ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។

សេចក្តីប្រកាសព័ត៌មាន របស់ក្រសួងសុខាភិបាលកម្ពុជា ដែលចេញផ្សាយក្នុងថ្ងៃនេះ បានបញ្ជាក់ថា អ្នកជំងឺថ្មីទាំង​៨៦នាក់ សុទ្ធសឹង​ជាករណីឆ្លងក្នុងសហគមន៍ នៃ«ព្រឹត្តិការណ៍២០កុម្ភៈ» ក្នុងនោះមានជនជាតិខ្មែរ៨៤នាក់ និង​ជនជាតិ​ចិន២នាក់។ អ្នកជំងឺទាំងនេះ មានទីលំនៅក្នុងរាជធានីភ្នំពេញ ខេត្តព្រះសីហនុ ខេត្តកណ្តាល ខេត្តសៀមរាប ខេត្តកែប ខេត្តត្បូងឃ្មុំ ខេត្តស្វាយរៀង ខេត្តក្រចេះ និងខេត្ត​កំពង់ចាម។

រីឯអ្នកជំងឺទី១០ដែលទទួលមរណភាព ជាស្ត្រីវ័យ៧៦ឆ្នាំ រស់នៅក្នុងស្រុកពាមរក៍ ខេត្តព្រៃវែង។ អ្នកជំងឺត្រូវបាន​រកឃើញ​​ផ្ទុកមេរោគកូវីដ នៅថ្ងៃទី៨ ខែមីនា ឆ្នាំ២០២១ ហើយត្រូវបានបញ្ចូន​ចេញពី​មន្ទីរពេទ្យខេត្តព្រៃវែង មកដល់​មន្ទីរពេទ្យ​រុស្ស៊ី (ភ្នំពេញ) នៅថ្ងៃទី២០ ខែមីនា ឆ្នាំ២០២១។

សេចក្ដីប្រកាសព័ត៌មានដាច់ដោយឡែក របស់ក្រសួងសុខាភិបាល បានបញ្ជាក់ថា ដោយសារអ្នកជំងឺមាន​អាការៈ​រលាកសួត​សងខាងធ្ងន់ធ្ងរ និងមានសភាពខ្សោយសួត មិនអាចសង្គ្រោះបាន អ្នកជំងឺបានស្លាប់ នៅម៉ោង៧​និង​០៥នាទី យប់ថ្ងៃទី២៧ ខែមីនានេះ។

បើគិតរួមទាំងជនរងគ្រោះផ្សេងទៀត ដែលបានស្លាប់ ក្នុងមណ្ឌលធ្វើចត្តាឡីស័ក និងក្នុង​អំឡុងពេល​សម្រាកព្យាបាល នៅឯ​មន្ទីរពេទ្យផង ប្រទេសកម្ពុជាមានអ្នកស្លាប់ ១៦នាក់ហើយ។

ជន​រងគ្រោះ១០នាក់ (ក្នុងនោះ ម្នាក់ជាជនជាតិចិន) ត្រូវបាន​អាជ្ញាធរ​សុខាភិបាល អះអាងថា ទទួលមរណភាព​ដោយ​​ជំងឺកូវីដ-១៩។ រីឯជន​រងគ្រោះ​​៦នាក់​ទៀត (ក្នុងនោះ​ ២នាក់ជា​ជនជាតិ​ចិន) ត្រូវបានអាជ្ញាធរប្រកាសថា ស្លាប់​ដោយសារ​ជំងឺ​«ខ្យល់គ» «គាំងបេះដូង» «រើការញៀនថ្នាំ» ឬ«ធ្លាក់ឈាមច្រើន»ជាដើម។

ក្នុងថ្ងៃ​ទី២៨ ខែមីនានេះដដែល កម្ពុជាក៏មានអ្នកជាសះស្បើយ ប្រមាណជា៣៤នាក់ដែរ ក្នុងនោះ ៤នាក់ ជាអ្នក​ដំណើរ​​មកពីក្រៅ​ប្រទេស, ម្នាក់ជាពលករមកពីប្រទេសថៃ និង២៩នាក់ ជាអ្នកឆ្លងក្នុងព្រឹត្តិការណ៍ «សហគមន៍​២០កុម្ភៈ»។ ពួកគេត្រូវបានអនុញ្ញាត​ឲ្យចេញពីមន្ទីរពេទ្យ បន្ទាប់ពីទទួលលទ្ធផលធ្វើតេស្ដិ៍​អវិជ្ជមាន២ដង។

ជាតួលេខសរុប កម្ពុជាមានអ្នកឆ្លងជំងឺកូវីដ-១៩ ចំនួន២២៣៣នាក់ នៅលើផ្ទៃប្រទេស ក្នុងនោះអ្នកជំងឺដែល​បាន​ជាសះស្បើយចំនួន ១១៦៦នាក់ ខណៈអ្នកជំងឺដែលកំពុងសម្រាកព្យាបាល នៅឯមន្ទីរពេទ្យចំនួន ១០៥៤នាក់៕



លំអិតបន្ថែមទៀត

កម្ពុជា

Covid-19៖ កម្ពុជាមាន ​៧​ករណី​​ទៀត បង្កើន​តួលេខសរុបដល់​២៣៣នាក់

​ប្រទេសកម្ពុជាអះអាង បាន​រក​ឃើញ​អ្នកជំងឺ​«Covid-19»​ចំនួន ​៧​ករណី​​ទៀត ដែល​សុទ្ធតែ​ជា​អ្នកដំណើរ​​ពី​ក្រៅ​ប្រទេស ហើយបាន​ធ្វើ​ឲ្យ​តួលេខ​​សរុប នៃអ្នកផ្ទុកមេរោគ​រាតត្បាត នៅ​ទូទាំង​ប្រទេស កើនឡើង​ដល់​២៣៣​នាក់ គិត​ត្រឹម​ថ្ងៃ​ពុធ​ទី​២៩​ ខែ​កក្កដា​នេះ។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា បានឲ្យដឹងថា ...
ដំណឹង

ហ្គូហ្គ័ល និងហ្វេសប៊ុក ស្នើឲ្យ​បុគ្គលិក​ខ្លួន​ធ្វើការ​«ពីផ្ទះ» រហូតដល់​ឆ្នាំ​២០២១

បើទោះ​ជា​ទីស្នាក់ការ​នានា របស់មហាយក្សទាំងពីរ គ្រោងនឹងបើកឡើងវិញ នៅរដូវក្ដៅ​នេះ​ក៏ដោយ តែការធ្វើការ«ពីផ្ទះ» នៅតែជាជម្រើសដ៏ល្អ សម្រាប់រយៈពេល ពីពេលនេះ រហូតដល់​ចប់ ឆ្នាំ២០២០។ លោក «Sundar Pichai» ...
កម្ពុជា

Covid-19៖ កម្ពុជារកឃើញអ្នកជំងឺ ២៣នាក់​​ថ្មីទៀត​ សរុប​២២៥នាក់

ប្រទេសកម្ពុជាបានអះអាងថា ខ្លួនរកឃើញករណីអ្នកឆ្លង «កូវីដ១៩ (Covid-19)» ចំនួន ២៣នាក់​​ថ្មីទៀត​ ដែល​នាំ​​ឱ្យ​ករណី​អ្នកជំងឺសរុប កើនឡើងដល់​២២៥នាក់។ នេះ បើតាម​សេចក្ដីប្រកាសព័ត៌មាន របស់​ក្រសួង​សុខាភិបាល​កម្ពុជា ដែលចេញផ្សាយ កាលពីមុន​នេះ​បន្តិច។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.