ដំណឹងបារាំង

«ទិដ្ឋភាព»ភ្លាមៗក្នុងព្រះវិហារ Notre-Dame បន្ទាប់ពីរងអគ្គិភ័យ

ព្រឹកថ្ងៃអង្គារនេះ បណ្ដាជននៅក្នុងរដ្ឋធានីប៉ារីស បានភ្ញាក់ពីដំណេក ជាមួយនឹងសុបិន្តដ៏អាក្រក់ ដែលកំពុងបន្តពន្យល់ ជាមួយនឹង«ទិដ្ឋភាព»ស្រស់ៗ នៅនឹងមុខនៅឡើយ។ នោះ គឺព្រះវិហារ «Notre-Dame» ដ៏ល្បី និងជាដួងព្រលឹង របស់ផងខ្លួន ត្រូវបានព្រះអគ្គិត្របាក់ ចាប់តាំងពីក្បាលព្រលប់ម្សិលម៉ិញ រហូតដល់យប់រំលងអាធ្រាត។

ខាងក្រោមនេះ ជាទិដ្ឋភាពភ្លាមៗ នៅខាងក្នុងព្រះវិហារ បន្ទាប់ពីអគ្គិភ័យ បានត្រូវពន្លត់អស់ជាស្ថាពរ កាលពីព្រហាមព្រឹកម៉ិញ។ 

ក្រុមអ្នកពន្លត់អគ្គិភ័យ បានអះអាងថា ភ្លើងបានរលត់រួចអស់ក្ដី តែពួកគេនៅបន្តរំពៃមើល នៅគ្រប់ច្រកល្ហកទាំងអស់ នៃព្រះវិហារ និងជាពិសេសត្រូវធ្វើយ៉ាងណា ឲ្យគ្រោងសំណង់នៃព្រះវិហារ ដែលធ្វើអំពីថ្ម ចុះត្រជាក់វិញ។

លោក «Gabriel Plus» អ្នកនាំពាក្យក្រុមអ្នកលត់អគ្គិភ័យ បានថ្លែងឲ្យដឹង ក្នុងព្រឹកនេះថា៖

«ភ្លើងត្រូវបានពន្លត់អស់ទាំងស្រុង (…) គ្រោងសំណង់នៃដំបូលព្រះវិហារ ដែលធ្វើអំពីឈើ ត្រូវបានបំផ្លាញអស់។ ផ្នែកមួយនៃធ្នឹមដំបូល ដែលធ្វើអំពីថ្ម បានរលំបាក់ ខណៈកំពូលស្រួច (ដែលមានលក្ខណៈជាព្រួញ) បានបាត់រូបរាង។»

មកដល់ម៉ោងនេះ អាជ្ញាធរបារាំងនៅតែគិតថា គ្រោះមហន្តរាយនេះ មានមូលហេតុចេញពីការដ្ឋានជុសជុលព្រះវិហារ ដែលកំពុងប្រព្រឹត្តិធ្វើ រាប់ចាប់ពីប៉ុន្មានខែមុន។

ក្ដីសង្ឃឹមដ៏ធំ ដែលបានវិលត្រឡប់ ចូលមកសណ្ឋិតក្នុងបេះដូងអ្នក ដែលស្រឡាញ់ព្រះវិហារមួយនេះ គឺគ្រោងសំណង់សំខាន់ៗ នៃព្រះវិហារ ដែលធ្វើអំពីថ្ម (ជញ្ជាំង សរសេរ ធ្នឹម…) ត្រូវបានសង្គ្រោះ ឲ្យនៅមានរូបរាងដូចដើម៕



លំអិតបន្ថែមទៀត

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
ដំណឹង

អគ្គិភ័យ Notre-Dame ៖ គ្រោងសំណង់​ធ្វើពីថ្ម ត្រូវបាន​សង្គ្រោះ​

នៅមុននេះបន្តិច មេដឹកនាំក្រុមអ្នកលត់ អគ្គិភ័យ បានប្រកាសថា កម្លាំងរបស់លោកសង្គ្រោះបានទាំងស្រុង នូវផ្នែកសំណងធ្វើពីថ្ម របស់ព្រះវិហារ «Notre-Dame» ដ៏ល្បីរបស់រដ្ឋធានីប៉ារីស។ ដោយឡែកផ្នែកដំបូលខាងលើ ដែលមានគ្រោងសំណង់ធ្វើពីឈើនោះ ត្រូវបានព្រះអគ្គិត្របាក់ខ្ទេចអស់។ ឧត្ដមសេនីយ៍ ...
ដំណឹង

ទិដ្ឋភាពកាំជ្រួចជ្វាលា អបអរឆ្នាំថ្មី ឆ្នាំ២០១៩ នៅរដ្ឋធានីប៉ារីស

បន្ទាប់ពីច្រើនសប្ដាហ៍ នៃរលកបាតុកម្ម របស់បណ្ដាជនអាវកាក់លឿង រដ្ឋធានីប៉ារីស នៅតែប្រារព្ធធ្វើជាធម្មតា នូវកម្មវិធីរបស់ខ្លួន ដើម្បីទទួលអំណរឆ្នាំថ្មី ឆ្នាំ២០១៩ ដូចដែលបាន​ព្រៀងទុក។ បណ្ដាជនប្រមាណជាង ២៥០ ០០០នាក់ ទាំងបារាំង ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.