ម្ចាស់បាល់មាស៥ជំនាន់ កីឡាករ គ្រីស្យាណូ រ៉ូណាល់ដូ (Cristiano Ronaldo) បានសម្រេច វិលទៅ​ក្រុមបិសាច​ក្រហមវិញ ក្រោយពីចាកចេញ ពីក្រុមនេះតាំងពី១២ឆ្នាំកន្លងមក។ នេះ បើតាមសេចក្ដីប្រកាសព័ត៌មាន របស់ក្រុម​បាល់ទាត់យក្សមួយនេះ កាលពីប៉ុន្មាននាទីមុន។

​តាំងពីច្រើនថ្ងៃមកហើយ ដំណឹងតាមប្រព័ន្ធផ្សព្វផ្សាយនានា ក្នុងទ្វីបអ៊ឺរ៉ុប បានបញ្ចេញឲ្យដឹងថា កំពូលកីឡាករ​ខ្សែប្រយុទ្ធ ជាតិព័រទុយហ្គាល់ មានបំណង​​ចេញពីក្រុម ជូវេនទូស (Juventus Turin – អ៊ីតាលី) ដើម្បីចេញ​ទៅទាត់​ឲ្យក្រុម មេនឆេស្ទ័រ ស៊ីធី (Manchester City – អង់គ្លេស) ចាប់ពីដើមរដូវកាលថ្មីនេះ។

តែនៅទីបំផុត និងជាផ្លូវការ គឺក្រុម មេនឆេស្ទ័រ យូណាយធីត (Manchester United – អង់គ្លេស) ឯនោះទេ ដែល​បានព្រមព្រៀងគ្នា ជាមួយក្រុម ជូវេនទូស ដើម្បីផ្ទេរយកកំពូលកីឡាករខាងលើ មកទាត់ឲ្យខ្លួន ក្នុងពេលភ្លាមៗ។

សារព័ត៌មានកីឡា​«L’Equipe» របស់ប្រទេសបារាំងបានអះអាងថា ការផ្លាស់ប្ដូរយ៉ាងឆាប់រហ័សនេះ បណ្ដាល​មកពី​កីឡាករ រ៉ូណាល់ដូ បានជួបជជែកតាមទូរស័ព្ទ កាលពីព្រឹកថ្ងៃសុក្រ (ទី២៧ ខែសីហា ឆ្នាំ២០២១) ជាមួយអតីត​គ្រូបង្វឹក​របស់ខ្លួន គឺលោក​«Sir Alex Ferguson» ដែលធ្លាប់បង្វឹក​ក្រុមបិសាចក្រហម អស់រយៈពេល២៧ឆ្នាំ (ពីឆ្នាំ១៩៨៦ មកទល់ឆ្នាំ២០១៣)។

កីឡាករ រ៉ូណាល់ដូ បានទាត់ឲ្យក្រុម មេន-យូ ម្ដងហើយ ចាប់ពីឆ្នាំ២០០៣ និងមានរយៈពេល៦ឆ្នាំ។ នៅឆ្នាំ២០០៩ កីឡាករខ្សែប្រយុទ្ធ​បានចេញពីក្រុម មេន-យូ និងត្រូវបានផ្ទេរ ទៅទាត់ឲ្យក្រុម រៀលម៉ាឌ្រីត (Real Madrid – អេស្ប៉ាញ) ក្នុងតម្លៃផ្ទេរកីឡាករ ប្រមាណជា​៩៤លានអ៊ឺរ៉ូ ដែលជាតម្លៃផ្ទេរកីឡាករ ដ៏ខ្ពស់បំផុត ក្នុងសម័យកាល​នោះ។

បន្ទាប់ពីទាត់ឲ្យក្រុម រៀល អស់រយៈពេល៩ឆ្នាំ ដោយលើកពាន​ដ៏ច្រើនជាមួយក្រុមនេះរួច កីឡាករ រ៉ូណាល់ដូ បាន​ចាកចេញពីប្រទេសអេស្ប៉ាញ និងបានទៅទាត់ឲ្យក្រុម សេះបង្កង់ (ជូវេនទូស) ក្នុងប្រទេសអ៊ីតាលី ចាប់ពី​ឆ្នាំ២០១៨ មកទល់​នឹងថ្ងៃនេះ (ឆ្នាំ២០២១)។

បើតាមប្រព័ន្ធផ្សព្វផ្សាយធំៗ ក្នុងទ្វីបអ៊ឺរ៉ុប បានឲ្យដឹងថា កីឡាករវ័យ៣៦ឆ្នាំ បានចុះកិច្ចសន្យាជាលើកទីពីរ ដើម្បីទាត់ឲ្យក្រុម មែន-យូ សម្រាប់២រដូវកាល/ឆ្នាំទៅមុខ និងទទួលបានប្រាក់បៀវត្សរ៍ ប្រមាណជា២៥លានអ៊ឺរ៉ូ ក្នុងមួយរដូវកាល៕



លំអិតបន្ថែមទៀត

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

ចប់ជាស្ថាពរ និងជាផ្លូវការហើយ រវាងកីឡាករអណ្ដើកទេព គីលីយ៉ាន អឹមបាពេ (Kylian Mbappé) និងក្រុម ប៉ារីស ស៊ាំងហ្សែរម៉ាំង (Paris Saint-Germain)។ កីឡាករបារាំងអាយុ ...
កីឡា និងបច្ចេកវិទ្យា

ផ្សាយផ្ទាល់ ៖ សន្និសីទសារព័ត៌មាន​ដំបូងរបស់ ម៉េស៊ី នៅ ប៉ារីស

ផ្សាយផ្ទាល់ ៖ កំពូលខ្សែប្រយុទ្ធជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) នឹងបង្ហាញខ្លួន និងថ្លែងជាលើកដំបូង ទៅកាន់ក្រុម​អ្នកសារព័ត៌មាន ក្នុងសន្និសីទសារព័ត៌មានមួយ ដែលរៀបចំឡើងដោយក្រុម ...
កីឡាករ គ្រីស្យាណូ រ៉ូណាល់ដូ ក្នុងការប្រកួតរវាងក្រុម ជូវេនទូស និងក្រុម ព័រតូ ក្របខណ្ឌដណ្ដើមជើងឯកអ៊ឺរ៉ុប។ (រូបថត UEFA)
កីឡា និងបច្ចេកវិទ្យា

Champions League៖ រ៉ូណាល់ដូ-ក្រុម​សេះបង្កង់ ហាលអាវត្រឹម១/៨

ក្រុម​សេះបង្កង់ នៃប្រទេសអ៊ីតាលី ដែលមានខ្សែប្រយុទ្ធដ៏ល្បី កីឡាករ គ្រីស្ទាណូ រ៉ូណាល់ដូ (Cristiano Ronaldo) ត្រូវបាន​ជម្រុះចេញ​ជាស្ថាពរ ពីការប្រកួតក្របខណ្ឌ​​«Champions League» បើទោះជាបានប្រកួតឈ្នះ លើក្រុម​នាគខៀវ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...

Comments are closed.