កម្ពុជាដំណឹង

ហង់ ពៅ ឡើងជា​ប្រធាន​អាជ្ញាធរ​អប្សរា​ខណៈ ស៊ុំ ម៉ាប់ ក្លាយជា​រដ្ឋលេខាធិការ

លោក ហង់ ពៅ ដែលមានឋានៈ ជាអគ្គនាយករងអាជ្ញាធរជាតិអប្សរា ត្រូវបានតែងតាំង ឲ្យឡើងធ្វើជាអគ្គនាយក នៃស្ថាប័នមួយនេះ ដែលគ្រប់គ្រងលើតំបន់រមណីយដ្ឋានវប្បធម៌ អង្គរ។ នេះ បើតាមព្រះរាជក្រឹត្យរបស់ព្រះមហាក្សត្រ ដែលបានចុះព្រហស្ថលេខា នៅថ្ងៃទី២ ខែកុម្ភៈ និងធ្លាក់មកដល់ដៃអ្នកសារព័ត៌មាន នៅថ្ងៃនេះ។

លោក ហង់ ពៅ នឹងឡើងមកកាន់តំណែង ជាមេដឹកនាំអាជ្ញាធរអប្សរា ជំនួសលោក ស៊ុំ ម៉ាប់ ដែលត្រូវមកទទួលតួនាទីថ្មី ជារដ្ឋលេខាធិការក្រសួងវប្បធម៌ និងវិចិត្រសិល្បៈ។

ក្នុងព្រះរាជក្រិត្យដដែល បានត្រាស់បង្គាប់តែងតាំង លោក គឹម សុ​ធិ​ន និង​លោក យិ​ត ចាន់​ដារ​ដ្ឋ ជា​អគ្គនាយករង​នៃ​អាជ្ញាធរ​ជាតិអប្សរា​ ដោយមានឋានៈ​ ស្មើ​អនុរដ្ឋលេខាធិការ​ផងដែរ។

លោក ស៊ុំ ម៉ាប់ បានចូលកាន់តំណែងជាអគ្គនាយក នៃអាជ្ញាធរជាតិអប្សរា នៅថ្ងៃទី២៦ ខែសីហា ឆ្នាំ២០១៥ ដែលកាលនោះ ស្ថិតក្រោមការគ្រប់គ្រង របស់ទីស្ដីការគណៈរដ្ឋមន្ត្រី ដែលមានលោក សុខ អាន ជារដ្ឋមន្ត្រី។ ប៉ុន្តែក្រោយមរណភាពរបស់លោក សុខ អាន អាជ្ញាធរជាតិមួយនេះ ត្រូវបានប្ដូរឲ្យមកនៅក្រោមបង្គាប់ របស់ក្រសួងវប្បធម៌ និងវិចិត្រសិល្បៈវិញ។

គួរបញ្ជាក់ដែរថា លោក ស៊ុំ ម៉ាប់ បានមកជំនួសលោក ប៊ុ​ន ណា​រិ​ទ្ធ ​​​ដែលត្រូវ​​ផ្លាស់​ចេញ​ទៅ​កាន់​តំណែង​ ជាសមាជិក​ក្រុមប្រឹក្សា​សេដ្ឋកិច្ច​ សង្គម វប្បធម៌​នៃ​ទីស្តីការគណៈរដ្ឋមន្ត្រី មាន​ឋានៈ​ស្មើនឹង​រដ្ឋមន្ត្រី​វិញ៕



លំអិតបន្ថែមទៀត

កម្ពុជា

ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ...
ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)
កម្ពុជា

នៅរមណីយដ្ឋាន​អង្គរ អាជ្ញាធរ​អប្សរា​​បើក​«សារមន្ទីរ​ទាំង៣»​ឡើងវិញ

ចាប់ពីថ្ងៃទី០១ ខែមិថុនា ឆ្នាំ២០២០​នេះតទៅ «សារមន្ទីរ​ទាំង៣»របស់អាជ្ញាធរជាតិអប្សរា នឹងបើកទ្វាឡើងវិញ ដើម្បីចូលទស្សនា ដោយមិនគិតថ្លៃ។ នេះ បើតាមសេចក្ដីជូនដំណឹង របស់ស្ថាប័នជាតិមួយនេះ ដែលចុះថ្ងៃខែ តាំងពីថ្ងៃព្រហស្បត្តិ៍ ទី២២ ...
កម្ពុជា

រកឃើញ​«ចម្លាក់​អណ្ដើក»​​មួយ​ទៀត ក្នុង​កំណាយ​ប្រាសាទ​កណ្ដាល​ស្រះស្រង់

ចម្លាក់​អណ្ដើក ធ្វើពីថ្មមួយទៀត ត្រូវបានកាយរកឃើញ នៅរសៀលថ្ងៃទី៨ ខែឧសភា ឆ្នាំ២០២០នេះ ដោយក្រុមអ្នកធ្វើកំណាយ ក្នុងការដ្ឋានជួសជុល​ប្រាសាទ ​កណ្ដាលស្រះស្រង់ នៃរមណីយដ្ឋានវប្បធម៌អង្គរ។ បើតាមអាជ្ញាធរជាតិអប្សរា ដែលបង្ហោះព័ត៌មាននេះ នៅលើបណ្ដាញសង្កម ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...