រដូវកាលនេះ ពាន«Super Cup»​របស់ប្រទេសអេស្ប៉ាញ បានធ្លាក់ទៅក្នុងដៃ របស់ក្រុម អាត្លេទិក-ប៊ីលបៅ (Athletic Bilbao) បន្ទាប់ពីក្រុមនេះ បានប្រកួត​យកឈ្នះក្រុម បាសឺឡូន (Barcelone) នៅក្នុងការបន្ថែម​ម៉ោង ដោយគ្រាប់បាល់៣-២។ ការប្រកួតវគ្គផ្ដាច់ព្រ័ត្រ បានប្រព្រឹត្តិទៅ ក្នុងកីឡដ្ឋានក្រុង «Sévill» (ភាគខាងត្បូង) ក្នុងយប់ថ្ងៃអាទិត្យទី១៧ ខែមករានេះ។

នៅក្នុងការប្រកួត ក្នុងម៉ោង៤៥+៤៥ គឺក្រុមបាសា ជាអ្នករកបានគ្រាប់បាល់មុន នៅនាទីទី៤០ និងនាំមុខជាថ្មី នៅនាទីទី៧៧។ តែក្រុមអ្នកមានបុណ្យ ដែលសម្បូរដោយ​កីឡាករល្បីៗ តែងត្រូវបាន​ក្រុម ប៊ីលបៅ រកគ្រាប់បាល់​បានស្មើរ​មកវិញ នៅនាទីទី៤២ និងជាពិសេស នៅនាទីទី៩០ (ចុងបញ្ចប់ការប្រកួត) ដែលអនុញ្ញាត​ឲ្យក្រុមទាំងពីរ ត្រូវបន្ថែមម៉ោង១៥+១៥ ដើម្បីប្រកួត​បន្ត​រកអ្នកឈ្នះ-ចាញ់។

ប្រកួតក្នុងម៉ោងបន្ថែម បានតែ៣នាទី (នៅនាទីទី៩០+៣) ម្ដងនេះ គឺក្រុមប៊ីលបៅ ជាអ្នក​រកគ្រាប់បាល់​​មួយគ្រាប់ នាំមុខវិញ។ តែបន្ទាប់​ពីនោះមក ក្រុមអ្នកមានបុណ្យ បាសឺឡូន រកមិនបាន​គ្រាប់បាល់ស្មើ មកវិញទេ ទោះជា​បានបើក​ការប្រយុទ្ធ ជាច្រើនដងក្ដី។

មិនត្រឹមតែប៉ុណ្ណោះ នៅចុងបញ្ចប់នៃការប្រកួត គឺនៅនាទីទី៩០+៣០ កំពូលខ្សែប្រយុទ្ធរបស់ក្រុមបាសា កីឡាករ លីយ៉ូនែល ម៉េស៊ី (Lionel Messi) ថែមទាំងត្រូវអាជ្ញាកណ្ដាលដកកាតក្រហម បណ្ដេញចេញពីការប្រកួត បន្ទាប់ពីកីឡាករដ៏ល្បីរូបនេះ បានទាញក្បាលកីឡាករក្រុម ប៊ីលបៅ ម្នាក់ឲ្យដួលទៅលើដី។

ក្រុម អាត្លេទិក-ប៊ីលបៅ ដែលស្ថិតនៅ​ភាគខាងជើង នៃប្រទេសអេស្ប៉ាញ ធ្លាប់បានលើកពាន «Super Cup» បានចំនួនពីរលើកហើយ នៅឆ្នាំ១៩៨៤ និងឆ្នាំ២០១៥។ នៅឆ្នាំ១៩៨៣ និងឆ្នាំ២០០៩ ក្រុម ប៊ីលបៅ ក៏បានឡើង​ដល់​​វគ្គផ្ដាច់ព្រ័ត្រដែរ តែមិនទទួល​បានជ័យជំនះ​ទេ។

រីឯក្នុងរដូវកាល​ឆ្នាំ២០២១នេះ មុននឹងឡើងមក​បំបាក់ក្រុម បាសា នៅវគ្គផ្ដាច់ព្រ័ត្រ ក្រុម ប៊ីលបៅ ក៏បានបំបាក់ក្រុម រៀលម៉ាឌ្រីត (Real Madrid) នៅវគ្គពាក់កណ្ដាល​ផ្ដាច់ព្រ័ត្រ​រួចហើយ៕



លំអិតបន្ថែមទៀត

កីឡា និងបច្ចេកវិទ្យា

Champions League៖ បាយ៉ឺន បំបាក់មុខ បាសឺឡូន ៨-២ ចាស់ដៃ

មិនធ្លាប់មានពីមុនទេ រាប់ពីឆ្នាំ១៩៤៥មក នៅក្នុងប្រវត្តិសាស្ត្ររបស់ក្រុម បាសឺឡូន (FC Barcelonne – អេស្ប៉ាញ) ដែលរងការ«បំបាក់មុខ» ដោយទទួលគ្រាប់បាល់ ពីគូប្រកួតរហូតដល់ទៅ ៨គ្រាប់។ ក្នុងយប់ថ្ងៃសុក្រនេះ ...
កីឡា និងបច្ចេកវិទ្យា

បាសឺឡូន សង្គ្រោះការប្រកួតខ្លួនដោយយកស្មើ ណាប៉ូលី

CHAMPIONS LEAGUE ៖ រកគ្រាប់បាល់បាន ក្នុងការប្រកួត នៅខាងក្រៅផ្ទះរបស់ខ្លួន ទល់នឹងក្រុម ណាប៉ូលី (SSC Napoli) បានផ្ដល់ទឹកមាត់ឲ្យ ក្រុម បាសឺឡូន ...
កីឡា និងបច្ចេកវិទ្យា

Champions League៖ ម៉េស៊ី នាំ បាសា ទៅជួប បាយឺន នៅវគ្គ១/៤

ថ្វីជើងរបស់កំពូលកីឡាក លីយ៉ូនែល ម៉េស៊ី (Lionel Messi) ពិតជាពិសេស! ក្នុងយប់ថ្ងៃសៅរ៍នេះ កីឡាករ​ជាតិ​អាហ្សង់ទីនរូបនេះ បាននាំក្រុម បាសឺឡូន (FC Barcelone – ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...