កំសាន្ដសំណើច កំប្លែង

«សំដី​ឲ្យ​ប្រផ្នូល របស់​កូនស្រី» សំណើចខ្លី

ជាទម្លាប់​នៅវេលាយប់ឡើង លោកឪពុកតែងចូលទៅនិទានរឿង ឲ្យកូនស្រីតូច​របស់ខ្លួន នៅមុនកុមារីអាយុ៣ឆ្នាំរូបនេះ លង់លក់ក្នុងដំណេក។ ហើយក៏ជាទម្លាប់ដែរ ដែលកុមារីតែងបន់ស្រន់ និងជូនពរមនុស្ស នៅក្នុងគ្រួសារខ្លួន នៅមុនលោកឪពុក ចាកចេញពីបន្ទប់។ យប់នេះ កូនស្រីតូច បានថ្លែងបន់ស្រន់ និងជូនពរ នូវពាក្យមួយឃ្លាថា៖

– សូមព្រះជាម្ចាស់ ការពារថែរក្សាម្ដាយខ្ញុំ ឪពុកខ្ញុំ លោកយាយខ្ញុំ។ តែសូមជម្រាបលា លោកតា។

លោកឪពុកសួរឡើង៖

– ហេតុអ្វី ក៏កូននិយាយលាលោកតា?

នាងតូចឆ្លើយថា៖

– កូនមិនដឹងទេ… តែវាដូចជាមានតែពាក្យហ្នឹង ដែលកូនត្រូវនិយាយ។

លុះស្អែកព្រឹកឡើង ជីតានាងបានលាចាកលោក។ លោកឪពុកឆ្ងល់យ៉ាងខ្លាំង នឹងពាក្យជូនពររបស់កូនស្រីខ្លួន ដែលដូចជាគាប់ជួនពេកណាស់។ នៅប៉ុន្មានខែក្រោយមក នៅមុនពេលឪពុកចាកចេញពីបន្ទប់ កូនស្រីតូចបានបន្លឺពាក្យបន់ស្រន់ និងជូនពរទៀតថា៖

– សូមព្រះជាម្ចាស់ ការពារថែរក្សាម្ដាយខ្ញុំ ឪពុកខ្ញុំ។ តែសូមជម្រាបលា លោកយាយ។

លុះស្អែកព្រឹកឡើង ជីដូននាងក៏បានលាចាកលោក ដូចជីតានាង កាលពីពេលមុនដែរ។ លោកឪពុកមិនឆ្ងល់ទៀតទេ តែជឿជាក់ច្បាស់ ថាកូនខ្លួនពិតជាមានវិញ្ញាណទី៦ ដែលអាចដឹង​ហេតុការណ៍​ដ៏អកុសល ជាមុនដូច្នេះបាន។ នៅប៉ុន្មានសប្ដាហ៍ក្រោយមក កូនស្រីបានថ្លែងបន់ស្រន់ នៅចំពោះឪពុកនាង នៅពេលយប់មុនគេងថា៖

– សូមព្រះជាម្ចាស់ ការពារថែរក្សាម្ដាយខ្ញុំ។ តែសូមជម្រាបលា លោកឪពុក។

លោកឪពុកញ័រខ្លួនចំប្រប់! យប់នេះ បុរសគេងមិនលក់ទាល់តែសោះ និងបានងើបទៅធ្វើការ តាំងពីព្រហាម។ លោកឪពុកមានចិត្តមិនស្ងប់ទេ ហើយសម្លឹងមើលនាឡិកា មិនលួសពេល។ បន្ទាប់ពី ពីអង្គុយនៅក្នុងការិយាល័យខ្លួន រហូតដល់ពាក់កណ្ដាលអាធ្រាត និងឃើញថា ខ្លួនមានជីវិតនៅឡើយនោះ បុរសយើងបានសម្រេចចិត្ត វិលត្រឡប់ទៅផ្ទះវិញ។

មកដល់ផ្ទះ នាងជាភរិយា បានចោទសួរទៅកាន់បុរសថា៖

– ជាលើកទីមួយហើយ ដែលបងឯងត្រឡប់ចូលផ្ទះវិញ យប់យ៉ាងនេះ។ តើមានរឿងអ្វីឬ?

– មួយជីវិតនេះ ទើបតែមានថ្ងៃនេះមួយទេ ដែលជាថ្ងៃអាក្រក់បំផុត… តែឈប់និយាយទៅ។

ស្ត្រីម្ដាយនាងតូច បានតបទៅស្វាមីខ្លួនថា៖

– អូ… បងឯងជួបរឿងអាក្រក់ឬ? តែបងឯង មិនបានដឹងពីរឿងរ៉ាវ ដែលកើតឡើង ចំពោះខ្ញុំទេ។ ព្រឹកម៉ិញនេះ អ្នកបើកឡានឲ្យយើង បានស្លាប់ហើយ នៅមុនពេលដឹកជូនខ្ញុំ ទៅផ្សារ



លំអិតបន្ថែមទៀត

កំសាន្ដ

«រូប​ក្នុង​គំនូរ​នេះ កាន់​តែ​អាក្រក់…» សំណើច​ខ្លី

បុរសម្នាក់កំពុងទស្សនា រូបគំនូរជាច្រើន នៅក្នុងសារមន្ទីរមួយ។ ដើរមើលមួយសន្ទុះ បុរសរូបនេះបានងាក ទៅរក​មគ្គុទ្ទេសក៍​សារមន្ទីរ រួចឧទានឡើងថា៖ – រូបនៅក្នុងគំនូរនេះ អាក្រក់ណាស់! លោកច្បាស់ជាគិត ដូចខ្ញុំហើយ… – ...
កំសាន្ដ

«ប្រពន្ធ​អញ​កើត​ អេដស៍ !» សំណើចខ្លី

ពីរនាក់​ប្ដី​ប្រពន្ធ​ជា​អ្នក​ជំងឺ​ អេដស៍ តែពួក​គេ​ស្រលាញ់​គ្នា​ រស់នៅ រកស៊ី​មានលុយ​មាន​កាក់ ​មាន​ផ្ទះ​សម្បែង​ធំ​គួរ​សម។​ ថ្ងៃ​មួយ ​ចោរ​ស្លៀក​លីអូម្នាក់ បានចូល​មក​ប្លន់ ​ហើយ​ឃើញ​នាង​ជា​ប្រពន្ធ​ស្អាត ក៏​ចូល​ទៅ​ចាប់​រំលោភ។ ​ពេល​នោះ​ បុរស​ជា​ប្ដី​ចេញ​មក​ទាន់​ ...
កំសាន្ដ

គ្រូពេទ្យ និងអ្នកជំងឺ (វគ្គទី៤) សំណើចខ្លី

[ វគ្គទី៤ ] ក្នុងការរងចាំ ជួបពិគ្រោះជាមួយគ្រូពេទ្យ អ្នកជំងឺពីរនាក់ ជជែកគ្នា ៖ – ក្នុងពេលទៅជួបជាមួយគ្រូពេទ្យដំបូងៗ គ្រូពេទ្យចេះតែសួរថា តើព្រឹកម៉ិញញ៉ាំអាហារអី? ខ្ញុំមើលទៅដូចជាមិនទាក់ទងអី ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

បវរកញ្ញាចក្រវាឡ កូនកាត់​ថៃ-កាណាដា បរិហារ​រដ្ឋាភិបាលថៃ​ថា«កំសាក»

កំសាន្ដ

ភរិយា ហ៊ុន សែន ហាមស្វាមីស្លៀក​«ខោខ្លី»​ទៅហាត់ប្រាណ

អ្នកស្រី ប៊ុន រ៉ានី បានហាមលោក ហ៊ុន សែន ដែលជាស្វាមី កុំឲ្យស្លៀក«ខោខ្លី»ទៅហាត់ប្រាណ។ នេះ បើតាម​ការបង្ហើប​ឲ្យដឹង ពីសំណាក់លោក ហ៊ុន សែន ...
កំសាន្ដ

បុណ្យ១៤កក្កដា៖ ទស្សនីយភាព​នៃកាំជ្រួចជ្វាលា ពីតួរអេហ្វែល

ពីតួរអេហ្វែល (La Tour Eiffel) រដ្ឋធានីប៉ារីស ទស្សនីយភាពនៃកាំជ្រួចជ្វាលា មានសភាពធំហ៊ឹកហាក់ណាស់ ដើម្បីអបអរបុណ្យជាតិបារាំង ថ្ងៃ​«១៤កក្កដា»។ កម្មវិធីនេះ​ចាប់ផ្ដើម​ពីម៉ោង២៣ យប់ថ្ងៃទី១៤ ខែកក្កដា ឆ្នាំ២០២១ ...