កម្ពុជាដំណឹង

ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ឆ្នាំ២០១៩ ដោយអះអាងថា ផ្ទាំងឈ្មោះប្រាសាទ ចំនួនប្រមាណជា២៥% នៃចំនួនសរុប ត្រូវបានធ្វើរួចរាល់ហើយ។

ផ្ទាំងស្លាកឈ្មោះប្រាសាទទាំងនោះ មានបង្ហាញជូន នូវព័ត៌មានសំខាន់ៗមួយចំនួន ពាក់ព័ន្ធនឹងប្រាសាទដូចជា ឈ្មោះប្រាសាទ អាយុកាលសាងសង់ប្រាសាទ ទិសច្រកចូលប្រាសាទ និងអមដោយស្លាកសញ្ញា (Logo) ចំនួន៤គឺ ស្លាកសញ្ញាអាជ្ញាធរជាតិអប្សរានៅចំកណ្តាលខាងលើឈ្មោះប្រាសាទ និងស្លាកសញ្ញា៣ផ្សេងទៀត ដែលនៅខាងក្រោមគឺ ស្លាកសញ្ញាយូណេស្កូ ស្លាកសញ្ញាបេតិកភណ្ឌពិភពលោក និងស្លាកសញ្ញាអនុសញ្ញាក្រុងឡាអេឆ្នាំ១៩៥៤ សម្រាប់ការការពារសម្បត្តិវប្បធម៌ ក្នុងគ្រាមានជម្លោះប្រដាប់អាវុធ។

សេចក្ដីប្រកាសព័ត៌មាន របស់អាជ្ញាធរអប្សរាបានបន្តថា ផ្ទាំងស្លាកសញ្ញាឈ្មោះប្រាសាទ ចំនួន​១១៨​ផ្ទាំង មាន៣ទំហំផ្សេងគ្នា ដោយគិតទៅតាមទីតាំងជាក់ស្តែង នៃច្រកចូលប្រាសាទដែលអាចដំឡើងបាន៖

  • ​ទំហំធំចំនួន ១៦ផ្ទាំង កម្ពស់១.៥០០មម X បណ្ដោយ ៩១៤មម X កម្រាស់៤៦៤មម។
  • ទំហំមធ្យមចំនួន ៥២ផ្ទាំង កម្ពស់១,២០០មម X បណ្ដោយ៧៣១មម X កម្រាស់៣៧១មម។
  • ទំហំតូចចំនួន ៥០ផ្ទាំង កម្ពស់១,០០០មម X បណ្ដោយ៦១៣មម X កម្រាស់៣១១មម។

លោក សុខ សង្វារ អគ្គនាយករងនៃអាជ្ញាធរអប្សរា ទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ ត្រូវបានស្រង់សំដីមកបញ្ជាក់ថា ចំនួនផ្ទាំងឈ្មោះទាំងនេះ មិនបានដំឡើងនៅគ្រប់ប្រាសាទទាំងអស់ ក្នុងតំបន់រមណីយដ្ឋានអង្គរឡើយ ដោយហេតុថា ប្រាសាទខ្លះមានទីតាំងនៅក្នុងព្រៃជ្រៅ មិនមានទីតាំងដាក់បាន។ លោកបន្តថា ចំពោះទីតាំងដែលតម្លើងស្លាកឈ្មោះប្រាសាទនេះ ត្រូវបានផ្ដោតទៅលើ៣ចំណុច (១) នៅក្បែរច្រកចូលទស្សនាប្រាសាទ (២) ទីតាំងងាយមើលឃើញរបស់ភ្ញៀវទេសចរ និង (៣) ទីតាំងដែលមិនប៉ះពាល់ ដល់ទិដ្ឋភាពប្រាសាទទាំងមូល។

អាជ្ញាធរជាតិបានបញ្ជាក់ថា ការដាក់ដាំនូវផ្ទាំងឈ្មោះប្រាសាទទាំងនេះ ធ្វើឡើងដើម្បីលើកកម្ពស់តំបន់រមណីយដ្ឋានអង្គរ និងស្របតាមអនុសាសន៍ណែនាំ របស់គណៈកម្មាធិការ «ICC-Angkor» ហើយសង្ឃឹមថា សមិទ្ធផលនេះនឹងជួយផ្ដល់ភាពងាយស្រួល និងបទពិសោធន៍ល្អសម្រាប់ភ្ញៀវទេសចរ ក្នុងការទស្សនាតំបន់អង្គរ៕

អាជ្ញាធរជាតិអប្សរាកំពុងរៀបចំដំឡើងផ្ទាំងឈ្មោះប្រាសាទជាង១០០ផ្ទាំង ដាក់តាមប្រាសាទនានាក្នុងរមណីយដ្ឋានអង្គរ …

Gepostet von អាជ្ញាធរជាតិអប្សរា Apsara Authority am Donnerstag, 14. Februar 2019


You may also like

ទិដ្ឋភាពខាងក្នុង នៃសណ្ឋាគារ «វីរតន៍» ក្នុងក្រុងសៀមរាប។ (រូបថតហ្វេសប៊ុកសណ្ឋាគារ)
កំសាន្ដ

សណ្ឋាគារ​«វីរតន៍»​នៅសៀមរាប ជាប់​លេខ១​ជាថ្មី ក្នុង​​ពិភពលោក​ឆ្នាំ២០២០

កម្រមានណាស់ សម្រាប់បណ្ដាសណ្ឋាគារទាំងឡាយ ដែលទទួលពិន្ទុ ៥/៥ ពីអតិថិជន​រាប់​ពាន់​​នាក់​របស់​ពួកគេ។ តែពិន្ទុនេះ ត្រូវបានអតិថិជន នៃសណ្ឋាគារ​«វីរតន៍» (Viroth’s Hotel) នៅ​ក្រុង​​សៀមរាប ផ្ដល់ជូន​គ្រឹះស្ថាន​មួយនេះ រហូតធ្វើឲ្យ«វីរតន៍»​ទទួលបាន​ចំណាត់​​ថ្នាក់​​លេខ១ ...
កម្ពុជា

នាវាទេសចរណ៍៥គ្រឿង វិល​មកភ្នំពេញ​វិញ បន្ទាប់ពី​វៀតណាម​មិនឲ្យ​ចុះចត

នាវាទេសចរណ៍៥គ្រឿង ដែលចុះបញ្ជីក្នុង​ប្រទេសកម្ពុជា បានវិលមកដល់កំពង់ផែភ្នំពេញវិញហើយ បន្ទាប់ពីត្រូវប្រទេសវៀតណាមបដិសេធ មិនអនុញ្ញាតឲ្យចូលចត។ នេះ បើតាមសេចក្ដីជូនដំណឹង របស់សាលាខេត្តកណ្ដាល ដែលអះអាងថា ការវិលត្រឡប់របស់នាវាទាំងនោះ មកដល់រាជធានីភ្នំពេញវិញ ក្រោយក្រុមមន្ត្រីរកមិនឃើញថា មានភ្ញៀវណាម្នាក់បានផ្ទុកមេរោគ ...
កម្ពុជា

រកឃើញ​«ចម្លាក់អណ្ដើក»​បុរាណ​មួយ ក្នុង​ប្រាសាទ​កណ្ដាល​ស្រះស្រង់

វាដូចជាលឿនពេក ក្នុងការបញ្ជាក់ពីប្រភព ឬពីអត្តសញ្ញាណ នៃ«ចម្លាក់អណ្ដើក»​បុរាណមួយ ដែល​ទើបនឹង​ត្រូវបាន​រកឃើញ នៅក្នុងកំណាយស្រាវជ្រាវ របស់ក្រុម​ការងារ​​ជួសជុល​ប្រាសាទ ដែលស្ថិតនៅ​កណ្តាល​ស្រះស្រង់ នៃរមណីយដ្ឋាន​វប្បធម៌​អង្គរ។ តែទំព័រហ្វេសប៊ុក របស់អាជ្ញាធរជាតិអប្សរា បានប្រកាសដំណឹង នៃការរកឃើញចម្លាក់ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...