កីឡា និងបច្ចេកវិទ្យាបាល់ទាត់

Champions League ៖ ឃេន បង្ហើយ​ឲ្យក្រុមស្ពឺ​បានឆ្លង​ទៅវគ្គ១/៤

«Champions League»៖ ក្រុមដ័រមូន (Borussia Dortmund – អាល្លឺម៉ង់) ដែលប្រកួតចាញ់ក្រុម ថូថេមហាម (Tottenham FC – អង់គ្លេស) ក្នុងការប្រកួត«ទៅ» ដោយពិន្ទុយ៉ាងធ្ងន់ ០-៣នោះ បានព្យាយាមរកពិន្ទុឲ្យបានមកវិញ ក្នុងការប្រកួត«ត្រឡប់» ក្នុងយប់ថ្ងៃអង្គារនេះ ដែលប្រព្រឹត្តិទៅក្នុងផ្ទះរបស់ខ្លួន ឯក្រុងដ័រមូន (ភាគខាងលិច)។

ក្រុមដ័រមូនចាំបាច់ត្រូវវាយសន្ធាប់ ដើម្បីរកគ្រាប់បាល់ឲ្យបានលឿនបំផុត ក្នុងន័យយកទៅទូទាត់ជាមួយគ្រាប់បាល់ ដែលខ្លួនបានប្រកួតចាញ់លើកមុន ដើម្បីសង្ឃឹមបានឆ្លងវគ្គ សម្រាប់ក្របខណ្ឌដណ្ដើមជើងឯកអ៊ឺរ៉ុប «Champions League» ឆ្នាំ២០១៨-២០១៩នេះ។

ប៉ុន្តែ ក្រុមថូថេមហាម គឺជាជញ្ជាំងភ្នំដ៏ធំមួយ ដែលទប់មិនឲ្យក្រុម ដ័រមូន ខិតទៅជិតទីរបស់ខ្លួន ដោយងាយៗឡើយ ជាពិសេសក្រុម ស្ពឺ មានកីឡាករបារាំង «Hugo Iloris» ដែលជាជើងឯកលើកពានពិភពលោក ឆ្នាំ២០១៨ថ្មីៗ នៅចាំទី ដោយកីឡាកររូបនេះ តែងបានចាប់ និងទះចេញ នូវគ្រាប់បាល់របស់ក្រុម ដ័រមូន បានជាច្រើនដង។

រហូតដល់ពាក់កណ្ដាលម៉ោងដំបូង ក្រុមទាំងពីរមានឱកាសវាយលុក ទៅវិញទៅមក​ប្រហាក់ប្រហែលគ្នា តែរកមិនបាន​សូម្បីតែមួយគ្រាប់ បើទោះជាក្រុម ដ័រមូន មានភាគរយ​គ្រប់គ្រងបាល់ រហូតដល់​ទៅ៧១%ក៏ដោយ។

ចូលមកដល់ដើម​ពាក់កណ្ដាលម៉ោងទីពីរ ក្ដីសង្ឃឹមរបស់ក្រុម ដ័រមូន រលាយខ្សុល​ដូចអំបិលត្រូវទឹក។ ព្រោះចូលមកទាត់វិញ មិនបានប៉ុន្មានផង គឺនៅនាទីទី៤៨ ខ្សែប្រយុទ្ធអង់គ្លេស កីឡាករ «Harry Kane» រកគ្រាប់បាល់បានមួយគ្រាប់ ឲ្យក្រុមស្ពីនាំមុខ បាន ១-០។

បាល់តែមួយគ្រាប់មែន តែវាបានបន្ថែមទំងន់ ឲ្យពិន្ទុសរុបនៃការប្រកួតទាំងពីរលើក រហូតដល់ ៤-០ ដែលពិបាកឲ្យក្រុមដ័រមូន រកគ្រាប់បាល់សង ឲ្យទាន់ពេលវិញណាស់។

មានឱកាសមួយចំនួន ដែលអាចឲ្យក្រុមដ័រមូន ស្ដារមុខមាត់នៅចំពោះអ្នកគាំទ្រ​ពណ៌​«លឿង»​របស់​ខ្លួនដែរ តែដូចបានបញ្ជាក់មុននេះថា ក្រុមស្ពឺបានបណ្ដាក់គ្នាការពារបានយ៉ាងល្អ ដែលបង្ហាញពីភាពស័ក្ដិសមរបស់ក្រុមនេះ ក្នុងការបោះជំហានឡើងទៅវគ្គ១ភាគ៤ ដែលការប្រកួត នឹងប្រព្រឹត្តិទៅ ក្នុងខែមេសាខាងមុខ៕




លំអិតបន្ថែមទៀត

កីឡាករ គ្រីស្យាណូ រ៉ូណាល់ដូ ក្នុងការប្រកួតរវាងក្រុម ជូវេនទូស និងក្រុម ព័រតូ ក្របខណ្ឌដណ្ដើមជើងឯកអ៊ឺរ៉ុប។ (រូបថត UEFA)
កីឡា និងបច្ចេកវិទ្យា

Champions League៖ រ៉ូណាល់ដូ-ក្រុម​សេះបង្កង់ ហាលអាវត្រឹម១/៨

ក្រុម​សេះបង្កង់ នៃប្រទេសអ៊ីតាលី ដែលមានខ្សែប្រយុទ្ធដ៏ល្បី កីឡាករ គ្រីស្ទាណូ រ៉ូណាល់ដូ (Cristiano Ronaldo) ត្រូវបាន​ជម្រុះចេញ​ជាស្ថាពរ ពីការប្រកួតក្របខណ្ឌ​​«Champions League» បើទោះជាបានប្រកួតឈ្នះ លើក្រុម​នាគខៀវ ...
កីឡាករក្រុម លីយ៉ុង (បារាំង) អបអរជ័យជំនះរបស់ខ្លួន បន្ទាប់ពីប្រកួតឈ្នះក្រុម មេនស៊ីធី នៅវគ្គ១/៤ក្របខណ្ឌ «Champions League»។ (រូបថត UEFA)
កីឡា និងបច្ចេកវិទ្យា

Champions League៖ មេនស៊ីធី ហាលអាវ​​ក្រោម​ថ្វីជើង លីយ៉ុង

ក្រុម មេនស៊ីធី (Manchester City – អង់គ្លេស) ដែលល្បីថាចាយលុយ ដូចក្រដាស បានបញ្ចប់ក្ដីសុបិន្តរបស់ខ្លួន នៅត្រឹមវគ្គ១/៤ បន្ទាប់ពីត្រូវក្រុម លីយ៉ុង (Olympique ...
កីឡា និងបច្ចេកវិទ្យា

ក្រុម«អ្នកមានបុណ្យ»​លត់​តោបារាំង​៥-១ ដើរឆ្លង​ឡើងទៅ​១ភាគ៤

មិនមានអ្វីចម្លែកទេ ក្រុមលីយ៉ុង (Olympic Lyonnais – បារាំង) មិនអាចទប់ទល់ នឹងខ្សែប្រយុទ្ធដ៏ខ្លាំងក្លា របស់ក្រុម«អ្នកមានបុណ្យ»បាសឺឡូន (Fc Barcelona – អេស្ប៉ាញ) ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...