នគរ ស្ថាបត្យកម្មវប្បធម៌ និងជីវិត

គេហដ្ឋាន​ស្ថាបត្យករ​ វណ្ណ ម៉ូលីវណ្ណ នៅ​ភ្នំពេញ ដាក់លក់​ថ្លៃ«៧លាន​ដុល្លារ»

គេហដ្ឋានឯកជន របស់ស្ថាបត្យករលោក វណ្ណ ម៉ូលីវណ្ណ ដែលអ្នកផងដាក់ឈ្មោះថា ជាបីតា​ស្ថាបត្យកម្មកម្ពុជា ត្រូវបានដាក់លក់ ក្នុងតម្លៃ«៧លាន​ដុល្លារ»អាមេរិក ដោយ​ក្រុមហ៊ុន​​អចលនទ្រព្យមួយ ឈ្មោះ «IPS Cambodia»។

លំនៅដ្ឋានមួយនេះ ស្ថិតនៅ ក្បែរ​ភោជនីយដ្ឋាន ទន្លេបាសាក់ តាម​បណ្ដោយ​មហាវិថី ម៉ៅ សេទុង សង្កាត់ទួលស្វាយព្រៃ១  កណ្ដាលរាជធានីភ្នំពេញ។ ឯកសារជាច្រើន បានអះអាងថា វាត្រូវបានសង់ នៅឆ្នាំ១៩៦៦ និងធ្លាប់ជាអាគារ នៃមន្ទីរសុរិយោដីក្រុង ក្នុងជំនាន់​សាធារណរដ្ឋ​ប្រជាមានិតកម្ពុជា។

សេចក្ដីប្រកាសរបស់ក្រុមហ៊ុន «IPS Cambodia» ដែលដាក់លក់គេហដ្ឋានខាងលើ ជាអគារ​ពាណិជ្ជកម្ម​នោះ បានសរសេរឲ្យដឹងថាថា អចលនទ្រព្យមួយនេះ ត្រូវបាន​«សាងសង់ឡើង​ ដោយមាន ២ជាន់ មានបន្ទប់ការិយាល័យ ជាច្រើនបន្ទប់ បើកចំហ ធំទូលាយ និង​បន្ទប់ទឹក ចំនួន៥ សម្រាប់ប្រើប្រាស់រួមគ្នា»។

សេចក្ដីប្រកាស បានបញ្ជាក់ពីទំហំ ទទឹង-បណ្ដោយ នៃអចលនទ្រព្យមួយនេះ ដូច្នេះថា៖

«អាគារលំនៅដ្ឋានទាំងមូល មានផ្ទៃក្រឡាសរុប ៧៦៨ ម៉ែត្រការ៉េ សង់ពីលើផ្ទៃដី ៩២៤ ម៉ែត្រការ៉េ ដែលមានប្រវែងទទឺង ២២,៥១ ម៉ែត្រ គុណនឹងប្រវែងបណ្ដោយ ៤២,១៥ ម៉ែត្រ។ នៅផ្នែកខាងក្រៅ  មានបន្ទប់បើកចំហរ ធំទូលាយ នៅលើសួនច្បារខាងក្រោយ និងយ៉រ​នៅជាន់ខាងលើ។»

បើទោះជាវាធ្លាប់ជា លំនៅដ្ឋានឯកជន របស់លោក វណ្ណ ម៉ូលីវណ្ណ ដែលបានលាចាកលោក តាំងពីឆ្នាំ២០១៧នោះ តែសំណង់មួយនេះ នៅតែជាស្នាដៃស្ថាបត្យកម្មមួយ ដែលត្រូវបាន​ឆ្នៃប្រឌិត​ឡើង យ៉ាងពិសេសគ្មានពីរ ដោយកំពូល​ស្ថាបត្យកររូបនេះ ពីក្នុងចំណោម​ស្នាដៃ​ស្ថាបត្យកម្មរបស់លោក ​ជាច្រើននៅកម្ពុជា។

ប៉ុន្តែមកដល់ថ្ងៃនេះ ស្នាដៃស្ថាបត្យកម្មមួយចំនួន របស់លោក វណ្ណ ម៉ូលីវណ្ណ បានរលាយ​បាត់រូប​ទៅហើយ និងមួយចំនួនទៀត ត្រូវបានប្ដូរទម្រង់ ទៅតាមការចង់បាន របស់​អ្នកគ្រប់គ្រង​ស្នាដៃទាំងនោះ៕



You may also like

កម្ពុជា

ខ្លីៗ​ពីបារាំង៖ ចិនបោះទុន​សង់​ច្រើនជាងគេ​នៅ​កម្ពុជា មុន​វិបត្តិ​«Covid-19»

ការវិនិយោគផ្ទាល់ពីបរទេស «FDI /IDF» ក្នុងវិស័យអចលនទ្រព្យ នៅប្រទេសកម្ពុជា មុន​វិបត្តិ​«Covid-19» ត្រូវបានកត់សម្គាល់ ដោយការវិនិយោគរបស់ចិន ដែលមាន​ទំហំ​ធំ​ជាងគេ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៨ របស់ក្រសួងសេដ្ឋកិច្ច ...
កម្ពុជា

«ក្រុងគុជ»​ជាប់​លេខ​១២៥ ​ដែល​ជា​ក្រុង​មិន​គួរ​ឲ្យ​ចង់​រស់នៅ

រាជធានី ភ្នំពេញ ដែលរដ្ឋាភិបាលកម្ពុជា ដាក់ឈ្មោះថា ជា«ក្រុងគុជ» ជាប់លេខទី១២៥ ពីក្នុងចំណោមក្រុងធំៗ ទាំង១៤០ នៅលើពិភពលោក។ លេខរៀងនេះ ត្រូវបានចាប់ទុកថា ជាក្រុងដែលមានគុណភាពជីវិតអន់បំផុត បើប្រៀបធៀបនឹងក្រុងធំៗ ...
កម្ពុជា

អ្នកជំនាញ អ.ស.ប ថាកម្ពុជា​ប្រើ​​«Covid-19»បង្ក្រាបកូដកម្មស្របច្បាប់

ក្រុម«អ្នកជំនាញ»​នៃ​អង្គកា​រ​សហ​ប្រជាជា​តិ​ ទ​ទួល​បន្ទុក​សិទ្ធិ​ម​នុស្ស បា​ន​រិះ​គន់​ចំ​ពោះការ​ចាត់វិធា​នការ ឱ្យ​កម្មក​រកា​ស៊ីណូ ដែ​លបានធ្វើកូដ​កម្ម​នៅ​កម្ពុជា ​បន្តធ្វើ​ចត្តាឡីស័​ក ក្នុង​ក្រប​ខណ្ឌ​ការ​ពារ​ជំងឺ «Covid-19 (កូ​វីដ-១៩)» ដោយលើក​ឡើងថា ​អាជ្ញាធ​រមិន​ត្រូវ​ប្រើ​វិធា​នកា​រសុខ​ភាព​សាធា​រ​ណៈ ជា​សំ​អាងក្នុងការ​បង្រ្កាប​ លើស​កម្ម​ភាព​កូដកម្មស្របច្បាប់ ...

Comments are closed.

នគរ ស្ថាបត្យកម្ម

ព្រលានបុរាណ នៃក្រុង«Vérone» ភាគខាងជើង​អ៊ីតាលី

នគរ ស្ថាបត្យកម្ម

ស្ពាន​«ប្រវែង​៣៦គីឡូម៉ែត្រ» ពីក្នុង​ចំណោម​ស្ពានវែង​បំផុត ទើប​​បង្ហាញរាង

កាលពីថ្ងៃពុធ ប្រទេសកូវ៉េត ទើបនឹងសម្ពោធស្ពានមួយ ប្រវែង​៣៦គីឡូម៉ែត្រ នៅលើ​ឈូងសមុទ្រ ហ្គោល។ បើមើលតាមប្រវែងរបស់វា ស្ពានថ្មីនេះ ស្ថិតក្នុងចំណោមស្ពានដ៏វែងជាងគេបំផុត នៅលើពិភពលោក។ ស្ពានឈ្មោះ «Jaber» ដែលឧទ្ធឹសដល់ព្រះអង្គម្ចាស់ ...
ទិដ្ឋភាពមួយ នៃទឹកជំនន់ដោយសារទឹកភ្លៀង នៅកណ្ដាលរាជធានី ភ្នំពេញ កាលពីថ្ងៃទី២០ ខែកញ្ញា ឆ្នាំ២០១៧។ (រូបថតសហការី)
នគរ ស្ថាបត្យកម្ម

ស្ដាប់អ្នកជំនាញនិយាយពី«ប្រព័ន្ធ​រំដោះ​ទឹកកខ្វក់ នៅក្នុងក្រុងធំ​មួយៗ»

ពលរដ្ឋរស់នៅរាជធានីភ្នំពេញ ដែលរងផល​បះពាល់ បានសំដែងការធុញទ្រាន់ នៅ​ចំពោះ​បញ្ហាទឹកភ្លៀងជន់ទីក្រុង ដែលបានកើតឡើង សឹងជារៀងរាល់ ពេលភ្លៀងធ្លាក់ មក​ម្ដងៗ។ អ្នកជំនាញមួយរូប បានអះអាងឡើងថា ដើម្បី​ដោះស្រាយ​បញ្ហានេះបាន គេគម្បី​ធ្វើគម្រោង ប្រព័ន្ធ​រំដោះ​ទឹកកខ្វក់ ...