កំសាន្ដដំណឹងសំណើច កំប្លែង

«តម្រង់​ជួរ និង​បញ្ហា» សំណើច​ខ្លី

នៅក្រោមការធ្លាក់ព្រិល និងសីតណ្ហភាព -១៥អង្សា នៃសិសិររដូវ កណ្ដាលរដ្ឋធានីម៉ូស្គូ នៃសហភាពសាធារណរដ្ឋ​សង្គមនិយម​សូវៀត ក្នុងឆ្នាំ១៩៩០ បុរសម្នាក់ដែលកំពុងឈរ«តម្រង់​ជួរ» ដើម្បីទិញនំប័ង បានសំដែងការធុញទ្រាន់ មុននឹងរអ៊ូទៅកាន់បុរសអ្នកជិតខាង ដែលឈរនៅខាងក្រោយខ្លួន៖

– ខ្ញុំឈរនៅទីនេះ តាំងពីមួយម៉ោងហើយ… តែមិនឃើញកម្រើកអី ប៉ុន្មានសោះ!

មួយសន្ទុះក្រោយមក បុរសរូបនោះ បាននិយាយទៀតថា៖

– តើអ្នកឯងអាចជួយមើលកន្លែងរបស់ខ្ញុំ ជំនួសខ្ញុំមួយភ្លែតបានឬទេ?

– អូ អ្នកឯងត្រូវការ ទៅដោះទុក្ខឬ?

– មិនមែនទេ! ខ្ញុំចង់ទៅទាត់សមមិត្តអគ្គលេខាមជ្ឈឹមបក្សមួយជើង ព្រោះគ្រាន់តែបញ្ហានំប័ងមួយ ដោះស្រាយមិនចេញ។

បុរសបានដើរចេញទៅ… តែប៉ុន្មាននាទី​ក្រោយមក បុរសបានត្រឡប់មកវិញ ជាមួយទឹកមុខមាំ។ បុរសអ្នកជិតខាង បានសួរឡើងថា៖

– យ៉ាងម៉េចទៅ បានទាត់សមមិត្តអគ្គលេខារួចហើយ មែនទេ? ប្រហែលជាអ្នកឯង បានធូរចិត្តហើយ។

– ទេ ខ្ញុំកាន់តែមួរម៉ៅ…

– ហេតុអ្វី? ព្រោះមាននគរបាល នៅឈរយាមជុំវិញ និងហាមមិនឲ្យអ្នកឯង ចូលទៅទាត់សមមិត្តអគ្គលេខាឬ?

– ទេ! ខ្ញុំកាន់តែមួរម៉ៅ ព្រោះនៅខាងមុខការិយាល័យ របស់សមមិត្តអគ្គលេខា មានការតម្រង់ជួរ រង់ចាំចូលទាត់សមមិត្តអគ្គលេខា វែងជាងនេះ១០ដង!

– … !!!



លំអិតបន្ថែមទៀត

ដំណឹង

រុស្ស៊ី៖ ឧទ្ធម្ភាគចក្រ​យោធា​មួយ​គ្រឿង​ធ្លាក់បោកខ្លួន ស្លាប់​ទាំងអស់

ឧទ្ធម្ភាគចក្រមួយគ្រឿង របស់យោធារុស្ស៊ី បានធ្លាក់បោកខ្លួន នៅក្បែររដ្ឋធានីមូស្គូ បង្កឲ្យមនុស្សជិះ​នៅក្នុងនោះ ស្លាប់​ទាំងអស់ តែមិនដឹងថា មានចំនួនប៉ុន្មាននាក់ នោះទេ។ ឧទ្ធម្ភាគចក្រនោះ ជាប្រភេទ «Mi-8» របស់កងទ័ពរុស្ស៊ី។ ...
កីឡា និងបច្ចេកវិទ្យា

ក្រុម«Anonymous»​ពង្រីក​«សង្គ្រាម​លើអ៊ិនធើណិត»​ប្រឆាំងរ៉ុស្ស៊ី

តាំងពីថ្ងៃដំបូង នៃសង្គ្រាមឈ្លានពានអ៊ុយក្រែន ដោយកងទ័ពរ៉ុស្ស៊ី ក្រុម«Anonymous»​បានប្រកាស​«សង្គ្រាម​លើអ៊ិនធើណិត» ហើយរហូតមកដល់ថ្ងៃនេះ ក្រុម«Hacker»ដែលអះអាងដោយខ្លួនឯង អំពីបុព្វហេតុ«សេរីភាព» កំពុងបង្កើនសកម្មភាពរបស់ខ្លួន កាន់តែច្រើនឡើងប្រឆាំងផលប្រយោជន៍រ៉ុស្ស៊ី និងលោក​ប្រធានាធិបតី វ្លាឌីមៀរ ពូទីន (Vladimir ...
កំសាន្ដ

«អ្នកក្លាហានតែមួយ» សំណើច

បុរសៗខ្លាចប្រពន្ធជាច្រើន បានមកជួបជុំគ្នាដើម្បីបង្កើតជា សមាគមជួយទ្រទ្រង់អ្នកខ្លាចប្រពន្ធ។ នៅដំណាក់កាល ចុងក្រោយ បុរសទាំងនោះ​ត្រូវការតែងតាំងមនុស្សម្នាក់ ដើម្បីធ្វើជាប្រធានដឹកនាំសមាគមនោះ។ ប្រធានសមាគម ត្រូវតែជាមនុស្សនឹងធឹង មិនចេះខ្លាចប្រពន្ធផ្ដេសផ្ដាស។ តែក្នុងចំណោមមនុស្សប្រុស ដែលមកចូលរួម​ទាំងនេះ គ្មាននរណាម្នាក់​ក្លាហានចេញមុខ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...