់លិខិតមានអង្គការពារប្រាណ (ឬអង្គបដិបក្ខ) ខ្លាំងជាងមេរោគ«Covid-19» និងមិនធ្លាក់ខ្លួនឈឺ ដោយជំងឺដ៏ចង្រៃមួយនេះទេ បន្ទាប់ពីត្រូវបានធ្វើតេស្ដិ៍រួច។ លិខិតបញ្ជាក់ នឹងអនុញ្ញាតឲ្យម្ចាស់លិខិត អាចធ្វើដំណើរ និងប្រកបកិច្ចការរបស់ខ្លួន បានយ៉ាងសេរី នៅលើពិភពលោក ជាពិសេសនៅក្នុងវិស័យទេសចរណ៍។

ប្រទេសជាច្រើន នៅលើពិភពលោក ជាពិសេសបណ្ដាប្រទេសមួយចំនួន នៅបស្ចឹមលោក កំពុងអនុវត្តន៍ (ឬឈានទៅ) បង្កើតឲ្យមាន«លិខិតបញ្ជាក់»មួយនេះឡើង ជាមួយនឹងការធ្វើតេស្ដិ៍ យ៉ាងសន្ធឹកសន្ធាប់ និងយ៉ាងទូលំទូលាយ ទៅលើពលរដ្ឋរបស់ខ្លួន។

សម្រាប់លោក សម រង្ស៊ី បានលើកឡើងថា ប្រទេសទាំងនោះ បានរៀបចំការធ្វើតេស្ដិ៍ និងត្រៀមបង្កើត​«លិខិតឆ្លងដែន»​​នោះ គឺ«ស្របតាមសំណើរ» ឬ​«ធ្វើតាម​យោបល់»របស់លោក ដែលបានលើកឡើង​មុនគេបង្អស់។ អត្ថបទរបស់លោក ទាក់ទងនឹងគំនិតយោបល់​មួយនេះ ត្រូវបានលោកផ្ញើរ ទៅឲ្យសារព័ត៌មាននានា នៅជុំវិញពិភពលោក ដើម្បីធ្វើការចុះផ្សាយ​ជាបន្តបន្ទាប់។

១៩ មេសា ២០២០ / 19 April 2020មោទនភាព កម្ពុជា / Cambodia's pride (*)គំនិតលោក សម រង្សុី ត្រូវបានយកទៅអនុវត្ត…

Gepostet von Sam Rainsy am Samstag, 18. April 2020

ប៉ុន្តែសម្រាប់ «WHO (អង្គការសុខភាពពិភពលោក)» វិញ មិនបានយល់ស្រប តាមបណ្ដាប្រទេសទាំងនោះ ដែលកំពុងធ្វើយុទ្ធនាការ ត្រៀមបង្កើត​«លិខិតឆ្លងដែន»​ដូច្នេះទេ។ «WHO» បានធ្វើការដាស់អារម្មណ៍ប្រទេសទាំងនោះ តាមរយៈសេចក្ដី​ប្រកាសព័ត៌មានមួយ ដែលចេញផ្សាយកាលពីថ្ងៃសៅរ៍ ទី២៦ ខែមេសា ដោយធ្វើការព្រមានឡើងថា៖

«នៅពេលនេះ គ្មានភស្ដុតាងណាមួយ ដែលបញ្ជាក់ថា បណ្ដាជនដែលបានជាសះ ពីជំងឺ “Covid-19” និងបណ្ដាជន ដែលមានអង្គការពារប្រាណខ្លាំង ប្រាកដជាត្រូវបានការពារ ពីការឆ្លងមេរោគនេះ ក្នុងពេលក្រោយៗនោះឡើយ។»

«WHO» បានបន្តទៀតថា៖

«មិនមានអំណះអំណាងគ្រប់គ្រាន់ ដើម្បីវាយតម្លៃ អំពីភាពទុកចិត្តបាន នៃ​“លិខិត​ឆ្លងដែន​នៃ​ភាពស៊ាំ”​នោះទេ ហើយការប្រើប្រាស់ លិខិតបញ្ជាក់បែបនេះ អាចបង្កើន​ហានិភ័យ នៃការឆ្លងរាត្បាត ឲ្យកាន់តែខ្លាំងឡើង។ ជាពិសេស ក្រុមមនុស្ស ដែលគិតថាពួកគេមានភាពស៊ាំនេះ នឹងមិនអើពើ ចំពោះក្រឹត្យក្រម​​អនាម័យ​ឡើយ៕»



លំអិតបន្ថែមទៀត

របាយការណ៍

ទណ្ឌកម្ម​លើ ហ៊ីង ប៊ុនហៀង បញ្ជាក់​ថា​អង្គរក្ស ហ៊ុន សែន ពិត​ជា​គប់​គ្រាប់​បែក

ការដាក់មនុស្សជំនិតរបស់លោក ហ៊ុន សែន រូបនេះ ចូលទៅក្នុងបញ្ជីខ្មៅ នៃការបង្កក​ទ្រព្យ និងហាមឃាត់​ មិនឲ្យ​ជាន់ដីអាមេរិកនោះ ដូចជា​បានបញ្ជាក់ជាផ្លូវការ ថាលោក ហ៊ីង ប៊ុនហៀង និងក្រុមអង្គរក្សរបស់លោក ...
ដំណឹង

ស្ថាបនិក​«Wikileaks» មានកូន​ពីរនាក់ ជាមួយ​មេធាវី​របស់​ខ្លួន

កូនទាំងពីរនាក់នោះ បានចាប់កំណើតឡើង ក្នុងខណៈស្ថាបនិក នៃបណ្ដាញ«Wikileaks» លោក ជូលៀន អាសាញ (Julian Assange) កំពុងបង្ខាំងខ្លួន កាលពីអំឡុងទសវត្សរ៍ឆ្នាំ២០១០ ក្នុងស្ថានទូតនៃប្រទេសអេក្វាទ័រ ប្រចាំក្នុងចក្រភពអង់គ្លេស ...
ដំណឹង

ម៉ាក្រុង វិជ្ជមានកូវីដ – មេដឹកនាំអ៊ឺរ៉ុប​ច្រើននាក់​ធ្វើចត្តាឡីស័ក​៧ថ្ងៃ

បន្ទាប់ពីធ្វើតេស្ដិ៍«វិជ្ជមានកូវីដ-១៩ (Covid-19)» ក្នុងថ្ងៃព្រហស្បត្តិ៍នេះ ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានដាក់ខ្លួន ធ្វើចត្តាឡីស័កចំនួន៧ថ្ងៃ។ មេដឹកនាំអ៊ឺរ៉ុបមួយចំនួនទៀត ដែលបានជួប​ជាមួយ​ប្រធានាធិបតី​បារាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...