កម្ពុជាដំណឹង

ក្រសួង​ការបរទេស​ចោទគណៈកម្មការ​អ៊ឺរ៉ុប ថា​«លំអៀងយ៉ាងគឃ្លើន»

មានគណបក្សនយោបាយចំនួន១៩ទៀត ដែលប្រកួតប្រជែងជាមួយគណបក្សប្រជាជនកម្ពុជា តែគណៈកម្មការអ៊ឺរ៉ុបសម្លឹងឃើញ តែគណបក្សសង្គ្រោះជាតិមួយ! នេះ បង្ហាញយ៉ាងច្បាស់ពីភាព«លំអៀងយ៉ាងគឃ្លើន» របស់គណៈកម្មការអ៊ឺរ៉ុប ដែលបានសម្រេចបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន។

ខាងលើនេះ ជាខ្លឹមសារសំខាន់មួយ ដែលត្រូវបានដកស្រង់ចេញ ពីសេចក្ដីថ្លែងការណ៍ របស់ក្រសួងការបរទេស និងកិច្ចសហប្រតិបត្តិការ នៃរបបក្រុងភ្នំពេញ ដែលចេញផ្សាយកាលពីមុននេះ ដើម្បី«ឆ្លើយតបទៅនឹងការសម្រេចចិត្ត» របស់គណៈកម្មការអ៊ឺរ៉ុប ដែលសម្រេចដាក់របបដឹកនាំរបស់លោក ហ៊ុន សែន ទៅក្នុងការឃ្លាំមើលយ៉ាងដិតដល់ ក្នុងរយៈពេល៦ខែ មុននឹងឈានទៅសម្រេចព្យួរប្រទេសកម្ពុជា ចេញពីកម្មវិធីអនុគ្រោះពន្ធ ហៅថា «អ្វីៗទាំងអស់លើកលែងតែអាវុធ»។

សេចក្តីថ្លែងការណ៍នោះ បានសំដែង«ការសោកស្តាយយ៉ាងខ្លាំង» ចំពោះសេចក្ដីសម្រេចរបស់គណៈកម្មការអឺរ៉ុប និងចាត់ទុកសេចក្តីសម្រេចចិត្តនេះ ថាជារឿង«អយុត្តិធម៌ បំផុត»។

ក្រសួងការបរទេសកម្ពុជា បានពន្យល់ថា គណៈកម្មការអឺរ៉ុប មិនអើពើចំពោះវិធានការជាក់ស្តែង និងវឌ្ឍនភាព សំខាន់ៗជាច្រើន ដែលបានធ្វើឡើងដោយរបបដឹកនាំ របស់លោក ហ៊ុន សែន ក្នុងការប្រកាន់ខ្ជាប់ និងការប្តេជ្ញាចិត្តចំពោះអ្វីមួយ ដែលសេចក្ដីថ្លែងការណ៍នោះពន្យល់ថា ជាការអនុវត្តអនុសញ្ញាស្នូលទាំង១៥ របស់អង្គការសហប្រជាជាតិ និងអង្គការពលកម្មអន្តរជាតិ ដែលជាបុរេលក្ខខណ្ឌ ក្នុងការបន្តផ្តល់ ប្រព័ន្ធ អនុគ្រោះពន្ធ «EBA»។

របបក្រុងភ្នំពេញ បានចោទគណៈកម្មការអឺរ៉ុប ថាមិនបានធ្វើសកម្មភាព ដោយឈរលើគោលការណ៍ «ស្មោះត្រង់» និង «យុត្តិធម៌» ដោយសារតែគណៈកម្មការអឺរ៉ុប បាន«បិទភ្នែក» ចំពោះប្រទេសជាច្រើន ដែលទទួលនូវក្របខណ្ឌអនុគ្រោះពន្ធ របស់សហភាពអឺរ៉ុបដែរ តែមិនបានអនុវត្តពេញលេញ នូវអនុសញ្ញាអន្តរជាតិទាំងនោះឡើយ។

សេចក្ដីថ្លែងការណ៍ បានបន្តថា៖ 

«គណៈកម្មការអឺរ៉ុប បានចោទប្រកាន់ទៅលើភាពស្របច្បាប់ នៃការបោះឆ្នោតជ្រើសតាំងតំណាងរាស្ត្រកាលពីខែកក្កដា ឆ្នាំ២០១៨ ដោយឈរលើមូលដ្ឋានតែមួយគត់ គឺអវត្តមាននៃអតីតគណបក្សសង្គ្រោះជាតិ។ គណៈកម្មការអឺរ៉ុប មិនបានទទួលស្គាលគណបក្ស១៩​ផ្សេងទៀត ដែលបានប្រកួតប្រជែង ក្នុងការបោះឆ្នោត ដែលបានទទួល សំឡេងជិត១លាន៥សែន ឬស្មើនឹង ២៣% នៃសន្លឹកឆ្នោតបានការនោះទេ។ ការមិនទទួលស្គាល់នូវការពិតទាំង នេះ បានបង្ហាញយ៉ាងច្បាស់ នូវភាព”លំអៀងយ៉ាងគឃ្លើន” របស់គណៈកម្មការអឺរ៉ុប ក៏ដូចជាការមិនអើពើចំពោះម្ចាស់ឆ្នោត និងគណបក្សរបស់ពួកគេ ដែលបានចូលរួមក្នុងការបោះឆ្នោត ក៏ដូចជាសិទ្ធិ និងជម្រើសនយោបាយរបស់ ពួកគេ»៕



លំអិតបន្ថែមទៀត

កម្ពុជា

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» ...
កម្ពុជា

ហ៊ុន សែន បង្ហើបរឿង​«សម្ងាត់»​ថា ធ្លាប់ចរចា​ឲ្យថៃ​ប្រកាន់​ជំហរ​អព្យាក្រឹត្យ

នាយករដ្ឋមន្ត្រីដ៏ចាស់វស្សា​នៅកម្ពុជា លោក ហ៊ុន សែន បានអះអាងនៅថ្ងៃអង្គារទី២១ ខែឧសភានេះថា រូបលោក និងមន្ត្រីជំនិតរបស់លោក ធ្លាប់ចេញទៅប្រទេសថៃ តាមច្រកប៉ោយប៉ែតយ៉ាង«សម្ងាត់» ក្នុងខែកញ្ញា ឆ្នាំ១៩៨៩ ដើម្បីទៅជួបចរចាជាមួយមេទ័ពថៃ ...
កម្ពុជា

ហ៊ុន សែន នឹង​បង្ហាញខ្លួន ជា​សាធារណៈ​ឡើងវិញ នៅថ្ងៃស្អែក

បន្ទាប់ពីអវត្តមាន មិនឃើញលោក បង្ហាញខ្លួនជាសាធារណៈ អស់រយៈពេល​ជាច្រើន​សប្ដាហ៍ លោក ហ៊ុន សែន នឹង​បង្ហាញខ្លួន នៅចំពោះអ្នកផងឡើងវិញ នៅថ្ងៃចន្ទ ទី១ ខែមិថុនាស្អែក។ ប្រព័ន្ធឃោសនារបស់ក្រុងភ្នំពេញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...