កម្ពុជាដំណឹង

ស្រុតអគារចិន៖ ហ៊ុន សែន បានចែកប្រាក់ជាង​១៥ម៉ឺន​ដុល្លារ ជូន​ក្រុមសង្គ្រោះ

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា លោកបានយកថវិកាផ្ទាល់របស់លោក ចំនួនជាង១៥ម៉ឺនដុល្លារ​ចែក ជូន​ក្រុមសង្គ្រោះ សរុបចំនួន​១៤៨៧នាក់ ដែលបានធ្វើការរុករក និងជួយសង្គ្រោះជីវិត ក្នុងហេតុការណ៍រលំអគារ ដែលសង់ដោយសហគ្រាសចិន នៅខេត្តព្រះសីហនុ

ការលើកឡើង របស់បុរសខ្លាំងកម្ពុជា ធ្វើឡើងក្នុងទំព័រហ្វេសប៊ុករបស់លោក នៅក្នុងកន្លែងបញ្ចេញមតិ កាលពីប៉ុន្មាននាទីមុន។ មេដឹកនាំកម្ពុជា បានលើកឡើងថា៖

«ក្នុងការចូលរួមយោបល់ តាមរយៈ comment មានបងប្អូនមួយចំនួន សំណូមពរមកខ្ញុំ ឱ្យជួយឧបត្ថម្ភ ចំពោះកម្លាំងចូលរួមបំពេញការងារ រុករកនិងជួយសង្រ្គោះផង។ នេះពិតជាសំណូមពរត្រឹមត្រូវ ព្រោះបើគ្មានកម្លាំង ដែលពោរពេញដោយភាពក្លាហាន មិនខ្លាចនឿយហត់នេះទេ យើងមិនអាចស្រោចស្រង់ ជិវិតអ្នកដែលនៅរស់ និងយកសាកសពបានទេ។»

លោក ហ៊ុន សែន បានបញ្ជាក់ថា៖

«ខ្ញុំបានយកថវិការខ្ញុំ ជាង១៥មុឺនដុល្លារ ចែកជូនបងប្អូន១៤៨៧នាក់ តាំងពី​យប់មុិញ​មកម្លេះ ដោយបុរស់ទទួល ១០០ដុល្លារក្នងម្នាក់ និងនារីទទួលបាន ២០០ដុល្លារក្នុងម្នាក់។ ភរិយាខ្ញុំនិងកូនៗខ្ញុំ បានជួយផ្តល់បាយ ម្ហូបអាហារ ទឹកផឹកទឹកក្រូច ក្នុងពេលប្រតិបត្តិការ មុនពេលខ្ញុំ ទៅដលកន្លែងកើតហេតុ។»

សម្រាប់ជនរងគ្រោះ និងគ្រួសារ រួមទាំងអ្នករងរបួស និងអ្នកបាត់បង់ជីវិត ត្រូវបានទទួលប្រាក់ឧបត្ថម្ភ ពីសប្បុរសជនដែលមានសរុប ប្រមាណជា ២,១៩៨,៤០០ដុល្លារ។ លោក ហ៊ុន សែន បានរៀបរាប់ ពីការចែកប្រាក់ជូនជនរងគ្រោះ ដូចតទៅ៖

«ថវិការ[ខាងលើ]នេះ ត្រូវបាន[យកមក]ឧបត្ថម្ភ ជូនអ្នករបួស ក្នុងម្នាក់១មុឺនដុល្លាសម្រាប់២៤នាក់​។ ឯ២នាក់ទៀត ដែលស្ថិតក្រោមគំនរបាក់បែក ប្រមាណជិត៦០ម៉ោង ដែលនៅរស់រានមានជិវិត ដោយសារការជួយសង្រ្គោះ ត្រូវបានឧបត្ថម្ភ ក្នុងម្នាក់
ចំនួន ៣មុឺនដុល្លា។ សរុបអ្នករបួស ចំណាយអស់៣០មុឺនដុល្លា។»

«ថវិកានៅសល់ ១,៨៩៨,៤០០ដុល្លារ ត្រូវបែងចែកស្មើរៗគ្នា សម្រាប់[គ្រួសារ]អ្នកស្លាប់ចំនួន២៨នាក់ ដែលក្នុងមួយនាក់ទទួល[បាន] ចំនួន ៦៧,៨០០ដុល្លារ។ នេះ មិនគិតពីថវិការាជរដ្ឋាភិបាល ១មុឺនដុល្លា ដែលជូនដល់គ្រួសារអ្នកស្លាប់​មួយចំនួន ក្រោយ១ថ្ងៃនៃថ្ងៃកើតហេតុផងទេ៕»

បងប្អូនជនរួមជាតិជាទីគោរពស្រឡាញ់! ក្នុងហេតុការណ៍បាក់អាគារកំពស់៧ជាន់នៅខេត្ត ព្រះសីហនុដែលធ្វើអោយប្រជាជនជាទី ស្រឡាញ់របស់យើងស…

Posted by Samdech Hun Sen, Cambodian Prime Minister on Monday, June 24, 2019


You may also like

កម្ពុជា

ហ៊ុន សែន ត្រឡប់​ពីទស្សនកិច្ច​នៅចិន​ដោយ​អះអាង​ថា បាន​«ទទួលជោគជ័យ»

នាយករដ្ឋមន្ត្រីកម្ពុជា លោក ហ៊ុន សែន បានវិលត្រឡប់ មកដល់រាជធានីភ្នំពេញវិញហើយ នៅព្រឹកថ្ងៃពុធ ទី២៣ ខែមករា ឆ្នាំ២០១៩នេះ បន្ទាប់ពីលោកបានធ្វើទស្សនកិច្ច រយៈពេល៣ថ្ងៃ នៅក្នុងសាធារណរដ្ឋប្រជាមានិត ...
កម្ពុជា

អង្គការចំនួន៣ នៅអាស៊ី រួមគ្នាថ្កោលទោស​ដីកា​ចាប់ខ្លួន​មេដឹកនាំ CNRP

អង្គការចំនួន៣ នៅអាស៊ី បានចេញសេចក្ដីថ្លែងការណ៍រួមមួយ ថ្កោលទោសការចេញ​ដីកា​របស់សាលាដំបូង​រាជធានីភ្នំពេញ កាលពីថ្ងៃទី១២ ខែមិនា ឲ្យចាប់ខ្លួនមេដឹកនាំគណបក្សប្រឆាំងទាំង៨រូប ដោយហៅដីកានោះ ថាជាភស្ដុតាងថ្មីបង្ហាញពីការប្ដេជ្ញាចិត្ត របស់របបឯកបក្សក្រុងភ្នំពេញ ក្នុងការបំបាត់សម្លេងប្រជាធិបតេយ្យ នៅក្នុងប្រទេសកម្ពុជា។ សម្រាប់អ្នកនាំពាក្យក្រសួងយុត្តិធម៌កម្ពុជា ...
កម្ពុជា

ហ៊ុន សែន លេងបាន​តែកីឡា​កូន​គោល ខណៈ សម រង្ស៊ី លេងកីឡាជាច្រើន

លោកនាយករដ្ឋមន្ត្រី ហ៊ុន សែន បានអះអាងថា លោកមកដល់វ័យនេះ លេងកីឡាបានតែកីឡាវាយកូនគោលមួយប៉ុណ្ណោះ បើទោះជាលោកចូលចិត្តកីឡាទាំងអស់យ៉ាងណាក៏ដោយ។ កាលពីប៉ុន្មានថ្ងៃមុន លោក សម រង្ស៊ី ដែលមានអាយុច្រើនជាងលោក ហ៊ុន ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...