• ករណី​រលំ​អគារ​នៅ​ខេត្ត ព្រះសីហនុ បង្អើល​សារព័ត៌មាន​អ៊ឺរ៉ុប​ឲ្យ​ចុះផ្សាយ

    «ប្រទេសកម្ពុជា ដែលជាប្រទេសក្រីក្របំផុតមួយ នៅអាស៊ីអាគ្នេយ៍ ត្រូវបានគេស្គាល់ថា ជាប្រទេសដែលមានភាពទន់ជ្រាយ ក្នុងច្បាប់ការងារ និងកិច្ចការពារកម្មករ» នេះ ជាខ្លឹមសារនៃការចុះផ្សាយ របស់សារព័ត៌មាននានា នៅក្នុងទ្វីបអ៊ឺរ៉ុប ជុំវិញហេតុការណ៍រលំអគារ​កំពស់៧ជាន់ នៅកណ្ដាលខេត្ត ព្រះសីហនុ កាលពីព្រឹកថ្ងៃសៅរ៍ម្សិលម៉ិញ។ បណ្ដាញព័ត៌មានធំៗ នៅអ៊ឺរ៉ុប រាប់ទាំង«AFP» «BBC» «Daily Mail» «The Guardian» និងសឹងតែគ្រប់សារព័ត៌មាន ជាភាសាបារាំង បានយកករណីដ៏រន្ធត់នេះ មកធ្វើរបាយការណ៍ចេញផ្សាយ តាំងពីតុល្យភាពដំបូង ដែលត្រូវបានប្រកាស ឲ្យដឹងភ្លាមៗ ថាមនុស្ស៧នាក់បានស្លាប់ និងច្រើនសិបនាក់ទៀត បានរងរបួស។ សារព័ត៌មានខ្លះបានធ្វើបច្ចុប្បន្នភាព នៅព្រឹកថ្ងៃអាទិត្យនេះ ...
  • ស្ពាន​«ប្រវែង​៣៦គីឡូម៉ែត្រ» ពីក្នុង​ចំណោម​ស្ពានវែង​បំផុត ទើប​​បង្ហាញរាង

    កាលពីថ្ងៃពុធ ប្រទេសកូវ៉េត ទើបនឹងសម្ពោធស្ពានមួយ ប្រវែង​៣៦គីឡូម៉ែត្រ នៅលើ​ឈូងសមុទ្រ ហ្គោល។ បើមើលតាមប្រវែងរបស់វា ស្ពានថ្មីនេះ ស្ថិតក្នុងចំណោមស្ពានដ៏វែងជាងគេបំផុត នៅលើពិភពលោក។ ស្ពានឈ្មោះ «Jaber» ដែលឧទ្ធឹសដល់ព្រះអង្គម្ចាស់ «Jaber al-Ahmad Al-Sabah» ភ្ជាប់រដ្ឋធានីនៃប្រទេសកូវ៉េត ទៅកាន់ក្រុង «Subbiya» ដែលស្ថិតនៅភាគខាងជើងប្រទេស។ ទីនោះនឹងត្រូវក្លាយជា តំបន់សេដ្ឋកិច្ចពិសេសមួយ ដោយសារស្ថានភាពភូមិសាស្ត្រ នៅក្បែរ​ទាំងព្រំដែនទឹក និងទាំងព្រំដែនគោក នៃប្រទេសអៀរ៉ាក់ និងអៀរ៉ង់។ តំបន់សេដ្ឋកិច្ចពិសេសថ្មីនេះ មានឈ្មោះថា «Silk City» ជាលំហពាណិជ្ជកម្មសេរី រវាងអាស៊ីកណ្ដាល និងអ៊ឺរ៉ុប។ បើតាមរដ្ឋាភិបាលកូវ៉េត ...
  • ស្ថានទូត​អាមេរិក​រិះគន់​«សមិទ្ធិផល​ចិន» ថា​គ្មាន​គុណភាព​និង​អសុវត្ថិភាព

    «តើអ្នកមើលឃើញ រូបភាពរួម[ដូច្នេះ]ឬទេ?» ជាសំនួររបស់ទំព័រហ្វេសប៊ុក នៃស្ថានទូតសហរដ្ឋអាមេរិក សួរទៅកាន់ប្រិយមិត្តរបស់ខ្លួន ជុំវិញគុណភាព និងសុវត្ថិភាព ចំពោះ«សមិទ្ធិផល​ចិន» ដែលត្រូវបានសង់ឡើង នៅក្នុងបណ្ដាប្រទេសនានា ក្នុងពិភពលោក។ ហើយសំណេរនោះ គឺជាភាគបន្តនៃការឌឺដងផ្លែផ្កា រវាងស្ថានទូតនៃមហាយក្សទាំងពីរ នៅក្នុងប្រទេសកម្ពុជា រាប់ចាប់តាំងពីចុងសប្ដាហ៍មុនមក។ កាលពីថ្ងៃសុក្រ ស្ថានទូតអាមេរិកបានលើកឡើង នៅលើទំព័រហ្វេសប៊ុករបស់ខ្លួន អំពី«ឱនភាពពាណិជ្ជកម្ម» ដ៏ធំធេងរបស់កម្ពុជា នៅចំពោះទំនាក់ទំនងពាណិជ្ជកម្ម កម្ពុជា-ចិន ដែលផ្ទុយគ្នាស្រឡះ ពីទំនាក់ទំនងពាណិជ្ជកម្ម កម្ពុជា-អាមេរិក ឬកម្ពុជា-សហភាព​អ៊ឺរ៉ុប។ នៅចំពោះសំណេររបស់ស្ថានទូតអាមេរិក មហាយក្សចិនបានឆ្លើយតបវិញ តាមរយៈបណ្ដាញសង្គមដូចគ្នា ដោយលើកឡើងថា ឱនភាពពាណិជ្ជកម្មនោះ គឺដោយសារកម្ពុជាត្រូវការវត្ថុធាតុដើម ដើម្បីផ្គត់ផ្គង់ ឲ្យដំណើរការផលិតកម្មរបស់ខ្លួន។ ...
  • ភ្នំពេញ​បន្ត​ជាប់លេខ​ជិត​បាតតារាង អំពី​គុណភាព​ជីវិត​និង​សន្តិសុខ

    ដើម្បីទទួលបានភាពជោគជ័យ ពីការដាក់ទុនវិនិយោគ ទៅក្នុងប្រទេសមួយ ឬតំបន់មួយ គេត្រូវសម្លឹងមើលជាបឋម អំពី​គុណភាព​ជីវិត​និង​សន្តិសុខ ពីរដ្ឋធានី ឬទីក្រុង ដែលសហគ្រាសត្រូវដាក់ ការិយាល័យរបស់ខ្លួន។ នេះ ជាការអះអាងឡើង របស់សហគ្រាស «Mercer» ដែលបានចេញរបាយការណ៍សន្ទស្សន៍ ប្រចាំឆ្នាំ២០១៩នេះ អំពី​គុណភាព​ជីវិត​និង​សន្តិសុខ សម្រាប់រដ្ឋធានីនិងទីក្រុងចំនួន ២៣១ នៅជុំវិញពិភពលោក។ ហើយរាជធានីភ្នំពេញ នៃព្រះរាជាណាចក្រកម្ពុជា ដែលរបបដឹកនាំសព្វថ្ងៃ តែងហៅមិនដាច់ពីមាត់ ថាជា«ក្រុងគុជ»នោះ បានជាប់លេខ១៩៦ លើ២៣១ ដែលជាចំណាត់ថ្នាក់ក្បែរបាតតារាង នៅក្នុងបញ្ជីសន្ទស្សន៍នោះ ដែលចេញផ្សាយកាលពីសប្ដាហ៍មុន។ បើធៀបនឹងតំបន់អាស៊ីអាគ្នេយ៍ និងអាស៊ីខាងកើត «ក្រុងគុជ»មានចំណាត់ថ្នាក់អន់ជាងគេបំផុត។ ក្រុងរ៉ង់ហ្គោន នៃប្រទេសភូមា ...
  • ហ៊ុន សែន ត្អូញពី​កង្វះអគ្គិសនី​«៤០០មេហ្គាវ៉ាត់»​សម្រាប់ប្រទេស​កម្ពុជា

    គ្រោះរាំងស្ងួតរយៈពេលវែង បង្កឲ្យប្រទេសកម្ពុជាខ្វះប្រភពទឹក ដើម្បីរុញម៉ាស៊ីនវារីអគ្គិសនី សម្រាប់ផលិតអគ្គិសនីយកមកប្រើប្រាស់ក្នុងស្រុក។ លោកនាយករដ្ឋមន្ត្រី ហ៊ុន សែន បានអះអាងឡើងដូច្នេះ ដោយបញ្ជាក់ថា ប្រទេសកម្ពុជាទាំងមូលខ្វះអគ្គិសនី រហូតដល់ទៅ«៤០០មេហ្គាវ៉ាត់»។ ថ្លែងក្នុងការបើកពិធីបុណ្យទន្លេ លើកទី៥ ក្នុងខេត្តកំពង់ឆ្នាំង នាយប់ថ្ងៃទី១៦ ខែមិនា ឆ្នាំ២០១៩ លោកនាយករដ្ឋមន្ត្រី បានលើកឡើងថា៖ «សម្រាប់វិស័យអគ្គិសនី មកដល់ពេលនេះ ក្រសួងរ៉ែនិងថាមពល ក៏ដូចជាក្រុមហ៊ុនអគ្គិសនី បានឲ្យខ្ញុំដឹងថា មកដល់ពេលនេះ យើងចាប់ផ្ដើមខ្វះអគ្គិសនី រហូតដល់ដល់”៤០០មេហ្គាវ៉ាត់”តែម្ដង។» បុរសខ្លាំងកម្ពុជា បានអះអាងថា បរិមាណ៤០០ម៉េហ្គាវ៉ាត់នេះ ជាកម្រិតដ៏ច្រើនមួយ ហើយរបបដឹកនាំរបស់លោក កំពុងស្វែងរកដំណោះស្រាយ ក៏ដូចជាសុំអំពាវនាវឲ្យបណ្ដាជន និងក្រុមហ៊ុនដែលមានលទ្ធភាព ...
  • សកម្មជន​បរិស្ថាន​បបួល​រដ្ឋមន្ត្រី​បីរូប​ចុះ​ងូតទឹក​សមុទ្រ នៅក្រុង​ព្រះសីហនុ

    រដ្ឋមន្ត្រីចំនួនពីររូប និងអភិបាលខេត្តមួយរូប ត្រូវបានសកម្មជនបរិស្ថាន យុវជន ថុន រដ្ឋា មកពីអង្គការមាតាធម្មជាតិ បបួលឲ្យចុះងូតទឹក នៅក្នុងតំបន់ឆ្នេរសមុទ្រ នៅក្នុងខេត្តព្រះសីហនុ បន្ទាប់ពីយុវជនរូបនេះ បានយកទឹកដែលបង្ហូរចូលសមុទ្រ ទៅធ្វើការពិសោធន៍ នៅវិទ្យាស្ថានប៉ាស្ទ័រ ក្នុងរាជធានីភ្នំពេញរួច។ រដ្ឋមន្ត្រីទាំងពីររូប មានលោក សាយ សំអាល់ រដ្ឋមន្ត្រីបរិស្ថាន និងលោក ថោង ខុន រដ្ឋមន្ត្រីទេសចរណ៍ ខណៈអភិបាលខេត្តមួយរូបទៀត គឺលោក យន្ដ មីន អភិបាលខេត្តព្រះសីហនុផ្ទាល់តែម្ដង។ យុវជន ថុន រដ្ឋា បានថ្លែងតាមរយៈវីដេអូខ្លីមួយ បង្ហោះនៅលើទំព័រហ្វេសប៊ុក របស់អង្គការមាតាធម្មជាតិ ...