កម្ពុជាដំណឹង

សម រង្ស៊ី៖ ការបបួល​គេឯង​ស្បថ ជា​«ភាសាកូនក្មេង»

មេដឹកនាំប្រឆាំង មិនបានតំអក់យូរឡើយ ក្នុងការធ្វើប្រតិកម្ម តបលោកនាយករដ្ឋមន្ត្រី ហ៊ុន សែន ជុំវិញការបបួលលោក ឲ្យមកស្បថជាថ្មីទៀត ក្នុងសំនុំរឿងមរណភាពរបស់លោក ហុក ឡងឌី អតីតអគ្គស្នងការនគរបាលជាតិ។ លោក សម រង្ស៊ី បានចាត់ទុកការបបួលគេឯងស្បថ ម្ដងហើយម្ដងទៀត ពីសំណាក់នាយករដ្ឋមន្ត្រីកម្ពុជា ថាជា«ភាសាកូនក្មេង» នៃមនុស្សដែលគ្មានការទទួលខុសត្រូវ។

កាលពីព្រឹកថ្ងៃចន្ទ ទី៣ ខែមិថុនា ឆ្នាំ២០១៩ លោក ហ៊ុន សែន បានថ្លែងនៅចំពោះនិស្សិតច្រើនពាន់នាក់ ប្រកាសបបួលលោក សម រង្ស៊ី ឲ្យមកស្បថដាក់ជីវិតខ្លួនឯង រួមនឹងក្រុមគ្រួសារ និងសាច់ញាតិផង ដើម្បីជំទាស់នឹងការលើកឡើង របស់មេដឹកនាំប្រឆាំង ដែលអះអាងថា លោក ហ៊ុន សែន បានសម្លាប់លោក ហុង ឡងឌី ដើម្បីបំបិតសំនុំរឿងជាច្រើន ហើយថាក្នុងពេលនេះ លោក ឌី វិជ្ជា ដែលកូនប្រុសបង្កើតរបស់លោក ហុក ឡង់ឌី និងជាកូនប្រសាររបស់លោក ហ៊ុន សែន កំពុងរៀបចំផែនការសងសឹក ដោយសហការជាមួយលោក ស ខេង រដ្ឋមន្ត្រីក្រសួងមហាផ្ទៃ។

លោក ហ៊ុន សែន បានថ្លែងឡើង ដោយប្រើពាក្យខ្លាំងៗថា៖

«ខ្ញុំ​ករុណាខ្ញុំ​មិន​ចង់​ប្រើ​ពាក្យ​អសុរស ​ណា​មួយ​ទេ​ ក៏​ប៉ុន្តែ​វា​ព្រហើន​ពេក។ ឥឡូវនេះ​ វា​ដល់​កម្រិត​ វា​បង្ហោះ ​វា​ថា​ខ្ញុំ​សម្លាប់​ ហុក ឡង់ឌី។​ ឥឡូវ​កូន ​ហុក ឡង់ឌី ​ដែល​ជា​កូនប្រសារ​របស់​ខ្ញុំ​នេះ ​កំពុងតែ​រក​វិធី​សងសឹក ​ជាមួយ​នឹង​ខ្ញុំ​ករុណា​ខ្ញុំ​ ដោយ​សហការ​ជាមួយ​ ស ខេង‍។»

«ឥឡូវហ្អែងហ៊ានស្បថឲ្យរន្ទះបាញ់ឬទេ អាឆ្កែមួយក្បាល? ពួកហ្អែងអត់ហ៊ានស្បថទេ ព្រោះពួកហ្អែងនិយាយខុស។ (…) បើហ្អែងហ៊ានស្បថ អញក៏ហ៊ានស្បថ ដាក់ជីវិត ដាក់ក្រុមគ្រួសាររបស់អញទាំងមូល។ (…) អញ្ចឹង បើរឿងហ្នឹងវាពិតមែន ហ្អែងហ៊ានស្បថ ឲ្យងាប់ទាំងពូជរបស់ពួកហ្អែងឬទេ?»

ប្រធានស្ដីទីគណបក្សប្រឆាំង លោក សម រង្ស៊ី ដែលជាគូបដិបក្ខនយោបាយ ដ៏ស្រួចស្រាវរបស់លោក ហ៊ុន សែន បានចេញមកការពារសំដីរបស់លោក ដែលរៀបរាប់ថា មរណភាពរបស់លោក ហុក ឡងឌី ជាទង្វើមនុស្សឃាត ដែលរៀបចំទុកជាមុន។ មេដឹកនាំប្រឆាំង បានពន្យល់ពីករណីនេះ តាមរយៈបទសម្ភាស ទៅឲ្យវិទ្យុសម្លេងសហរដ្ឋអាមេរិក និងបានចាត់ទុកថា ការបបួលគេឯងស្បថ ជា«ភាសាកូនក្មេង» មិនសមត្រូវចេញពីមាត់ របស់មេដឹកនាំម្នាក់នោះទេ។

លោក សម រង្ស៊ី បានថ្លែងថា៖

«ភាសាហ្នឹង ជាភាសាកូនក្មេង នៃមនុស្សដែលមិនទទួលខុសត្រូវ។ ឥឡូវហ្នឹង ចង់មកស្បថអីទៀតហើយ។ ចង់ដឹងការពិត ធ្វើការស៊ើបអង្កេតទៅ ហៅអ្នកជំនាញអន្តរជាតិ អ្នកជំនាញឯករាជ្យ ឲ្យមកស៊ើបអង្កេតទៅ។ អ្នកណាសម្លាប់ ហុក ឡងឌី អ្នកណាធ្វើឲ្យឧទ្ធម្ភាគចក្រ ហុក ឡងឌី ផ្ទុះ? ហើយមុនហ្នឹង នរណាសម្លាប់ ជា វិជ្ជា នរណាសម្លាប់ ឈុត វុទ្ធី នរណាសម្លាប់ កែម ឡី? ម៉េចក៏ចាំបាច់ទៅស្បថ ថាមិនមែនខ្ញុំទេ ឲ្យគេស៊ើបអង្កេតទៅ៕»

០២ មិថុនា ២០១៩ / 02 June 2019 – Hun Sen behind Hok Lundy’s death (*) ហ៊ុន សែន ជាអ្នកសម្លាប់ ហុក ឡង់ឌី…

Publiée par Sam Rainsy sur Dimanche 2 juin 2019


លំអិតបន្ថែមទៀត

កម្ពុជា

«អ.ស.ប និង​សហគមន៍​អន្តរជាតិ​ត្រូវទប់ស្កាត់​ផែនការឧក្រិដ្ឋ​របស់ ហ៊ុន សែន»

មេដឹកនាំប្រឆាំង លោក សម រង្ស៊ី បានអំពាវនាវពីរដ្ឋធានីប៉ារីស ប្រទេសបារាំង ទៅកាន់អង្គការសហប្រជាជាតិ (អ.ស.ប) និងសហគមន៍អន្តរជាតិ ឲ្យធ្វើការទប់ស្កាត់បទបញ្ជាមួយ ពីក្នុងចំណោមបទបញ្ជាចំនួនពីរ របស់លោកនាយករដ្ឋមន្ត្រី ហ៊ុន ...
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
កម្ពុជា

អាមេរិកប្រាប់ក្រុងភ្នំពេញ ឲ្យ​«តម្កល់សុខុមាល​​​ភាព»​ជាតិ​ខ្ពស់ជាង​អ្វីទាំងអស់

«សូមអំពាវនាវ ឲ្យ​មេដឹកនាំកម្ពុជា”តម្កល់សុខុមាល​​​ភាព”របស់ប្រទេស ឲ្យខ្ពស់ជាង​​ផលប្រយោជន៍​ផ្ទាល់ខ្លួន និងផលប្រយោជន៍​​នយោបាយ» នេះ ជាអ្វីដែលគេបានអាន នៅក្នុងសេចក្ដីថ្លែងការណ៍មួយ របស់ស្ថានទូតសហរដ្ឋអាមេរិកប្រចាំនៅកម្ពុជា ដើម្បីប្រតិកម្មទៅនឹងការបើកនីតិវិធីផ្លូវការ របស់សហភាពអ៊ឺរ៉ុប ដើម្បីឈានទៅដកប្រទេសកម្ពុជា ចេញពីប្រព័ន្ធអនុគ្រោះពន្ធ «EBA»។ ...
កម្ពុជា

សម រង្ស៊ី៖ ហ្វេសប៊ុក​អាច​បិទ​ទំព័រ ហ៊ុន សែន បើ​បន្ត​បង្ក្រា​បអ្នក​ប្រើប្រាស់​បណ្ដាញ​សង្គម

ប្រធានស្ដីទីគណបក្សប្រឆាំងធំជាងគេ នៅក្នុងប្រទេសកម្ពុជា បានអះអាងថា ក្រុមហ៊ុន «Facebook» អាចបិទទំព័រ «Facebook» របស់លោក ហ៊ុន សែន ប្រសិនណាជាអាជ្ញាធរក្រុងភ្នំពេញ នៅតែគាបសង្កត់ និងគំរាមកំហែង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...