នគរ ស្ថាបត្យកម្មវប្បធម៌ និងជីវិត

ស្ពាន​«ប្រវែង​៣៦គីឡូម៉ែត្រ» ពីក្នុង​ចំណោម​ស្ពានវែង​បំផុត ទើប​​បង្ហាញរាង

កាលពីថ្ងៃពុធ ប្រទេសកូវ៉េត ទើបនឹងសម្ពោធស្ពានមួយ ប្រវែង​៣៦គីឡូម៉ែត្រ នៅលើ​ឈូងសមុទ្រ ហ្គោល។ បើមើលតាមប្រវែងរបស់វា ស្ពានថ្មីនេះ ស្ថិតក្នុងចំណោមស្ពានដ៏វែងជាងគេបំផុត នៅលើពិភពលោក។

ស្ពានឈ្មោះ «Jaber» ដែលឧទ្ធឹសដល់ព្រះអង្គម្ចាស់ «Jaber al-Ahmad Al-Sabah» ភ្ជាប់រដ្ឋធានីនៃប្រទេសកូវ៉េត ទៅកាន់ក្រុង «Subbiya» ដែលស្ថិតនៅភាគខាងជើងប្រទេស។ ទីនោះនឹងត្រូវក្លាយជា តំបន់សេដ្ឋកិច្ចពិសេសមួយ ដោយសារស្ថានភាពភូមិសាស្ត្រ នៅក្បែរ​ទាំងព្រំដែនទឹក និងទាំងព្រំដែនគោក នៃប្រទេសអៀរ៉ាក់ និងអៀរ៉ង់។

តំបន់សេដ្ឋកិច្ចពិសេសថ្មីនេះ មានឈ្មោះថា «Silk City» ជាលំហពាណិជ្ជកម្មសេរី រវាងអាស៊ីកណ្ដាល និងអ៊ឺរ៉ុប។ បើតាមរដ្ឋាភិបាលកូវ៉េត បានឲ្យដឹងថា ដើម្បីឲ្យគម្រោងនេះ ចេញជារូបរាង គេត្រូវការប្រាក់វិនិយោគ ប្រមាណជាង១០០ពាន់លានដុល្លារ។

ព្រះអង្គម្ចាស់ «Sabah al-Ahmad Al-Sabah» នៃប្រទេសកូវ៉េត បានធ្វើជាអធិបតីនៃពិធីសម្ភោធស្ពានខាងលើ ដោយមានការចូលរួម ពីនាយករដ្ឋមន្ត្រី​កូរ៉េខាងត្បូង លោក លី ណាកយ៉ុង (Lee Nak-Yeon) និងប្រធានព្រឹទ្ធសភាបារាំង លោក ហ្សេរ៉ា ឡាឆេរ (Gérard Larcher) នោះផង។

គឺក្រុមហ៊ុនបារាំង ឈ្មោះ «SYSTRA» ជាអ្នកបង្កើតគម្រោងស្ពាន «Jaber» នេះឡើង ខណៈក្រុមសាងសង់ គឺសហគ្រាសកូរ៉េ ឈ្មោះ «Hyundai Engineering and Construction» ដែលត្រូវការពេល រាប់ពីដើមដំបូង រហូតដល់ពេលបញ្ចប់ការសាងសង់ មានរយៈពេលសរុប ៥ឆ្នាំ។ 

តម្លៃសាងសង់ស្ពានដ៏វែងនេះ មានប្រមាណជា ៣,៦ពាន់លានដុល្លារ ដែលត្រូវជា ៣,២ពាន់​លានអ៊ឺរ៉ូ​៕



You may also like

កម្ពុជា

សកម្មជន​បរិស្ថាន​បបួល​រដ្ឋមន្ត្រី​បីរូប​ចុះ​ងូតទឹក​សមុទ្រ នៅក្រុង​ព្រះសីហនុ

រដ្ឋមន្ត្រីចំនួនពីររូប និងអភិបាលខេត្តមួយរូប ត្រូវបានសកម្មជនបរិស្ថាន យុវជន ថុន រដ្ឋា មកពីអង្គការមាតាធម្មជាតិ បបួលឲ្យចុះងូតទឹក នៅក្នុងតំបន់ឆ្នេរសមុទ្រ នៅក្នុងខេត្តព្រះសីហនុ បន្ទាប់ពីយុវជនរូបនេះ បានយកទឹកដែលបង្ហូរចូលសមុទ្រ ទៅធ្វើការពិសោធន៍ ...
កម្ពុជា

ខ្លីៗ​ពីបារាំង៖ ចិនបោះទុន​សង់​ច្រើនជាងគេ​នៅ​កម្ពុជា មុន​វិបត្តិ​«Covid-19»

ការវិនិយោគផ្ទាល់ពីបរទេស «FDI /IDF» ក្នុងវិស័យអចលនទ្រព្យ នៅប្រទេសកម្ពុជា មុន​វិបត្តិ​«Covid-19» ត្រូវបានកត់សម្គាល់ ដោយការវិនិយោគរបស់ចិន ដែលមាន​ទំហំ​ធំ​ជាងគេ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៨ របស់ក្រសួងសេដ្ឋកិច្ច ...
កម្ពុជា

អ្នកវិភាគថា អ្នក​ដែលត្រូវ​លាលែង​មុនគេ​គឺ ហ៊ុន សែន និង ជា សុផារ៉ា

តើក្នុងហេតុការណ៍រលំស្រុតអគារចិន នៅខេត្តព្រះសីហនុ មានតែមន្ត្រីជាន់ខ្ពស់ពីររូបទេឬ ដែលត្រូវទទួលខុសត្រូវ? សម្រាប់លោក គីម សុខ អ្នកវិភាគនយោបាយ និងសង្គម បានពន្យល់ថា អ្នកដែលទទួលខុសត្រូវ «ធំជាងគេ» គឺលោកនាយករដ្ឋមន្ត្រី ...

Comments are closed.

នគរ ស្ថាបត្យកម្ម

ព្រលានបុរាណ នៃក្រុង«Vérone» ភាគខាងជើង​អ៊ីតាលី

នគរ ស្ថាបត្យកម្ម

គេហដ្ឋាន​ស្ថាបត្យករ​ វណ្ណ ម៉ូលីវណ្ណ នៅ​ភ្នំពេញ ដាក់លក់​ថ្លៃ«៧លាន​ដុល្លារ»

គេហដ្ឋានឯកជន របស់ស្ថាបត្យករលោក វណ្ណ ម៉ូលីវណ្ណ ដែលអ្នកផងដាក់ឈ្មោះថា ជាបីតា​ស្ថាបត្យកម្មកម្ពុជា ត្រូវបានដាក់លក់ ក្នុងតម្លៃ«៧លាន​ដុល្លារ»អាមេរិក ដោយ​ក្រុមហ៊ុន​​អចលនទ្រព្យមួយ ឈ្មោះ «IPS Cambodia»។ លំនៅដ្ឋានមួយនេះ ...
ទិដ្ឋភាពមួយ នៃទឹកជំនន់ដោយសារទឹកភ្លៀង នៅកណ្ដាលរាជធានី ភ្នំពេញ កាលពីថ្ងៃទី២០ ខែកញ្ញា ឆ្នាំ២០១៧។ (រូបថតសហការី)
នគរ ស្ថាបត្យកម្ម

ស្ដាប់អ្នកជំនាញនិយាយពី«ប្រព័ន្ធ​រំដោះ​ទឹកកខ្វក់ នៅក្នុងក្រុងធំ​មួយៗ»

ពលរដ្ឋរស់នៅរាជធានីភ្នំពេញ ដែលរងផល​បះពាល់ បានសំដែងការធុញទ្រាន់ នៅ​ចំពោះ​បញ្ហាទឹកភ្លៀងជន់ទីក្រុង ដែលបានកើតឡើង សឹងជារៀងរាល់ ពេលភ្លៀងធ្លាក់ មក​ម្ដងៗ។ អ្នកជំនាញមួយរូប បានអះអាងឡើងថា ដើម្បី​ដោះស្រាយ​បញ្ហានេះបាន គេគម្បី​ធ្វើគម្រោង ប្រព័ន្ធ​រំដោះ​ទឹកកខ្វក់ ...