កម្ពុជាដំណឹង

សម រង្ស៊ី អួតអាង​ថា បាន​«ប្រៀនប្រដៅ ហ៊ុន សែន បានខ្លះហើយ»

លោកនាយករដ្ឋមន្ត្រី ហ៊ុន សែន កំពុងទទួលយក ការប្រៀនប្រដៅ «បានខ្លះហើយ» ពីប្រធានស្ដីទី គណបក្សប្រឆាំង លោក សម រង្ស៊ី ដែលអះអាងទៀតថា យ៉ាងហោចណាស់ ក៏បានពីរចំណុចដែរ។ នេះ បើតាមការបង្ហោះ «ដំណឹងខ្លីៗ» ដោយលោក សម រង្ស៊ី នៅលើបណ្ដាញសង្កម កាលពីប៉ុន្មាននាទីមុន។

ពីរចំណុច​«បានខ្លះហើយ» របស់លោក សម រង្ស៊ី ដែលលោកចាត់ទុកថា ជាការប្រៀនប្រដៅលោក ហ៊ុន សែន នោះគឺ «ខឹងគោ កុំទៅវ៉ៃរទេះ» និង «កុំឲ្យច្រឡំ ក្នុងការចោទប្រកាន់គណបក្សប្រឆាំង គឺជាអ្នកទៅញុះញង់ សហគមន៍អន្តរជាតិ ឲ្យតិទៀនរបបលោក ហ៊ុន សែន»។

ចំណុចទាំងពីរ ត្រូវបានគូបដិបក្ខនយោបាយ ដ៏ស្រួចស្រាវ របស់លោក ហ៊ុន សែន លើកឡើងកាលពីថ្ងៃអង្គារ និងថ្ងៃព្រហស្បត្តិ៍ បន្ទាប់ពីការគម្រាមខ្លាំងៗ ពីសំណាក់លោក ហ៊ុន សែន កាលពីថ្ងៃចន្ទ ដែលថានឹង​«វ៉ៃសម្លាប់គណបក្សប្រឆាំង»ឲ្យអស់ ប្រសិនជាសហភាពអ៊ឺរ៉ុប ដាក់ទណ្ឌកម្មសេដ្ឋកិច្ច ប្រឆាំងរបបដឹកនាំរបស់លោក។

លោក សម រង្ស៊ី បានសរសេរ ទាក់ទងនឹងចំណុចទីមួយថា៖

«ខឹងគោ កុំទៅវ៉ៃរទេះ។ បើខឹងទណ្ឌកម្ម ពីសហភាពអឺរ៉ុប កុំទៅរករឿង អ្នកគាំទ្រគណបក្សសង្គ្រោះជាតិ រាប់លាននាក់ នៅប្រទេសកម្ពុជា។ ខ្ញុំ សម រង្ស៊ី ជាមនុស្សតែម្នាក់គត់ ដែលបានជម្រុញយ៉ាងសកម្ម ឲ្យសហគមន៍អន្តរជាតិ ដាក់ទណ្ឌកម្ម មកលើ​របបផ្តាច់ការ របស់ ហ៊ុន សែន ឯង។»

«បើ ហ៊ុន សែន ឯងចង់បញ្ចៀសទណ្ឌកម្មទាំងនោះ ពីព្រោះ ហ៊ុន សែន ឯងអាណិតប្រជារាស្ត្រមែន ហ៊ុន សែន ឯងគ្រាន់តែបញ្ឈប់ ការគាបសង្កត់ មកលើប្រជារាស្ត្រ ហើយចាប់ផ្តើមចរចា ជាមួយសហភាពអឺរ៉ុប ដើម្បីធ្វើឲ្យស្រុកយើង ទទួលបានលទ្ធិប្រជាធិបតេយ្យវិញមក គឺរឿងទណ្ឌកម្មនេះ វាចប់ទៅហើយ។»

រីឯចំណុចទីពីរ ត្រូវបានមេដឹកនាំប្រឆាំង បន្តថ្លែងសំដៅលោក ហ៊ុន សែន ថា៖

«ហ៊ុន សែន ឯង យល់ច្រឡំហើយ ក្នុងការចោទប្រកាន់គណបក្សសង្គ្រោះជាតិ មានទាំងរូបខ្ញំុផងដែរ ថាបានទៅញុះញង់ សហគមន៍អន្តរជាតិ ឲ្យទិតៀនរបប ហ៊ុន សែន ឯង រហូតដល់ទៅដាក់ទណ្ឌកម្ម មកលើរបប ហ៊ុន សែន ឯង។»

«តាំងពីច្រើនឆ្នាំមកហើយ ហ៊ុន សែន ឯង តែងតែលើកឡើងថា អ្នកសារព័ត៌មានដែលមិនស៊ីលុយ ហ៊ុន សែន ឯង អង្គការសង្គមស៊ីវិលឯករាជ្យ រដ្ឋាភិបាលបស្ចឹមប្រទេស អង្គការសិទ្ធិមនុស្សអន្តរជាតិ ស្ថាប័នអន្តរជាតិជាច្រើន រហូតដល់ទៅអង្គការសហប្រជាជាតិ ហ៊ុន សែន ឯងថា ក្រុមមនុស្ស អង្គការ ប្រទេស និងស្ថាប័នទាំងអស់នោះ គឺសុទ្ធតែចូលដៃ ជាមួយគណបក្សប្រឆាំង នៅប្រទេសកម្ពុជា ដើម្បីទិតៀន និងថ្កោលទោស របប ហ៊ុន សែន ឯង។»

«ហ៊ុន សែន ឯងមិនយល់ ពីរបៀបគិតគូរ និងធ្វើការ របស់ក្រុមមនុស្ស អង្គការ ប្រទេស និងស្ថាប័នទាំងនោះ ដែលគេមានជំនាញ និងមនសិការរបស់គេ ដើម្បីបញ្ចេញយោបល់ និងធ្វើសេចក្តីសម្រេច ដោយខ្លួនគេ។ ពួកគេមិនទទួលបញ្ជា ពីនរណាទេ មិនស៊ីឈ្នួលនរណាទេ ហើយក៏មិនចេះតែញាក់ តាមការញុះញង់ ពីនរណាឡើយ។»

«បើគេទាំងអស់គ្នា និយាយដូចគ្នា ហើយគណបក្សប្រឆាំង នៅប្រទេសកម្ពុជា ក៏និយាយដូចគ្នាអញ្ចឹងដែរ មានន័យថា អ្វីដែលគេនិយាយដូចគ្នា ទាំងអស់គ្នានោះ គឺវាជាការពិត ដូចជា ២ + ២ = ៤ អញ្ចឹង ដែលគ្មាននរណាប្រកែកបាន ថាមិនពិត។ ដូច្នេះ ហ៊ុន សែន ឯងល្មមទទួលស្គាល់ ការពិតខ្លះទៅ កុំចេះតែដើររករឿងគេឯង ទាំងងងើល ដូចសព្វថ្ងៃ។»

ការលើកឡើងខាងលើ របស់លោក សម រង្ស៊ី ត្រូវបានគេមើលឃើញថា អាចជាការចំអកមួយ នៅចំពេល ដែលសហភាពអ៊ឺរ៉ុប បានសម្រេចកាលពីថ្ងៃពុធ លើកចេញវិញ នូវការអនុគ្រោះពន្ធ លើផលិតផលអង្ករ នាំចូលពីប្រទេសកម្ពុជា ទោះបីថា ជាការសម្រេចនេះ មិនជាប់ទាក់ទង នឹងគណបក្សប្រឆាំង នៅកម្ពុជាក៏ដោយ៕



លំអិតបន្ថែមទៀត

កម្ពុជា

សម រង្ស៊ី ថានឹងវិល​មកកម្ពុជា​ដើម្បីចាប់ ហ៊ុន សែន យកទៅ​កាត់ទោស

មេដឹកនាំប្រឆាំងបានបង្ហាញជំនឿមុតមាំថា ដំណើរវិលត្រឡប់ចូលប្រទេសកម្ពុជា មិនមែនដើម្បីដើរចូល ទៅឲ្យអាជ្ញាធរបញ្ជាដោយលោកនាយករដ្ឋមន្ត្រី ហ៊ុន សែន ចាប់ខ្លួនលោកនោះទេ។ លោក សម រង្ស៊ី បានថ្លែងពីក្រុងសៀតថល សហរដ្ឋអាមេរិកមកថា លោកត្រឡប់ចូលស្រុកវិញ ...
កម្ពុជា

ហ៊ុន សែន អរគុណ​អ្នកកាសែត​ ដែលផ្សាយ​ព័ត៌មាន​ក្នុង​«ផ្លូវវិជ្ជមាន»

នៅមួយថ្ងៃ មុនជំនួប«បាយសាមគ្គី» ជាមួយក្រុមអ្នកសារព័ត៌មាន លោកនាយករដ្ឋមន្ត្រី ហ៊ុន សែន បានលើកឡើងរួចជាស្រេច ប្រាប់ឲ្យអ្នកសារព័ត៌មានទាំងអស់ ត្រូវចូលរួមផ្សព្វផ្សាយអំពីកម្ពុជា ទៅកាន់ពិភពលោក ក្នុង«ផ្លូវវិជ្ជមាន» ដើម្បីប្រទេសជាតិកាន់តែរីកចម្រើន។ តែអ្នកវិភាគគិតថា ...
កម្ពុជា

អ្នកនាំពាក្យថា សម រង្ស៊ី អាចត្រូវ​«ក្រុមបាតដៃទី៣»​សម្លាប់ បើហ៊ាន​ចូល​ស្រុក

បើឧត្ដមសេនីយ៍​យោធាច្រើននាក់ ស្និតនាយករដ្ឋមន្ត្រីកម្ពុជា បានប្រកាស​ក្នុងប៉ុន្មានថ្ងៃចុងក្រោយ ត្រៀម​កម្ទេចលោក សម រង្ស៊ី នៅពេលមេដឹកនាំប្រឆាំងរូបនេះ វិលចូលកម្ពុជាវិញនោះ សម្រាប់លោក សុខ ឥសាន វិញ បានអះអាងថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...