កម្ពុជាដំណឹង

មេដឹកនាំរដ្ឋាភិបាល«ពាក់ម៉ាស់» ទៅ​ទទួល​ព្រះរាជា​យាង​ត្រឡប់​ពីចិន

«ពាក់ម៉ាស់» ៖ ពិធីទទួលព្រះមហាក្សត្រ សម្ដេច នរោត្ដម សីហមុនី និងព្រះមហាក្សត្រី សម្ដេច មុនីនាថ សីហនុ ដែលយាងត្រឡប់ ពីប្រទេសចិន ក្នុងរសៀលថ្ងៃចន្ទនេះ មានលក្ខណៈ​ខុសគ្នា​ទាំង​ស្រុង ពីពិធីថ្វាយព្រះរាជដំណើរ ចាកចេញពីកម្ពុជា កាលពីដើមខែមេសា។

នោះ គឺនៅថ្ងៃនេះ មន្ត្រី​រដ្ឋាភិបាល គ្រាក់ៗទាំងអស់គ្នា សុទ្ធតែ«ពាក់ម៉ាស់» រាប់ទាំង​លោក​នាយករដ្ឋមន្ត្រី ហ៊ុន​ សែន ផង ក្នុងការទៅទទួល ព្រះរាជដំណើរមាតុភូមិនិវត្តន៍ នៅ​ព្រលាន​យន្ដហោះអន្តរជាតិភ្នំពេញ។

នារសៀលថ្ងៃចន្ទ ៥រោច ខែពិសាខ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១១ ខែឧសភា ឆ្នាំ២០២០នេះ សម្ដេចក្រឡាហោម ស ខេង…

Gepostet von Samdech Krolahom Sar Kheng, Cambodian Deputy Prime Minister am Montag, 11. Mai 2020

ការពាក់ម៉ាស់​ព្រោងព្រាតនេះ ធ្វើឡើង ក្នុងខណៈប្រទេសកម្ពុជា រកមិនឃើញករណីឆ្លងថ្មី នៃជំងឺ«Covid-19»​តាំងពីច្រើនសប្ដាហ៍មកហើយ។ តួលេខករណីឆ្លង ដែលចេញផ្សាយ ដោយអាជ្ញាធរកម្ពុជា មានចំនួន១២២នាក់ ខណៈមនុស្ស១២០នាក់ បានជាសះស្បើយ ពីជំងឺនេះ។

សម្ដេចតេជោ ហ៊ុន សែន អញ្ជើញទទួលព្រះរាជដំណើរយាងនិវត្តន៍ របស់ព្រះមហាក្សត្រ និងសម្តេចម៉ែ យាងពីទីក្រុងប៉េកាំង…

Gepostet von Samdech Hun Sen, Cambodian Prime Minister am Montag, 11. Mai 2020

ផ្ទុយទៅវិញ ក្នុងពិធីយាងព្រះរាជដំណើរ​ ចេញពីរាជធានី ភ្នំពេញ កាលពីព្រឹកថ្ងៃទី១ ខែ​មេសា ឆ្នាំ២០២០ មេដឹកនាំរដ្ឋាភិបាលទាំងអស់គ្នា សុទ្ធតែទុកមុខទទេរ មិនមាន​ឃើញ​«ពាក់ម៉ាស់»​នោះទេ (រូបខាងក្រោម)។

លោក ហ៊ុន សែន ខ្លួនលោក ក៏មិនសូវជាឃើញ​ពាក់ម៉ាស់ដែរ នៅក្នុងពិធីបុណ្យសព ម្ដាយក្មេករបស់លោក ទាំងនៅក្នុងគេហដ្ឋាន នៅរាជធានីភ្នំពេញ និងនៅពិធីដង្ហៃសព យកទៅបញ្ចុះ នៅខេត្តត្បូងឃ្មុំ៕



You may also like

កម្ពុជា

សម រង្ស៊ី ព្រមានថា​«នឹង​មិនឲ្យ ហ៊ុន សែន ចាប់ខ្លួន​ងាយៗ»ឡើយ

តបទៅនឹងសារបែកធ្លាយ របស់លោកនាយករដ្ឋមន្ត្រី ហ៊ុន សែន កាលពីម្សិលម៉ិញ លោក សម រង្ស៊ី មេដឹកនាំប្រឆាំង​បានថ្លែងព្រមាន​លោក ហ៊ុន សែន វិញថា លោក ...
កម្ពុជា

អាមេរិក​លើកពី​«សេរីភាព និង ចំណង​ទ្វេភាគី» ដើម្បី​ជូនពរ​ឆ្នាំថ្មី​ដល់​កម្ពុជា

សម្រាប់ឱកាសបុណ្យចូលឆ្នាំថ្មី ប្រពៃណីជាតិនេះ សហរដ្ឋអាមេរិកបានផ្ញើរសារ ជូនពរប្រជាជនកម្ពុជា ប្រកបដោយអត្ថន័យសង្កត់ធ្ងន់ ទៅលើ«សេរីភាព» និងលើកឡើង ពីក្ដីសង្ឃឹម នៃការពង្រឹង«ចំណងទ្វេភាគី» កាន់តែខ្លាំងឡើង ក្នុងឆ្នាំខាងមុខ។ ​អ្នកនាំពាក្យ​ក្រសួង​ការបរទេស របស់ប្រទេសមហាអំណាច ...
កម្ពុជា

ហ៊ុន សែន ថា សម រង្ស៊ី ជាមនុស្សដ៏អន់​បំផុត ដែល​គ្រប់គ្រង​ក្រុមខ្លួន​​មិនបាន

«បើអ្នកឯងទុកឲ្យគេបំបែកបានដូច្នេះ អ្នកឯងមិនស័ក្ដិសមធ្វើជាមេដឹកនាំទេ» នេះ ជាសារនយោបាយរបស់លោក ហ៊ុន សែន ដែលថ្លែងសំដៅទៅលោក សម រង្ស៊ី គូបដិបក្ខនយោបាយ ដ៏ស្រួចស្រាវរបស់លោក ជុំវិញការលើកឡើងថា យុទ្ធនាការចុងក្រោយ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...