កម្ពុជាដំណឹង

ករណី​រលំ​អគារ​នៅ​ខេត្ត ព្រះសីហនុ បង្អើល​សារព័ត៌មាន​អ៊ឺរ៉ុប​ឲ្យ​ចុះផ្សាយ

«ប្រទេសកម្ពុជា ដែលជាប្រទេសក្រីក្របំផុតមួយ នៅអាស៊ីអាគ្នេយ៍ ត្រូវបានគេស្គាល់ថា ជាប្រទេសដែលមានភាពទន់ជ្រាយ ក្នុងច្បាប់ការងារ និងកិច្ចការពារកម្មករ» នេះ ជាខ្លឹមសារនៃការចុះផ្សាយ របស់សារព័ត៌មាននានា នៅក្នុងទ្វីបអ៊ឺរ៉ុប ជុំវិញហេតុការណ៍រលំអគារ​កំពស់៧ជាន់ នៅកណ្ដាលខេត្ត ព្រះសីហនុ កាលពីព្រឹកថ្ងៃសៅរ៍ម្សិលម៉ិញ។

បណ្ដាញព័ត៌មានធំៗ នៅអ៊ឺរ៉ុប រាប់ទាំង«AFP» «BBC» «Daily Mail» «The Guardian» និងសឹងតែគ្រប់សារព័ត៌មាន ជាភាសាបារាំង បានយកករណីដ៏រន្ធត់នេះ មកធ្វើរបាយការណ៍ចេញផ្សាយ តាំងពីតុល្យភាពដំបូង ដែលត្រូវបានប្រកាស ឲ្យដឹងភ្លាមៗ ថាមនុស្ស៧នាក់បានស្លាប់ និងច្រើនសិបនាក់ទៀត បានរងរបួស។

សារព័ត៌មានខ្លះបានធ្វើបច្ចុប្បន្នភាព នៅព្រឹកថ្ងៃអាទិត្យនេះ ដោយស្រង់យកតុល្យភាពថ្មី មកបញ្ជាក់ឡើងវិញថា មនុស្ស១៧នាក់បានស្លាប់  និង២៤នាក់ទៀតរងរបួស។

ប៉ុន្តែតុល្យភាពខាងលើ ដែលផ្ដល់ដោយសាលាខេត្តព្រះសីហនុ នៅមិនទាន់បញ្ចប់នៅឡើយ ខណៈក្រុមអ្នកជួយសង្គ្រោះ កំពុងព្យាយាមកាយគំនរអាគារ ដែលរលំស្រុត​នោះ ដើម្បីបន្តស្វែងរក​ជនរងគ្រោះ បន្ថែមទៀត។

សំណង់​បាក់​នៅ​កំពង់​សោម​ មេីល​ពី​ផ្ទាល់​ដី

Posted by Kanharith Khieu on Friday, June 21, 2019


ប្រព័ន្ធផ្សព្វផ្សាយបានរាយការណ៍បន្តថា មនុស្ស៤នាក់ ត្រូវបានចាប់ខ្លួន ក្នុងនោះមាន​ម្ចាស់​ការ​ដ្ឋានសំណង់​ អ្នក​ម៉ៅការ​សាងសង់ អ្នកម៉ៅការបូកជញ្ជាំងអគារ និង​ជន​ជាតិ​ខ្មែរ​ម្នាក់​ដែល​ជា​ម្ចាស់​ដី។

រីឯលោកនាយករដ្ឋមន្ត្រី ហ៊ុន សែន ត្រូវបានស្រង់សំដីមកអះអាងថា លោកទម្លាក់កំហុសក្នុងករណីនេះ ទៅលើ«កាធ្វេសប្រហែសរបស់ក្រុមហ៊ុនសាងសង់» ខណៈអាជ្ញាធរខេត្តបានអះអាងថា ខ្លួនបានដឹងពីសំណង់«ខុសច្បាប់»មួយនេះ ជាមុនរួចហើយ។

អគារថ្មីៗជាច្រើន កំពុងពន្លេចខ្លួនឡើង នៅខេត្តព្រះសីហនុ ដែលភាគច្រើនជាស្នាដៃសាងសង់ របស់សហគ្រាស និងជនជាតិចិន ដែលនាំគ្នាចូលមករស់នៅកាន់តែច្រើនឡើង នៅក្នុងខេត្តនេះ បន្ទាប់ពីនយោបាយ«ល្អូកល្អិន» រវាងក្រុងភ្នំពេញ និងក្រុងប៉េកាំង។

ក្រុមសារព័ត៌មានបានបញ្ជាក់ថា ពីក្នុងចំណោមសំណង់ថ្មីៗទាំងនោះ មានអគារបនល្បែង ចំនួនជាង៥០កន្លែង និងសណ្ឋាគារ ជាង១០កន្លែង ដើម្បីអ្វីមួយដែលរបបដឹកនាំលោក ហ៊ុន សែន ចាត់ទុកថា ជាការវិនិយោគរបស់ចិន ដើម្បីជួយឲ្យវិស័យសេដ្ឋកិច្ចកម្ពុជា មានភាពរីកចម្រើន៕



លំអិតបន្ថែមទៀត

ឧត្ដមសេនីយ៍ទាំង១២រូប ដែលត្រូវបានអង្គការឃ្លាំមើលសិទ្ធិមនុស្ស ចាត់ទុកថា មាន«បាតដៃកខ្វក់» ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន។ (រូបថតដោយ HRW)
កម្ពុជា

ឧត្ដមសេនីយ៍​បាតដៃកខ្វក់១២រូប៖ HRW បង្ហាញរបាយការណ៍​ជា​ខេមរភាសា

អង្គការឃ្លាំមើលសិទ្ធិមនុស្ស «Human Rights Watch – HRW» បានចេញផ្សាយ​ជាថ្មីទៀត ក្នុងសប្ដាហ៍នេះ នូវរបាយការណ៍មួយ ដែលអង្គការនេះធ្លាប់បានផ្សាយ រួចមកហើយ កាលពីឆ្នាំ២០១៨។ របាយការណ៍ថ្មីនេះ ...
កិច្ចសម្ភាស

HRW ៖ ការ​បោះឆ្នោតនេះ​ជា​«ឧបាយកល​ដ៏​កខ្វក់​ប្រឆាំង​ប្រជាជន​កម្ពុជា»

អង្គការឃ្លាំមើលសិទ្ធិមនុស្ស ហៅជាភាសា​អង់គ្លេស «Human Rights Watch – HRW» តាមរយៈលោក ប្រ៊ុយណូ ស្តាចណូ (Bruno Stagno) នាយកប្រតិបត្តិទទួលបន្ទុក​ ...
កម្ពុជា

Covid-19៖ ហ៊ុន សែន ឲ្យព្យួរ​«សិទ្ធិឯកជនពលរដ្ឋ» និង​បង្ហាញមុខ​អ្នកជំងឺ

នាយករដ្ឋមន្ត្រីកម្ពុជា លោក ហ៊ុន សែន បានចេញបញ្ជា ឲ្យព្យួរ«សិទ្ធិឯកជនពលរដ្ឋ» និងបង្ហាញ​អត្តសញ្ញាណ​អ្នកជំងឺ​ជាសាធារណៈ ដើម្បីអ្វីមួយ ដែលបុរសខ្លាំងរូបនេះ អះអាងថា ជាការទប់ស្កាត់ការរីករាលដាល នៃការបន្តឆ្លងជំងឺកូវីដ-១៩ (Covid-19) ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...