• អ្នកគាំទ្រ​ក្រុម PSG បង្ហាញ​សារ​«បណ្ដេញ»​កីឡាករ ណីម៉ា

    «ណីម៉ា ចេញឲ្យបាត់ទៅ» នេះ ជាអ្វីដែលដែលគេអាចអានបាន នៅលើបដា ដែលបណ្ដាអ្នកគាំទ្រក្រុមបាល់ទាត់ បារីស (Paris Saint Germain – PSG) បានបង្ហាញ ក្នុងការប្រកួតថ្ងៃទី១ រវាងក្រុមប៉ារីស និងក្រុមនីម (Nîmes) ក្របខណ្ឌ «Ligue1» កាលពីយប់​ថ្ងៃអាទិត្យម្សិលម៉ិញ។ ជាសារច្បាស់មួយ ពីក្នុងចំណោមសារជាច្រើនទៀត ដែលបណ្ដាអ្នកគាំទ្រ បានបង្ហាញក្នុងការប្រកួត អះអាងពីបំណងរបស់ពួកគេ ដែលមិនចង់ឃើញកីឡាករ ណីម៉ា (Neymar) នៅទាត់ឲ្យក្រុមបាល់ទាត់ប៉ារីស តទៅទៀត បន្ទាប់ពីកំពូលខ្សែប្រយុទ្ធ ជាតិប្រេស៊ីលរូបនេះ បានលើកឡើង ពីការចងចេញពីក្រុម កាលពីចុងរដូវកាលមុន។ ...
  • តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

    ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ សេពសន្ធវៈ ប្រព្រឹត្តិក្នុងបន្ទប់សណ្ឋាគារមួយ នៅរាជធានី ប៉ារីស កាលពីពាក់កណ្តាលខែឧសភា។ អ្នកនាំពាក្យតុលាការក្រុង សាវប៉ាវឡូ ត្រូវបានស្រង់សំដីដោយទីភ្នាក់ងារព័ត៌មានបារាំង «AFP» មកបញ្ជាក់ថា ចៅក្រមជំនាញក្នុងសំណុំរឿងហិង្សាលើស្ត្រី អ្នកស្រី «Ana Paula Vieira de Moraes» បានយល់ស្របតាមការស្នើសុំ របស់រដ្ឋអាជ្ញា ដែលធ្វើឡើងកាលពីថ្ងៃព្រហស្បតិ៍ ឲ្យមានការលើកលែងការចោទប្រកាន់ ដោយហេតុបណ្ដាលមកពីគ្មានភស្តុតាងគ្រប់គ្រាន់។ ...
  • លីយ៉ូនែល ម៉េស៊ី ត្រូវបាន​បញ្ឈរជើង​៣ខែ ពី​ក្រុម​ជម្រើសជាតិ​អាហ្សង់ទីន

    កំពូលខ្សែប្រយុទ្ធ ជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) ត្រូវបានបញ្ឈរជើង ពី​ក្រុម​ជម្រើសជាតិ​អាហ្សង់ទីន សម្រាប់រយៈពេល៣ខែ ក្រោមការចោទប្រកាន់ថា កីឡាករដ៏ល្បីរូបនេះ បានរិះគន់សហព័ន្ធបាល់ទាត់បាល់ទាត់ នៃទ្វីបអាមេរិកខាងត្បូង (Conmebol)។ ការរិះគន់នោះ ត្រូវបានកីឡាករធ្វើដោយផ្ទាល់ ទៅកាន់ក្រុមអ្នកសារព័ត៌មាន កាលពីខែកក្កដាកន្លងទៅ បន្ទាប់ពីកំពូលខ្សែប្រយុទ្ធ របស់ក្រុមបាសឺឡូនរូបនេះ ទទួលការពិន័យ ពីអាជ្ញាកណ្ដាល ដោយកាតក្រហម ដែលស្មើនឹងការបណ្ដេញ ចេញពីការប្រកួតកាលនោះ រវាងក្រុមអាហ្សង់ទីន និងក្រុមឈីលី ដើម្បីដណ្ដើមយកចំណាត់ថ្នាក់ទី៣ នៃពានរង្វាន់ «Copa America»។ ម្ចាស់បាល់មាស៤ជំនាន់ បានប្រើពាក្យខ្លាំងៗ នៅពេលនោះថា៖ ...
  • អាល់ហ្សេរី​លើក​«ពាន​ជើងឯក​អាហ្វ្រិក» ដោយ​បំបាក់​សេនេហ្គាល់​១-០

    ជាការប្រកួតផ្ដាច់ព្រ័ត្រ ដែលមានលក្ខណៈស្វិតស្វាញ រវាងក្រុមបាល់ទាត់ជម្រើសជាតិ ទាំងសងខាង ដើម្បីដណ្ដើម«ពាន​ជើងឯក​អាហ្វ្រិក»។ តែក្រុមអាល់ហ្សេរី បានទទួលជ័យជំនះ ដោយសារគ្រាប់បាល់ មិនចំទិសមួយ របស់កីឡាករ «Baghdad Bounedjah» ដែលរកបានតាំងពីនាទីទី២។ ដោយឡែក ក្រុមសេនេហ្គាល់ មានសាច់បាល់គិតជាភាគរយ គ្របលើគូប្រកួតខ្លួនច្រើនជាង តែនៅចំពោះកង្វះប្រសិទ្ធិភាព នៅក្នុងការវាយលុក ក្រុមតោអាហ្វ្រិកមួយនេះ មិនសូវជាបង្កគ្រោះថ្នាក់ សម្រាប់អ្នកចាំទីអាល់ហ្សេរីប៉ុន្មានទេ។ គួបញ្ជាក់ដែរថា នេះ ជាជ័យជំនះរបស់ក្រុមបាល់ទាត់ អាល់ហ្សេរី ជាលើកទីពីរ ដែលបានលើកពាន ក្លាយជាជើងឯកទ្វីបអាហ្វ្រិក។ ក្រុមអាល់ហ្សេរី បានឈ្នះពាននេះ កាលពីលើកមុន គឺនៅឆ្នាំ១៩៩០៕
  • ពានអាហ្វ្រិក​២០១៩ ៖ ២៩ឆ្នាំ​ក្រោយមក អាល់ហ្សេរី​ឡើងដល់​ផ្ដាច់ព្រ័ត្រ​ជាថ្មី

    ក្រុមជម្រើសជាតិរបស់ប្រទេសអាល់ហ្សេរី នឹងប្រកួតនៅវគ្គផ្ដាច់ព្រ័ត្រ ដើម្បីដណ្ដើម«ពានអាហ្វ្រិក​២០១៩ – AFCON 2019» ក្នុងឆ្នាំ២០១៩នេះ បន្ទាប់ពីបានបំបាក់ក្រុមនីហ្សេរីយ៉ា ២-១ ដោយគ្រាប់បាល់ពិន័យ នៅនាទីចុងក្រោយនៃការប្រកួត កាលពីយប់ថ្ងៃអាទិត្យ។ ជាការវិលត្រឡប់មកវិញ ក្រោយពីបានរង់ចាំ អស់រយៈពេល២៩ឆ្នាំ។ ក្នុងឆ្នាំ១៩៨០ ក្រុមអាល់ហ្សេរី ក៏បានឡើងដល់វគ្គផ្ដាច់ព្រ័ត្រដែរ តែនៅឆ្នាំនោះ ក្រុមអាល់ហ្សេរីបានចាញ់ក្រុមនីហ្សេរីយ៉ា ដោយគ្រាប់បាល់ ០-៣។ សម្រាប់ការប្រកួត កាលពីយប់ម៉ិញ ក្រុមអាល់ហ្សេរីមានប្រៀបច្រើន នៅពាក់កណ្ដាលម៉ោងដំបូង ហើយបានរកគ្រាប់បាល់ បាននាំមុខមុនមួយគ្រាប់ ទាត់បញ្ចូលទីដោយកីឡាករខ្សែការពារ របស់ក្រុមនីហ្សេរីយ៉ាខ្លួនឯង (នៅនាទីទី៤០)។ លុះចូលមកពាក់កណ្ដាលម៉ោងទី២ ក្រុមនីហ្សេរីយ៉ារកសាច់បាល់បានមកវិញ និងវាយសន្ទាប់ រហូតលុះត្រាម្ដងនេះ ...
  • ប្រេស៊ីល​លើកពាន​ «Copa América» បន្ទាប់ពី​ប្រកួត​ឈ្នះ​ប៉េរូ ៣-១

    ទោះជាត្រូវបន្ថយចំនួនកីឡាករ មកត្រឹមតែ១០នាក់ក្ដី តែក្រុមប្រេស៊ីលដ៏មានទេពកោសល្យ បានរកបានជ័យជំនះយ៉ាងធំធេង នៅក្នុងការប្រកួតផ្ដាច់ព្រ័ត្រ នៃពានរង្វាន់ទ្វីបអាមេរិក ឬហៅថា «Copa América»។ ក្រុមសាំបាដ៏ល្បី បានឈ្នះក្រុមប៉េរូ ដោយគ្រាប់បាល់ ៣-១។ គឺកីឡាករ «Everton Soares» ដែលរកបានគ្រាប់បាល់ដំបូង ឲ្យក្រុមប្រេស៊ីល ១-០ នៅនាទីទី១៣ ហើយត្រូវបានក្រុមប៉េរូ យកស្មើបានវិញ នៅនាទីទី៤៤ ដោយគ្រាប់បាល់ពិន័យ១១ម៉ែត្រ។ គ្រាប់បាល់ពិន័យនេះ ទាត់បញ្ចូលទីដោយកីឡាករ «Guerrero»។ ប៉ុន្តែនៅក្នុងនាទីបន្ថែម (៤០+៤) នៃពាក់កណ្ដាលម៉ោងទីមួយនេះ កីឡាករ «Gabriel Jesus» បានធ្វើឲ្យក្រុមសាំបាខ្លួន នាំមុខក្រុមប៉េរូជាថ្មី ...