កម្ពុជាដំណឹង

អ្នកវិភាគ​រំលឹក​ពីឃាតកម្ម​មិនសម​ហេតុផល​សម្លាប់ បណ្ឌិត កែម ឡី

រយៈពេលពីរឆ្នាំ​និង៨ខែ បានកន្លងទៅហើយ តែយុត្តិធម៌សម្រាប់លោក«បណ្ឌិត កែម ឡី» អ្នកធ្វើអត្ថាធិប្បាយនយោបាយដ៏ល្បីល្បាញ ដែលរងការបាញ់ប្រហារ នៅកណ្ដាលរាជធានីភ្នំពេញ ហាក់មិនទាន់ចេញ ជារូបរាងនៅឡើយ ដោយហេតុថា មានតែបុរស ជួប សម្លាប់ តែម្នាក់គត់ ដែលត្រូវបានចាប់ខ្លួន​និងផ្ដន្ទាទោស។

លោកបណ្ឌិត ឡៅ ម៉ុងហៃ អ្នកវិភាគឯករាជ្យបានរំលឹកពីករណី របស់លោក កែម ឡី នេះមកវិញ នៅមុននេះបន្តិច ដើម្បីអំពាវនាវទៅកាន់បណ្ដាជនទាំងឡាយ ដែលគោរពស្រឡាញ់លោក កែម ឡី ឲ្យស្វែងរកយុត្តិធម៌ជូនលោក។ លោក ឡៅ ម៉ុងហៃ បានរំលឹកពីភាពមិនសមហេតុផល នៃឃាតកម្មមួយនេះ ដែលត្រូវរបបក្រុងភ្នំពេញបានអះអាងថា បង្កឡើងដោយជនតែម្នាក់ ឈ្មោះ អឿង អាង ដាក់រហស្សនាម ជួប សម្លាប់។

នៅលើបណ្ដាញសង្គម អ្នកវិភាគវ័យចំណាស់បានរៀបរាប់ ពីភាពមិនសមហេតុផលជាច្រើននោះ ដូចការដកស្រង់ខាងក្រោមថា៖

«- អត់សមហេតុផលសោះថា កែម ឡី ជំពាក់លុយឃាតករគាត់ គឺ ជួប សម្លាប់ ៣០០០ដុល្លារ។»
«- អត់សមហេតុផលសោះថា ជួប សម្លាប់ ចំណាយលុយទៅទិញកាំភ្លើង ដែលមានតម្លៃដល់ទៅជាង៣០០០ដុល្លារ សម្រាប់ទៅបាញ់សម្លាប់ កែម ឡី ដើម្បីទារលុយ ៣០០០ដុល្លារ។»
«- អត់សមហេតុផងសោះថា ជួប សម្លាប់ ល្ងង់ដល់ទៅមិនដឹងថា មិនអាចទារលុយបានពីមនុស្សស្លាប់ ហើយបើបាញ់គេស្លាប់ នឹងជាប់គុកនោះទេ។»
«- អត់សមហេតុផលសោះ ពេលដែលឃើញគាត់ នៅ ស្តារម៉ាត ស្ថានីយចាក់សាំង កាល់តិចហើយ ម៉េចបានជា ជួប សម្លាប់ មិននិយាយទារលុយពី កែម ឡី ត្រង់ពីមុខទៅ បែរជាទៅលួចបាញ់គាត់ ពីក្រោយចំហៀងទៅវិញ?»

បណ្ឌិត កែម ឡី ត្រូវបានឃាតករ​​ឈាមត្រជាក់​​បាញ់សម្លាប់ កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅខណៈលោក កំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយចាក់ប្រេងឥន្ទនៈ កាល់តិច ស្ថិតនៅស្ដុបបូកគោ កណ្ដាលរាជធានីភ្នំពេញ។

លោក ឡៅ ម៉ុងហៃ បានអះអាងទៀតថា៖

«អត់ទាន់មានការពិត សច្ចៈថា លោកបណ្ឌិត កែម ឡី ជំពាក់លុយឃាតករ ជួប សម្លាប់ ៣០០០ដុល្លារនោះទេ។ មិនទាន់មានការពិត គឺមិនទាន់មានយុត្តិធម៌សម្រាប់គាត់នៅ​ឡើយទេ។»

នៅក្នុងសវនាការកាត់ទោសបុរស ជួប សម្លាប់ តុលាការមិនបានស្វែងរកអំណះអំណាង ដែលបញ្ជាក់ពីសំដីសារភាពរបស់ជននេះ ដែលអះអាងថា លោក កែម ឡី ជំពាក់លុយខ្លួន។ វីដេអូសុវត្ថិភាពមួយចំណិត បង្ហាញពីសកម្មភាពបាញ់ប្រហារ នៅក្នុងហាងលក់ទំនិញនោះ ត្រូវបានយកមកបញ្ចាំង នៅក្នុងសវនាការ តែរូបភាពមានសភាពព្រិល មិនអាចមើលដឹងថា តើជននោះពិតជាបុរស ជួប សម្លាប់ ឬយ៉ាងណាឡើយ។

តែការពិត ហាក់នៅឆ្ងាយនៅឡើយ ខណៈក្រុមគ្រួសារលោក កែម ឡី នៅតែបន្តទាមទារ ឲ្យស្វែងរកយុត្តិធម៌សម្រាប់រូបលោក។ ដូចលោក ឡៅ ម៉ុងហៃ បានបញ្ជាក់ថា៖

«កាលពីគាត់នៅរស់ លោកបណ្ឌិត កែម ឡី ជាអ្នកស្វែងរកការពិត និយាយការពិតនិងហ៊ាននិយាយការពិត ដ៏ឆ្នើមដាច់គេ។ តើអ្នកដែលដឹងការពិត អំពីឃាតកម្មលើរូបគាត់ ដោយផ្ទាល់ឬដោយប្រយោល អាចផ្តល់ការពិតនេះបានទេ?»៕



លំអិតបន្ថែមទៀត

កម្ពុជា

អ្នកកាសែត​ខ្មែរ​មួយក្រុម​បង្ហាញ​សាមគ្គីភាព​ជាមួយ អ៊ួន ឈិន-យាង សុធារិន

នៅមុនជំនួប «បាយសាមគ្គី» ជាមួយលោក ហ៊ុន សែន ក្រុមអ្នកសារព័ត៌មាន ប្រមាណជា៤០នាក់ មកពីស្ថាប័ន​ចម្រុះ​ បានចេញលិខិតចំហរមួយ ដើម្បី​ទទូចទៅ​តុលាការគ្រប់ជាន់ថ្នាក់ ឲ្យ​ទម្លាក់​ចោល​បទ​ចោទ​ប្រកាន់​ ទៅលើអតីតអ្នកយកព័ត៌មាន របស់វិទ្យុអាស៊ីសេរីពីររូប ...
កម្ពុជា

ឃុំខ្លួន​យុវជន​ម្នាក់ ព្រោះបង្ហោះ​សារ​លើ​ហ្វេសប៊ុក​ហៅ ហ៊ុន សែន ថា​«អា»

ចៅក្រមស៊ើបសួរ នៃសាលាដំបូងខេត្តស្វាយវៀង បាន«ឃុំខ្លួន​យុវជន​ម្នាក់» ដែលមានឈ្មោះ នៅលើបណ្ដាញសង្គម «គឹម បញ្ញា (Kim Panha)» ពីបទ​បានប្រមាថអង្គព្រះមហាក្សត្រ នៅលើគណនីហ្វេសប៊ុក​របស់ខ្លួន។ នេះ បើតាមដីកាបង្គាប់ឲ្យឃុំខ្លួន ...
កិច្ចសម្ភាស

សម្ភាស​ជនរង​គ្រោះ​ក្នុង​ថ្ងៃ​៣០​មិនា​១៩៩៧៖ ការឈឺចាប់ និង​យុត្តិធម៌

បើទោះបីជាព្រឹត្តិការណ៍គប់គ្រាប់បែក កាលពីថ្ងៃទី៣០ ខែមីនា ឆ្នាំ១៩៩៧ នៅមុខអតីត មន្ទីររដ្ឋសភា បានកន្លង​អស់​១៧ឆ្នាំហើយ ក៏មែនពិត តែ«ការឈឺចាប់ ការស្វែងរកយុត្តិធម៌ និងការបន្សល់ នូវស្នាមរបួស» នៅតែជាការចងចាំ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...