ដំណឹងបារាំង

ធ្លាក់​យន្ដហោះ​«ពន្លត់​អគ្គិភ័យ»​ នៅ​ភាគ​ខាងត្បូង​បារាំង ស្លាប់​អ្នក​បើកបរ

ស្នងការដ្ឋានតំបន់ «Gard» (ភាគខាងត្បូង នៃប្រទេសបារាំង) បានអះអាងថា អ្នកបើកបរយន្ដហោះ«ពន្លត់​អគ្គិភ័យ»ម្នាក់ បានស្លាប់ ក្នុងខណៈខ្លួនកំពុងបំពេញភារកិច្ច តែបានជួបគ្រោះអកុសល ដោយយន្ដហោះរបស់ខ្លួន បានធ្លាក់បោកខ្លួន ផ្ទុះឆេះ។

សេចក្ដីប្រកាសព័ត៌មាន របស់ស្នងការដ្ឋានតំបន់ បានឲ្យដឹងថា ហេតុការណ៍នេះ កើតឡើងវេលាម៉ោង ១៧និង២០នាទី (ម៉ោងក្នុងប្រទេសបារាំង) ក្បាលព្រលប់ថ្ងៃសុក្រនេះ។ ស្នងការដ្ឋានបានបន្ថែមទៀតថា ការស៊ើបអង្កេតមួយ កំពុងប្រព្រឹត្តិទៅ និងស្ថិតក្រោមការដឹកនាំ របស់រដ្ឋអាជ្ញាជាតិ​ប្រចាំតំបន់ ដែលបានធ្វើដំណើរ ទៅកាន់កន្លែងកើតហេតុដោយផ្ទាល់។

រូបភាពផ្ដល់ដោយទូរទស្សន៍បារាំង បានបង្ហាញពីទិដ្ឋភាព នៃការធ្លាក់យន្ដហោះនោះ ដែលគ្របដណ្ដប់ដោយផ្សែងខ្មួលខ្មាញ់។ សាក្សីដែលបានឃើញហេតុការណ៍ ត្រូវបានស្រង់សំដីមកអះអាងថា មុនពេលយន្ដហោះធ្លាក់ គេបានឃើញផ្សែងខ្មៅ ហុយចេញពីយន្ដហោះ ដែលបានហោះ ព្យាយាមពន្លត់ភ្លើងឆេះព្រៃ នៅក្នុងតំបន់ និងបានហោះ នៅកំពស់មួយយ៉ាងទាប។

បើតាមក្បួតខ្នាតបច្ចេកទេស យន្ដហោះពន្លត់ភ្លើងឆេះព្រៃ មិនត្រូវបានអនុញ្ញាតឲ្យហោះ នៅកំពស់ទាបពេកទេ ព្រោះអាចបណ្ដាល​ឲ្យកម្ដៅព្រះអគ្គិ ឆាបឆេះដល់យន្ដហោះ៕



You may also like

កំសាន្ដ

នៅកាណាដា យន្ដហោះតូចមួយ បាន​ចុះចតជាបន្ទាន់… លើផ្លូវរថយន្ដ

បណ្ដាជនដែលបានឃើញហេតុការណ៍ នៅបន្តការហួសចិត្ត នៅឡើយ។ អ្នកបើកយន្ដហោះតូចមួយគ្រឿង ត្រូវបានបង្ខំចិត្តចុះចតជាបន្ទាន់… លើផ្លូវរថយន្ដ ដែលកំពុងមានចរាចរណ៍ យ៉ាងពេញទំហឹង នៅក្នុងតំបន់មួយ ស្ថិតនៅជាយក្រុង កេប៊េច (Québec) នៃប្រទេសកាណាដា ...
ដំណឹង

យន្ដហោះ«Boeing 737 MAX»នឹង«ហោះហើរ​ជាថ្មី»នៅអ៊ឺរ៉ុប

នៅសប្ដាហ៍ខាងមុខ ភ្នាក់ងារអ៊ឺរ៉ុបទទួលបន្ទុកសន្តិសុខ នៃការហោះហើរ ហៅកាត់ថា «EASA» នឹងអនុញ្ញាត​ឲ្យយន្ដហោះ «Boeing 737 MAX» ហោះហើរ​ជាថ្មី នៅក្នុងលំហរមេឃ នៃសហភាពអ៊ឺរ៉ុប បន្ទាប់ពីយន្ដហោះប្រភេទនេះ ...
ដំណឹង

យន្ដហោះ​«Boeing 737 MAX»​មួយ​ទៀត​ចុះចត​បន្ទាន់​ នៅ​អ័រឡេនដូ

យន្ដហោះប៊ូអីង (Boeing) ប្រភេទ «737 MAX» មួយគ្រឿង របស់ក្រុមហ៊ុនអាកាសចរណ៍ «Southwest» ដែលត្រូវហោះ ឆ្ពោះទៅកាន់រដ្ឋកាលីហ្វ័នី (ភាគខាងលិចអាមេរិក) ថ្ងៃអង្គារនេះ បានជួបបញ្ហា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...