កម្ពុជាដំណឹង

ខ្លីៗ​ពីបារាំង៖ ច្បាប់«ប្រកាស​ភាពអាសន្ន»​របស់​កម្ពុជា រង​ការរិះគន់

បើសិនជារដ្ឋាភិបាលបារាំង មិនបង្ហាញជំហរជាផ្លូវការ នៅចំពោះការបង្កើតច្បាប់«ប្រកាសភាពអាសន្ន»ថ្មី យ៉ាងតក់ក្រហក់ ពីសំណាក់រដ្ឋាភិបាលកម្ពុជានោះ តែមិនមានន័យថា ប្រទេសបារាំងមិនបានដឹង អ្វីសោះនោះឡើយ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៩ របស់ក្រសួងសេដ្ឋកិច្ច និងហិរញ្ញវត្ថុបារាំង ដែលទស្សនាវដ្ដីមនោរម្យ.អាំងហ្វូ បានចូលទៅពិគ្រោះ។

របាយការណ៍ខ្លីៗនោះ ដែលចេញផ្សាយសឹង ជារៀងរាល់សប្ដាហ៍ បានសរសេរថា ច្បាប់ស្ដីពីការគ្រប់គ្រងប្រទេស ស្ថិតក្នុងភាពអាសន្ន ត្រូវបានចុះហត្ថលេខា ឲ្យប្រើប្រាស់ ដោយប្រមុខរដ្ឋស្ដីទី លោក សាយ ឈុំ។ តែច្បាប់នេះ មិនត្រូវបានយកមកអនុវត្តន៍ ក្នុងពេលនេះនៅឡើយ បើធៀបនឹងវិបត្តិ​ផ្នែកសុខាភិបាល បង្កឡើងដោយការរាតត្បាត នៃជំងឺ«Covid-19» ដែលកម្ពុជា ទំនងជាគ្រប់គ្រង​ស្ថានការណ៍ បានរួចហើយ។

ក្រសួងសេដ្ឋកិច្ច និងហិរញ្ញវត្ថុបារាំង បានសរសេរទៀតថា៖

«អត្ថបទច្បាប់”ប្រកាសភាពអាសន្ន”នេះ ត្រូវបានរិះគន់ មិនត្រឹមតែដោយអង្គការក្រៅរដ្ឋាភិបាល សិទ្ធិមនុស្ស ទាំងក្នុងស្រុក និងអន្តរជាតិប៉ុណ្ណោះទេ ប៉ុន្តែក៏នៅមានអ្នកស្រី រ៉ូណា ស្មីត (Rhona Smith) ដែលជាអ្នករាយការណ៍ពិសេស ស្តីពីស្ថានភាពសិទ្ធិមនុស្ស នៅកម្ពុជាមួយរូបផង ដែលអះអាងថា ច្បាប់ខាងលើ អាច”មានសក្តានុពល ត្រូវបានប្រើ ដើម្បីរំលោភសិទ្ធិឯកជន និងរឹតត្បិតសិទ្ធិសេរីភាព នៃការបញ្ចេញមតិ សិទ្ធិបង្កើតសមាគម និងការជួបប្រជុំដោយសន្តិវិធី”។»

របាយការណ៍ដដែលនោះ បានលើកមកអះអាងផងដែរ អំពីការធ្លាក់ចុះយ៉ាងគំហុក នៃអ្នកទេសចរណ៍បរទេស ដែលចូលមកកម្សាន្ដ នៅក្នុងប្រទេសកម្ពុជា ក្នុងអំឡុងពេលរីករាលដាល នៃវិបត្តិជំងឺ«Covid-19»។ អត្ថបទខ្លីៗ បានសរសេរថា៖

«ប្រទេសកម្ពុជា បានទទួលភ្ញៀវទេសចរណ៍បរទេស ចំនួន ១,២លាននាក់ ក្នុង​ត្រីមាស​ដំបូង នៃឆ្នាំ២០២០នេះ ដោយធ្លាក់ចុះ៣៨% បើធៀបនឹងរដូវកាលដូចគ្នា នៃឆ្នាំ​កន្លង​ទៅ (តួលេខរបស់​ក្រសួង​ទេសចរណ៍​កម្ពុជា)។»

«នៅខេត្តសៀមរាប មានភ្ញៀវ​ទេសចរណ៍ ត្រឹមតែ​៦៥៤នាក់ ដែលបានទិញសំបុត្រ ចូល​ទស្សនា​ប្រាង្គ​ប្រាសាទ​អង្គរ ក្នុងខែមេសា​តែមួយ ដែលរកបានប្រាក់ចំណូល មានប្រមាណ ២៩ ៣៦៨ដុល្លារ ដែល​ធ្លាក់ចុះ​ប្រមាណជា ៩៩,៥% បើធៀបនឹងប្រាក់ចំណូល នឹងរដូវកាល​ដូចគ្នា កាលពី​ឆ្នាំ​មុន។»

«រវាងពីខែមករា មកដល់ខែមេសា ឆ្នាំ២០២០ ប្រាក់ចំណូល​ក្នុង​រមណីយដ្ឋាន​អង្គរ បាន​ថយចុះ​ជិត៦០% ដោយរកបាន ប្រមាណជា១៨លានដុល្លារ ជាមួយនឹងភ្ញៀវទេសចរណ៍ ៣៨៤ ៣២៧នាក់៕»



You may also like

លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...
កម្ពុជា

ដំណឹង​«ហ៊ុន សែន អាចនៅមិនបានយូរទៀត»​បង្កកំហឹង

«ហ៊ុន សែន អាចនៅមិនបានយូរទៀត» ជាការបង្ហើបចេញ ដោយក្រុមមន្ត្រីជាន់ខ្ពស់គណបក្សសង្គ្រោះជាតិ ដែលធ្វើឲ្យលោកនាយករដ្ឋមន្ត្រី ហ៊ុន សែន ឆេះដុំ។ នាយករដ្ឋមន្ត្រីដែលកាន់អំណាច តាំងពីជាង៣០ឆ្នាំ បានប្រតិកម្ម​តបទៅវិញ ដោយឲ្យក្រុមមន្ត្រីទាំងនោះ ...
របាយការណ៍

«សមិទ្ធិផល»នៃសម្តេច សីហនុ ត្រូវ​ខ្មែរក្រហម​បំផ្លាញ​អស់?

តើ«សមិទ្ធិផល»របស់សម្ដេច នរោត្ដម សីហនុ ណាខ្លះ ដែលបានបាត់បង់ និងសមិទ្ធិផល​ណាទៀត ដែល​នៅសេសសល់ ហើយក្លាយជាអ្វី នៅពេលបច្ចុប្បន្ននេះ? កាលពីថ្ងៃទី១៦ ខែតុលា ឆ្នាំ២០១២ ខណៈដែលប្រជាជនកម្ពុជាជាទូទៅ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...