កម្ពុជាដំណឹង

រកឃើញ​«ចម្លាក់អណ្ដើក»​បុរាណ​មួយ ក្នុង​ប្រាសាទ​កណ្ដាល​ស្រះស្រង់

វាដូចជាលឿនពេក ក្នុងការបញ្ជាក់ពីប្រភព ឬពីអត្តសញ្ញាណ នៃ«ចម្លាក់អណ្ដើក»​បុរាណមួយ ដែល​ទើបនឹង​ត្រូវបាន​រកឃើញ នៅក្នុងកំណាយស្រាវជ្រាវ របស់ក្រុម​ការងារ​​ជួសជុល​ប្រាសាទ ដែលស្ថិតនៅ​កណ្តាល​ស្រះស្រង់ នៃរមណីយដ្ឋាន​វប្បធម៌​អង្គរ។

តែទំព័រហ្វេសប៊ុក របស់អាជ្ញាធរជាតិអប្សរា បានប្រកាសដំណឹង នៃការរកឃើញចម្លាក់ ធ្វើពីថ្មមួយនេះ ដោយបញ្ជាក់ថា ដំណឹងខាងលើ ជាព័ត៌មានទាន់ហេតុការណ៍។ ទំព័រ​ហ្វេសប៊ុនោះ បាន​ត្រឹមសរសេរ ឲ្យដឹងថា៖

«ក្រុមការងារជួសជុលប្រាសាទ កណ្តាលស្រះស្រង់ បានប្រទះឃើញចម្លាក់ថ្មសត្វអណ្តើក នៅក្នុង​កំណាយស្រាវជ្រាវ។ អាជ្ញាធរជាតិអប្សរា នឹងផ្តល់ព័ត៌មាន​លំអិត​បន្ថែម នៅថ្ងៃស្អែក។»

ព័ត៌មានទាន់ហេតុការណ៍នៅថ្ងៃទី៦ ខែឧសភា ឆ្នាំ២០២០…

Gepostet von អាជ្ញាធរជាតិអប្សរា Apsara Authority am Mittwoch, 6. Mai 2020

បុរាណវត្ថុជាច្រើន ត្រូវបានរកឃើញវត្ថុបុរាណជាច្រើន នៅក្នុងការដ្ឋាន​ជួសជុល​ប្រាសាទ នៅ​កណ្ដាល​ស្រះស្រង់ ក្នុងនោះមាន រូបចម្លាក់ត្រីសូល៍ធ្វើពីលោហៈ ចំនួន២ ដែលមួយ នៅមានរូបរាងពេញលេញ និងមួយទៀត នៅសល់តែបំណែកចុងស្រួច មួយចំហៀង ព្រមទាំងបំណែកខ្វាតពណ៌ស (Cristal) ជាច្រើនគ្រាប់ និងបំណែកចម្លាក់ក្បាលនាគ ដ៏ធំមួយ ដែលកប់នៅក្នុងដី មួយផ្នែកធំនៅឡើយ។

ការប្រទះឃើញត្រីសូល៍ ចម្លាក់នាគ និងថ្មគ្រីស្តាល់នៅប្រាសាទកណ្តាលស្រះស្រង់ការដ្ឋានជួសជុលប្រាសាទកណ្ដាលស្រះស្រង់…

Gepostet von អាជ្ញាធរជាតិអប្សរា Apsara Authority am Montag, 4. Mai 2020

ប្រាសាទកណ្ដាលស្រះស្រង់ ដែលស្ថិតនៅមុខ​ខាងកើត ប្រាសាទបន្ទាយក្ដី កសាងឡើង​ក្នុង​រាជ្យព្រះបាទ ជ័យវរ្ម័នទី៧ នាសតវត្សរ៍ទី១២។ សំណង់ប្រាសាទ​នៅកណ្ដាលស្រះស្រង់នេះ ជា​តំណាងឱ្យភ្នំព្រះសុមេរុ។

អាជ្ញាធរជាតិអប្សរា បានអះអាងថា ខ្លួនបានជួសជុល ប្រាសាទកណ្ដាលស្រះស្រង់​ឡើងវិញ ដោយហេតុថា ប្រាសាទដ៏អស្ចារ្យ បានរងការបាក់បែក សឹងតែទាំងអស់ ដោយសារកត្តា​ធម្មជាតិ ហើយប្រាសាទនេះ​មានតម្លៃប្រវត្តិសាស្រ ដ៏ធំធេង និងទេសភាពវប្បធម៌ សម្រាប់ទេសចរណ៍៕



លំអិតបន្ថែមទៀត

កម្ពុជា

ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ...
កម្ពុជា

ហង់ ពៅ ឡើងជា​ប្រធាន​អាជ្ញាធរ​អប្សរា​ខណៈ ស៊ុំ ម៉ាប់ ក្លាយជា​រដ្ឋលេខាធិការ

លោក ហង់ ពៅ ដែលមានឋានៈ ជាអគ្គនាយករងអាជ្ញាធរជាតិអប្សរា ត្រូវបានតែងតាំង ឲ្យឡើងធ្វើជាអគ្គនាយក នៃស្ថាប័នមួយនេះ ដែលគ្រប់គ្រងលើតំបន់រមណីយដ្ឋានវប្បធម៌ អង្គរ។ នេះ បើតាមព្រះរាជក្រឹត្យរបស់ព្រះមហាក្សត្រ ដែលបានចុះព្រហស្ថលេខា ...
ប្រាសាទអង្គរវត្ត ក្នុងខេត្តសៀមរាប ប្រទេសកម្ពុជា។ (រូបថត ប៊ុន ណារុន)
កម្ពុជា

Covid-19៖ សម្រាប់​ក្រុម​អ្នក​ទេសចរណ៍​បរទេស «កម្ពុជាតូច តែឫកធំ»

ទេ! មិនមែន«កម្ពុជាតូច តែបេះដូងធំ» ដូចការឃោសនារបស់លោកនាយករដ្ឋមន្ត្រី ហ៊ុន សែន និងក្រុម​អ្នក​ហែហម​ទេ។ ហើយមន្ទិលក៏កើតមាន កាន់តែខ្លាំងដែរ នៅចំពោះ​ការប្រកាសរបស់លោក ថោង ខុន រដ្ឋមន្ត្រីទេសចរណ៍ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...