កម្ពុជាដំណឹង

ចូល​ទៅដេក​ក្នុង​គម្រប​កង់​យន្ដហោះ ធ្លាក់ស្លាប់​​ពេល​យន្ដហោះ​ងើប​ខ្លួន​​ពីដី

ហេតុការណ៍ដ៏ភ្ញាក់ផ្អើលមួយ បានកើតឡើងកាលពីថ្ងៃទី៣១ ខែធ្នូ ឆ្នាំ២០១៨ម្សិលម៉ិញ បន្ទាប់ពីបុរសម្នាក់ ត្រូវបានរកឃើញធ្លាក់ ចេញយន្ដហោះ និងស្លាប់ភ្លាមៗ នៅខណៈ យន្ដហោះ បានហោះចេញ ពីព្រលានយន្ដហោះខេត្តសៀមរាប។ ការតាមដានរូបភាព នៅក្នុងកាម៉េរ៉ាសុវត្ថិភាព បានឲ្យដឹងថា បុរសរូបនេះបានឡើងទៅដេក នៅក្នុងគម្របកង់យន្ដហោះ។

ស្នង​ការ​រង​នគរបាល​ខេត្ត​សៀម​រាប​ ទទួល​បន្ទុក​ផ្នែក​​ព្រហ្ម​ទណ្ឌ លោក ​ភឹង ​ចិន្តាវេទ បានថ្លែងប្រាប់សារព័ត៌មានក្នុងស្រុកថា បុរសមិនស្គាល់អត្តសញ្ញាណខាងលើ ដែលអាជ្ញាធររកឃើញថា មានសតិមិនគ្រប់ បានហែករបងព្រលានយន្ដហោះ នៅម៉ោង​៥និង៣នាទី ព្រឹកថ្ងៃទី៣១ ខែធ្នូ ឆ្នាំ២០១៨ ហើយបានដើរកាត់ តាមយន្ដហោះ ប្រភេទ «Sky» ប្រភេទ «JC» មុននឹងដើរទៅដល់យន្ដហោះ ប្រភេទ «LanMei»។

នៅវេលាម៉ោង ១០ និង២០នាទី យន្ដហោះប្រភេទ «LanMei» បានហោះចេញពីព្រលាន និងបានងើបខ្លួនពីដី នៅកំពស់ប្រហែលជា៣០ម៉ែត្រ ស្រាប់តែបុរសខាងលើ ត្រូវបានមើលឃើញធ្លាក់ ចេញពីម្ដុំកង់យន្ដហោះ និងបានស្លាប់ភ្លាមៗ។ នេះបើតាមសាក្សី ដែលបានឃើញហេតុការណ៍នេះ ពីចំងាយប្រមាណជា ២០០ម៉ែត្រ និងដែលស្រង់សំដី ដោយក្រុមអាជ្ញាធរ។

អាជ្ញាធរខេត្តបានបញ្ជាក់ទៀតថា សាកសព​ជន​រង​គ្រោះ​ ដែលមានសភាពបាក់ដៃជើង និងរយះភ្លៅ ត្រូវ​បាន​គេ​ដឹក​ចេញ​ភ្លាម​ៗ ​យក​ទៅ​តម្កល់​ទុក​ នៅ​ក្នុង​មន្ទីរពេទ្យ​បង្អែក​ខេត្តសៀមរាប និងរង់ចាំស្វែងរកញាតិសន្ដាន​។ ​រីឯយន្ត​ហោះខាងលើ ​មិន​បានត្រឡប់​មកចុះ​ចត​វិញ​ឡើយ​ តែបានបន្ត​ហោះ​ហើរ រហូតដល់គោលដៅ។​

ហេតុការណ៍ខាងលើ បានបង្កឲ្យមានមន្ទិល ទាក់ទងនឹងសុវត្ថិភាព នៃព្រលានយន្ដហោះកម្ពុជា បើគ្រាន់តែមនុស្ស ដែលមានសតិមិនគ្រប់ម្នាក់ ក៏អាចហែករបង ចូលទៅដើរកំសាន្ដ ចេញពីយន្ដហោះមួយ ទៅកាន់យន្ដហោះមួយយ៉ាងនេះ។

តាមខ្ញុំយល់ព្រត។ព្រឹត្តិការណ៌មនុស្សលួចចូលទៅដេកក្នុងគំរបកង់យន្តហោះហេីយធ្លាក់ស្លាប់នោះមិនមែនជារឿងធម្មតាទេ។…

Gepostet von Meas Nee am Dienstag, 1. Januar 2019

ឆ្លើយតប នឹងសំនួរអ្នកសារព័ត៌មាន ដែលចង់ដឹងថា តើ​ខាង​ព្រលាន​យន្តហោះ​ មាន​​ការ​ត្រួត​ពិនិត្យយន្ដហោះ​ជាមុន​ នៅមុន​ធ្វើ​ការ​ហោះ​ហើរ​ដែរឬទេ លោកស្នងការរង ភឹង ចិន្តាវេទ បានអះអាងថា មានការ​ត្រួត​ពិនិត្យ ​ប៉ុន្តែ​រក​មិន​ឃើញថា មាន​មនុស្សទេ ​ព្រោះ​ជន​រងគ្រោះ​ទំនង​ដេក ​ក្នុង​គម្រប​កង់​យន្តហោះ៕ 



You may also like

ដំណឹង

យន្ដហោះ​«ទម្លាក់​កង់មុខ​មិនបាន» តែបាន​ចុះចត​ដោយ​សុវត្ថិភាព

មិនមែនជាការរអាក់រអួលធម្មតាទេ តែវាជាបញ្ហា នៃកង់យន្ដហោះខាងមុខ ដែលមិនរលាស់ ចេញពីតួយន្ដហោះទាល់តែសោះ នៅពេលយន្ដហោះហៀបចុះចត។ ទោះជា«ទម្លាក់​កង់មុខ​មិនបាន» ក៏អ្នកបើកបរយន្ដហោះ បានសម្រេច ធ្វើការចុះចតយន្ដហោះរបស់ខ្លួន ដោយសុវត្ថិភាព នៅព្រលានយន្ដហោះ «Mandalay» ...
ដំណឹង

យន្ដហោះឯកជន ដែលកីឡាករ សាឡា ជិះបានបាត់ខ្លួនលើសមុទ្រ

ក្នុងយប់ថ្ងៃចន្ទម្សិលម៉ិញ ម៉ោងប្រមាណជា ២០ ប្រព័ន្ធត្រួតពិនិត្យផ្លូវអាកាស បានបាត់ដំណឹងសូន្យឈឹង​ពី យន្ដហោះឯកជន មួយដែលដឹក ខ្សែប្រយុទ្ធថ្មីថ្មោងម្នាក់ របស់ក្រុម កាឌីហ្វស៊ីធី  (Cardiff City – ...
របាយការណ៍

ភាពខ្ជីខ្ជារបស់កងទ័ពម៉ាឡេស៊ី រួមចំណែកក្នុងការបាត់យន្ដហោះ MH370

ការបាត់ខ្លួន យ៉ាងអាថ៌កំបាំងនៃយន្ដហោះ «MH370» របស់ក្រុមហ៊ុនអាកាសចរណ៍ ម៉ាឡេស៊ី​អ៊ែរឡាញ (Malaysia Airlines) កាលពីខែមិនា ឆ្នាំ២០១៤ មានចំណែកទទួលខុសត្រូវមួយភាគ ពីកងទ័ពម៉ាឡេស៊ី។ នេះ បើតាមការស្រាវជ្រាវមួយ ...

Comments are closed.

កម្ពុជា

ក្រុងភ្នំពេញដេញ​អ្នកកាសែតចិនម្នាក់ ព្រោះផ្សាយ​ថា កម្ពុជាលក់វ៉ាក់សាំង

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...