កម្ពុជាដំណឹង

សម រង្ស៊ី៖ តុលាការ​ឯករាជ្យ​មួយ នឹង​បកមុខ​ជន​គប់​គ្រាប់បែក​មុខ​អតីតរដ្ឋសភា

លោក សម រង្ស៊ី មេដឹកនាំប្រឆាំង នៅក្នុងព្រឹត្តិការណ៍គប់គ្រាប់បែក នៅខាងមុខវិមានរដ្ឋសភាចាស់ ថ្ងៃទី៣០ ខែមិនា ឆ្នាំ១៩៩៧។ (រូបថត AFP/ David Van DerVann)

មេដឹកនាំប្រឆាំង លោក សម រង្ស៊ី បានបង្ហើបឲ្យដឹងថា ក្នុងពេលឆាប់ៗខាងមុខនេះ តុលាការ​ឯករាជ្យ​មួយ នឹងបង្ហាញជាសាធារណៈ នូវភេរវករ​ដែលបានគប់គ្រាប់បែក កាលពីថ្ងៃទី៣០ ខែមិនា ឆ្នាំ១៩៩៧ ប្រឆាំងបាតុកម្មដោយសន្តិវិធី ដឹកនាំដោយរូបលោក នៅមុខអតីតរដ្ឋសភា។

ការបង្ហើបរបស់លោក ធ្វើឡើងកាលពីមុននេះបន្តិច នៅលើបណ្ដាញសង្គម តាមរយៈសំណេរជាពីរភាសា។ សំណេរជាខេមរភាសា បានឲ្យដឹងថា៖

«ក្នុងពេលឆាប់ៗខាងមុខនេះ យើងនឹងដឹងយ៉ាងច្បាស់ថា ភេរវករ ដែលបង្កសោកនាដកម្ម នៅទីក្រុងភ្នំពេញ ថ្ងៃ ៣០ មីនា ១៩៩៧ គឺក្រុមអង្គរក្សលោក ហ៊ុន សែន ដឹកនាំដោយលោក ហ៊ីង ប៊ុនហៀង ដែលទទួលបញ្ជាផ្ទាល់ ពីលោក ហ៊ុន សែន។»

ចំណែកឯសំណេរជាភាសាអង់គ្លេស ក៏មានខ្លឹមសារប្រហាក់ប្រហែលគ្នាដែរ តែសំណេរនោះបានបន្ថែមថា អ្នកបង្ហាញក្រុម​«ភេរវករគប់គ្រាប់បែក»នោះ គឺជាតុលាការឯករាជ្យមួយ។

យ៉ាងណា លោក សម រង្ស៊ី មិនបានអះអាងបន្ថែមថា តើ«តុលាការ​ឯករាជ្យ​មួយ»នោះ នៅក្នុងប្រទេសណា និងនៅកម្រិតណានោះទេ។ ប៉ុន្តែកាលពីថ្ងៃទី៣០ ខែមិនា ឆ្នាំ២០១៦ មេដឹកនាំប្រឆាំងធ្លាប់បានបញ្ជាក់ថា តុលាការក្នុងប្រទេសបារាំង បានសើរើករណីនេះឡើងវិញ បន្ទាប់ពីបានព្យួរអស់មួយរយៈពេលមក។

ប្រធានស្ដីទីគណបក្សប្រឆាំង បានថ្លែងនៅពេលនោះ តាមរយៈ«Video Conference»ថា៖

«កន្លង​គេ​គ្រាន់​តែ​ព្យួរ​មួយ​រយៈ​ទេ តែ​ឥឡូវ​នេះ គេ​បាន​បើក​សំណុំ​រឿង​នេះ​ឡើង​វិញ​ ឲ្យ​ដំណើរ​ការ​ទៅ​មុខ ដោយ​សកម្ម ស៊ើប​អង្កេត​ដោយ​តុលាការ​ជំនាញ ឯករាជ្យ មាន​វិជ្ជាជីវៈ​ខ្ពស់ គេ​មិន​ខ្លាច​នរណា​ទេ។ គេ​នឹង​ជំរុញ​ ឲ្យ​មាន​ការ​លាត​ត្រដាង​ការ​ពិត ដើម្បី​រក​យុត្តិធម៌​ដល់​ជន​រងគ្រោះ។»

អ្នកជំនាញច្បាប់ម្នាក់ បានថ្លែងឲ្យទស្សនាវដ្ដីមនោរម្យ.អាំងហ្វូដឹងថា តុលាការក្នុងប្រទេស​បារាំង មានយុត្ថធិការចំពោះករណីនេះ ដោយសារ(១)មានពាក្យបណ្ដឹង និង(២)ទង្វើបោកគ្រាប់បែកនោះ បានប៉ះពាល់ដោយផ្ទាល់ ទៅលើជនជាតិបារាំង (លោក សម រង្ស៊ី មានសញ្ជាតិបារាំង និងមនុស្សមួយចំនួនទៀត)។

ការ​បោក​គ្រាប់​បែក​ដៃ ៤​គ្រាប់ ​ទៅ​លើ​ក្រុម​បាតុករ​ដឹក​នាំ​ដោយ លោក សម រង្ស៊ី នៅ​មុខ​វិមានរដ្ឋសភា​ចាស់ ក្បែរព្រះបរមរាជវាំង ដើម្បី​ទាមទារ​រក​យុត្តិធម៌​សង្គម លក្ខខណ្ឌ​ការងារ​របស់​ក្រុម​កម្មករ និង​កែ​ទម្រង់​ប្រព័ន្ធ​តុលាការ​ កាល​ពី​ថ្ងៃ​ទី​៣០ ខែ​មីនា ឆ្នាំ​១៩៩៧នោះ បាន​បណ្ដាល​ឲ្យ​មាន​មនុស្សស្លាប់ ​ចំនួន១៦​នាក់ និងរបួសជាង ១៥០នាក់។

ប៉ុន្តែ​រហូត​មក​ទល់​ពេល​នេះ គឺមានរយៈពេល២២ឆ្នាំហើយ ជន​ប្រព្រឹត្តិ​ និងជននៅពីក្រោយ មិន​ត្រូវ​បាន​គេ​ចាប់​ខ្លួន ​មក​ផ្ដន្ទាទោស​ឡើយ។

សម្រាប់អាជ្ញាធរកម្ពុជា នៅតែបន្តការអះអាងថា ខ្លួនកំពុងបន្តចំណាត់ការនីតិវិធី និងអំពាវនាវឲ្យជនរងគ្រោះ ចូលរួមសហការ បើសិនជាដឹងតំរ៉ុយ៕



លំអិតបន្ថែមទៀត

កិច្ចសម្ភាស

សម្ភាស​ជនរង​គ្រោះ​ក្នុង​ថ្ងៃ​៣០​មិនា​១៩៩៧៖ ការឈឺចាប់ និង​យុត្តិធម៌

បើទោះបីជាព្រឹត្តិការណ៍គប់គ្រាប់បែក កាលពីថ្ងៃទី៣០ ខែមីនា ឆ្នាំ១៩៩៧ នៅមុខអតីត មន្ទីររដ្ឋសភា បានកន្លង​អស់​១៧ឆ្នាំហើយ ក៏មែនពិត តែ«ការឈឺចាប់ ការស្វែងរកយុត្តិធម៌ និងការបន្សល់ នូវស្នាមរបួស» នៅតែជាការចងចាំ ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

ក្រុមអ៊ឺរ៉ុប ផ្ដួចផ្ដើម​ដោយ EU គ្រោងផ្ដល់​​ជំនួយ​ជិត​៥០០លាន​ដុល្លារ​ឲ្យ​កម្ពុជា

ក្រុមអ៊ឺរ៉ុប (Team Europe) ដែលផ្ដួចផ្ដើមដោយ សហភាពអ៊ឺរ៉ុប (EU) កំពុង​កៀរ​គរ​ថវិកា​ចំនួន​៤៤៣​លាន​អឺរ៉ូ ដែល​ជា​កញ្ចប់​ប្រាក់​កម្ចី និង​ជំនួយ​ឥត​សំណង ដើម្បី​ធ្វើ​ការងារ​ជាមួយ​កម្ពុជា ក្នុង​ការ​កាត់​បន្ថយ​ផល​ប៉ះពាល់ ​ផ្នែក​សង្គម និង​សេដ្ឋកិច្ច​ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...