• នៅរមណីយដ្ឋាន​អង្គរ អាជ្ញាធរ​អប្សរា​​បើក​«សារមន្ទីរ​ទាំង៣»​ឡើងវិញ

    ចាប់ពីថ្ងៃទី០១ ខែមិថុនា ឆ្នាំ២០២០​នេះតទៅ «សារមន្ទីរ​ទាំង៣»របស់អាជ្ញាធរជាតិអប្សរា នឹងបើកទ្វាឡើងវិញ ដើម្បីចូលទស្សនា ដោយមិនគិតថ្លៃ។ នេះ បើតាមសេចក្ដីជូនដំណឹង របស់ស្ថាប័នជាតិមួយនេះ ដែលចុះថ្ងៃខែ តាំងពីថ្ងៃព្រហស្បត្តិ៍ ទី២២ ខែឧសភា តែទើប​នឹង​ចេញផ្សាយ​ជាសាធារណៈ នៅថ្ងៃអាទិត្យនេះ។ សារមន្ទីរទាំង៣ ក្នុងរមណីយដ្ឋានអង្គរ ដែលគ្រប់គ្រង ដោយអាជ្ញាធរជាតិអប្សរា រួមមាន៖ (១) សារមន្ទីរព្រះនរោត្ដមសីហនុ – អង្គរ (២) សារមន្ទីរវាយនភណ្ឌ​ប្រពៃណី​អាស៊ី និង(៣) សារមន្ទីរឡេតានី។ បើតាមសេចក្ដីប្រកាស របស់អាជ្ញាធរជាតិមួយនេះ បានអះអាងថា ការប្រកាសបើក​សារមន្ទីរ​ទាំងបីទាំងវិញ ធ្វើឡើងដោយយោងតាមលិខិត របស់ក្រសួងសុខាភិបាល ...
  • រកឃើញ​«ចម្លាក់​អណ្ដើក»​​មួយ​ទៀត ក្នុង​កំណាយ​ប្រាសាទ​កណ្ដាល​ស្រះស្រង់

    ចម្លាក់​អណ្ដើក ធ្វើពីថ្មមួយទៀត ត្រូវបានកាយរកឃើញ នៅរសៀលថ្ងៃទី៨ ខែឧសភា ឆ្នាំ២០២០នេះ ដោយក្រុមអ្នកធ្វើកំណាយ ក្នុងការដ្ឋានជួសជុល​ប្រាសាទ ​កណ្ដាលស្រះស្រង់ នៃរមណីយដ្ឋានវប្បធម៌អង្គរ។ បើតាមអាជ្ញាធរជាតិអប្សរា ដែលបង្ហោះព័ត៌មាននេះ នៅលើបណ្ដាញសង្កម បានឲ្យដឹងថា ចម្លាក់អណ្ដើក ដែលទើបនឹងរកឃើញនេះ មានទំហំតូចជាអណ្ដើកមុនបន្តិច។ នៅជិតចម្លាក់អណ្ដើកទាំងនេះ ក្រុមការងារក៏បានរកឃើញ គ្រាប់ខ្វាតពណ៌ស (​Cristal ?)   ជាច្រើនគ្រាប់ និងត្រីសូល៍ចំនួន២ (១មានរូបពេញលេញ និងមួយទៀត មានត្រឹម​មួយ​បំណែក) នៅក្បែរនោះដែរ។ កាលពីថ្ងៃទី៤ ខែឧសភា ចម្លាក់អណ្ដើកមួយមុន ត្រូវបានកាយរកឃើញ ដោយចម្លាក់​ធ្វើ​អំពី​ថ្ម​មួយនេះ នៅមានសភាពស្អាត នៅរក្សាទម្រង់ដើម ...
  • រកឃើញ​«ចម្លាក់អណ្ដើក»​បុរាណ​មួយ ក្នុង​ប្រាសាទ​កណ្ដាល​ស្រះស្រង់

    វាដូចជាលឿនពេក ក្នុងការបញ្ជាក់ពីប្រភព ឬពីអត្តសញ្ញាណ នៃ«ចម្លាក់អណ្ដើក»​បុរាណមួយ ដែល​ទើបនឹង​ត្រូវបាន​រកឃើញ នៅក្នុងកំណាយស្រាវជ្រាវ របស់ក្រុម​ការងារ​​ជួសជុល​ប្រាសាទ ដែលស្ថិតនៅ​កណ្តាល​ស្រះស្រង់ នៃរមណីយដ្ឋាន​វប្បធម៌​អង្គរ។ តែទំព័រហ្វេសប៊ុក របស់អាជ្ញាធរជាតិអប្សរា បានប្រកាសដំណឹង នៃការរកឃើញចម្លាក់ ធ្វើពីថ្មមួយនេះ ដោយបញ្ជាក់ថា ដំណឹងខាងលើ ជាព័ត៌មានទាន់ហេតុការណ៍។ ទំព័រ​ហ្វេសប៊ុនោះ បាន​ត្រឹមសរសេរ ឲ្យដឹងថា៖ «ក្រុមការងារជួសជុលប្រាសាទ កណ្តាលស្រះស្រង់ បានប្រទះឃើញចម្លាក់ថ្មសត្វអណ្តើក នៅក្នុង​កំណាយស្រាវជ្រាវ។ អាជ្ញាធរជាតិអប្សរា នឹងផ្តល់ព័ត៌មាន​លំអិត​បន្ថែម នៅថ្ងៃស្អែក។» បុរាណវត្ថុជាច្រើន ត្រូវបានរកឃើញវត្ថុបុរាណជាច្រើន នៅក្នុងការដ្ឋាន​ជួសជុល​ប្រាសាទ នៅ​កណ្ដាល​ស្រះស្រង់ ក្នុងនោះមាន រូបចម្លាក់ត្រីសូល៍ធ្វើពីលោហៈ ចំនួន២ ដែលមួយ ...
  • ការជួសជុល​ប្រាសាទ​«អកយំ»​ជាលើក​ដំបូង មាន​រយៈពេល​ជិត១ឆ្នាំហើយ

    ប្រាសាទ«អកយំ» ដែលស្ថិតនៅលើខ្នងទំនប់ បារាយណ៍ខាងលិច បានទទួលការជួសជុល ជាលើកដំបូង មានរយៈពេល១ឆ្នាំហើយ ដោយឆ្លងកាត់ដំណាក់កាលជាច្រើន។ នេះ បើតាមការលើកឡើង របស់អាជ្ញាធរជាតិអប្សរា នៅមុននេះបន្តិច។ ដំណាក់កាលទី១ គឺបានសម្អាតប្រាសាទ ត្រួសត្រាយព្រៃ សម្អាតកំណកដី សម្រង់ប្លង់ជុំវិញប្រាសាទ និងពង្រឹងខឿនខាងត្បូង នៃប្រាង្គកណ្តាល។ ដំណាក់កាលទី២ ក្រុមការងារបន្តពង្រឹងប្រាង្គកណ្តាល ពង្រឹងនិងជួសជុលខឿនផ្នែកខាងត្បូង ខាងលិច ខាងកើត និងខាងជើង។ នៅផ្នែកខាងជើង ក្រុមការងារបានដំឡើងស៊ុមទ្វារ ដែលធ្វើពីថ្មភក់ ឱ្យឈរឡើងវិញ ដែលគេបានធ្វើបន្ថែម លើសំណង់ចាស់កាលពីសតវត្សទី១០ ឱ្យដូចដើម។ អាជ្ញាធរអប្សរា បានឱ្យដឹង​ទៀតថា បន្តពីនោះ ក្រុមការងារបានដកដើមពោធ៍ ...
  • ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

    ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ឆ្នាំ២០១៩ ដោយអះអាងថា ផ្ទាំងឈ្មោះប្រាសាទ ចំនួនប្រមាណជា២៥% នៃចំនួនសរុប ត្រូវបានធ្វើរួចរាល់ហើយ។ ផ្ទាំងស្លាកឈ្មោះប្រាសាទទាំងនោះ មានបង្ហាញជូន នូវព័ត៌មានសំខាន់ៗមួយចំនួន ពាក់ព័ន្ធនឹងប្រាសាទដូចជា ឈ្មោះប្រាសាទ អាយុកាលសាងសង់ប្រាសាទ ទិសច្រកចូលប្រាសាទ និងអមដោយស្លាកសញ្ញា (Logo) ចំនួន៤គឺ ស្លាកសញ្ញាអាជ្ញាធរជាតិអប្សរានៅចំកណ្តាលខាងលើឈ្មោះប្រាសាទ និងស្លាកសញ្ញា៣ផ្សេងទៀត ដែលនៅខាងក្រោមគឺ ស្លាកសញ្ញាយូណេស្កូ ស្លាកសញ្ញាបេតិកភណ្ឌពិភពលោក និងស្លាកសញ្ញាអនុសញ្ញាក្រុងឡាអេឆ្នាំ១៩៥៤ ...
  • ហង់ ពៅ ឡើងជា​ប្រធាន​អាជ្ញាធរ​អប្សរា​ខណៈ ស៊ុំ ម៉ាប់ ក្លាយជា​រដ្ឋលេខាធិការ

    លោក ហង់ ពៅ ដែលមានឋានៈ ជាអគ្គនាយករងអាជ្ញាធរជាតិអប្សរា ត្រូវបានតែងតាំង ឲ្យឡើងធ្វើជាអគ្គនាយក នៃស្ថាប័នមួយនេះ ដែលគ្រប់គ្រងលើតំបន់រមណីយដ្ឋានវប្បធម៌ អង្គរ។ នេះ បើតាមព្រះរាជក្រឹត្យរបស់ព្រះមហាក្សត្រ ដែលបានចុះព្រហស្ថលេខា នៅថ្ងៃទី២ ខែកុម្ភៈ និងធ្លាក់មកដល់ដៃអ្នកសារព័ត៌មាន នៅថ្ងៃនេះ។ លោក ហង់ ពៅ នឹងឡើងមកកាន់តំណែង ជាមេដឹកនាំអាជ្ញាធរអប្សរា ជំនួសលោក ស៊ុំ ម៉ាប់ ដែលត្រូវមកទទួលតួនាទីថ្មី ជារដ្ឋលេខាធិការក្រសួងវប្បធម៌ និងវិចិត្រសិល្បៈ។ ក្នុងព្រះរាជក្រិត្យដដែល បានត្រាស់បង្គាប់តែងតាំង លោក គឹម សុ​ធិ​ន និង​លោក យិ​ត ចាន់​ដារ​ដ្ឋ ...