មិនខុសពីការទម្លាយ ឲ្យដឹងជាមុន ដោយប្រព័ន្ធផ្សព្វផ្សាយនោះទេ លោក អង់តូញ៉ូ កុងតេ (Antonio Conte) ត្រូវបានក្រុម«មាន់ខ្នាយមាស» ថូថេនហាម (Tottenham FC – អង់គ្លេស) ជ្រើសតាំង​ឲ្យក្លាយជា​គ្រូបង្វឹក ចាប់ពីថ្ងៃអង្គារទី២ ខែវិច្ឆិកានេះ រហូតដល់ចប់រដូវកាល ឆ្នាំ២០២៣ (កិច្ចសន្យាពីរឆ្នាំ)។

មានអាយុ ៥២ឆ្នាំ លោក អង់តូញ៉ូ កុងតេ ជាតិអ៊ីតាលី បានស្ថិតក្នុងភាពទំនេរ តាំងពីលោកបានចាកចេញ ពីក្រុមអ៊ិនធើមីឡង់ (Inter Milan) ចាប់ពីចុងរដូវកាលកន្លងមក។ ក្នុងថ្ងៃអង្គារនេះ គ្រូបង្វឹកជាតិអ៊ីតាលីខាងលើ ត្រូវចូលមកជំនួសតំណែង របស់លោក «Nuno Espirito Santo» ដែលត្រូវបានក្រុម ថូថេនហាម បណ្ដេញចេញ​កាលពីថ្ងៃចន្ទ​ម្សិលម៉ិញ។

សេចក្ដីប្រកាសព័ត៌មាន របស់ក្រុមមាន់ខ្នាយមាស បានសរសេរឲ្យដឹងថា៖

«យើងខ្ញុំមានសេចក្ដីរីករាយ ដោយសូមប្រកាស​ពីការជ្រើសតាំងលោក អង់តូញ៉ូ កុងតេ ឲ្យក្លាយជាគ្រូបង្វឹក និងដឹកនាំ ជាមួយនឹងកិច្ចសន្យា រហូតដល់រដូវក្ដៅឆ្នាំ២០២៣ បូកនឹងលទ្ធភាពបន្តកិច្ចសន្យា សម្រាប់រយៈពេល១ឆ្នាំបន្ថែមទៀត។»

លោក កុងតេ ត្រូវទទួលបន្ទុក ក្នុងការដឹកនាំក្រុម ថូថេនហាម ឲ្យទទួលបានចំណាត់ថ្នាក់ល្អ ជាងសព្វថ្ងៃ ដែលទទួលបានត្រឹមតែលេខ៩ ក្នុងក្របខណ្ឌ «Premier League» និងលេខ៣ ក្នុងក្របខណ្ឌ «Europa Conference League»។

គ្រូបង្វឹករូបនេះ ដែលល្បីថាមានមាត់ដាច មិនសូវចេះទប់ ធ្លាប់បានដឹកនាំក្រុម​បាល់ទាត់ នៅក្នុងចក្រភពអង់គ្លេសម្ដងហើយ រវាងពីឆ្នាំ២០១៦ មកទល់ឆ្នាំ២០១៨។ ក្រុមនោះ គឺក្រុមតោខៀវ ឆែលស៊ី (Chelsea FC) ដែលបានឈ្នះជាជើងឯក ក្របខណ្ឌ​«Premier League» ក្នុងឆ្នាំ២០១៧ ក្រោមការដឹកនាំរបស់លោក៕



You may also like

កីឡា និងបច្ចេកវិទ្យា

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham ...
កីឡា និងបច្ចេកវិទ្យា

ក្រុម«ស្ពឺ»ហាលអាវ​ជាស្ថាពរ បន្ទាប់ពី​ចាញ់​«គោជល់»​អាល្លឺម៉ង់ ៣-០

៣-០ ៖ ខុសពីរដូវកាលមុន ដែលឈានដល់គផ្ដាច់ព្រ័ត្រ ក្នុងឆ្នាំនេះ ក្រុម ស្ពឺ (Tottenham FC – អង់គ្លេស) បានបញ្ចប់ក្របខណ្ឌ​ដណ្ដើមជើងឯកអ៊ឺរ៉ុប «Champions ...
កីឡា និងបច្ចេកវិទ្យា

វគ្គ​ផ្ដាច់ព្រ័ត្រ​ដណ្ដើម​ជើងឯក​អ៊ឺរ៉ុប​ឆ្នាំនេះ ជា​ក្រុម​អង់គ្លេស​១០០%

ក្រុមថូថេនហាម (Tottenham FC – អង់គ្លេស) ទើបនឹងបំបាក់ក្រុម អាហ្សាក់ (Ajax Amsterdam – ហូឡង់) ឲ្យដួលបះជើងវិញ ដើម្បីឡើងទៅជួបក្រុម ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...