តើមានអ្វីទាក់ទងគ្នា រវាងទិវាអន្តរជាតិស្ដីពីសិទ្ធិស្ត្រី ថ្ងៃ៨មីនា និងជំងឺរាតត្បាតកូវីដ-១៩ (Covid-19)? សម្រាប់​លោក​នាយករដ្ឋមន្ត្រី ហ៊ុន សែន បានភ្ជាប់ព្រឹត្តិការណ៍ទាំងពីរនេះ ទៅក្នុងប្រធានបទថ្មី​មួយ ដែលលោកដាក់​ឈ្មោះ​ឱ្យថា៖ «ស្ត្រី​និងការអភិវឌ្ឍ ក្នុងបរិការណ៍​កូវីដ-១៩»។

បុរសខ្លាំងនៅកម្ពុជា បានលើកឡើងដូច្នេះ នៅលើបណ្ដាញសង្គម ដោយអមមកជាមួយ នូវរូបថតលោក និងភរិយា​លោក កាលពី​ប៉ុន្មាននាទីមុន។ លោកមិនបានភ្លេចរៀបរាប់ផងទេថា ចាប់តាំងពីថ្ងៃរំដោះ ៧មករា (ឆ្នាំ១៩៧៩) រហូត​ដល់ពេលបច្ចុប្បន្ន រដ្ឋាភិបាល​របស់លោក បានយកចិត្តទុកដាក់ ក្នុងការលើកកម្ពស់ស្រ្តី រហូតបង្កើត​បានជា​ពាក្យ​ស្លោកថា «ស្រ្តីជាឆ្អឹងខ្នង​សេដ្ឋកិច្ចជាតិ»។

លោក ហ៊ុន សែន សរសេរបន្តថា៖

«“ស្ត្រី​និងការអភិវឌ្ឍ ក្នុងបរិការណ៍កូវីដ-១៩” គឺជាប្រធានបទដ៏មានអត្ថន័យ នៃទិវាអន្តរជាតិនារី ៨មីនា លើកទី​១១០ ដែលជា​ការបង្ហាញឲ្យឃើញ ពីតួនាទីយ៉ាងសំខាន់ របស់ស្រ្តីនៅក្នុងសង្គមជាតិ ជាពិសេស​ក្នុងការប្រយុទ្ធ​ប្រឆាំង ជម្ងឺកូវីដ-១៩ នាពេល​បច្ចុប្បន្ននេះ ដែលជាបុព្វលក្ខខណ្ឌ​មិនអាចប្រកែកបានឡើយ ក្នុងការរួមចំណែក​ជួយដល់ការលើកកម្ពស់​សិទ្ធិសេរីភាព​របស់ស្ត្រី និងជួយអោយស្ត្រីមានតម្លៃ កាន់តែខ្ពស់ឡើង នៅក្នុងសង្គមជាតិ និងលើឆាកអន្តរជាតិ។»

តែនាយករដ្ឋមន្ត្រីវ័យ៦៨ឆ្នាំរូបនេះ មិនបានបញ្ជាក់ផងទេថា តើ«បុព្វលក្ខខណ្ឌ»​ដែលលោកលើកឡើងនោះ មានអ្វីខ្លះ ហើយបានទាក់ទង និងរួមចំណែក ក្នុងការលើកកម្ពស់សិទ្ធិស្ត្រី នៅត្រង់ណាឡើយ៕

អបអរសាទរទិវាអន្តរជាតិនារី ៨ មីនា ២០២១! ទន្ទឹមនឹងការចូលរូមអបអរសាទរថ្ងៃឈប់សម្រាក ៨ មីនា…

Posted by Samdech Hun Sen, Cambodian Prime Minister on Sunday, March 7, 2021


You may also like

កម្ពុជា

ហ៊ុន សែន គ្រោង​«រក្សាទុក»​អាកាស​យានដ្ឋាន​ពោធ៍ចិនតុង តែមាន​មុខងារថ្មី

បើកម្ពុជាមានព្រលានយន្ដហោះថ្មី ធំនិងទំនើប ជាងព្រលានយន្ដហោះ ពោធ៍ចិនតុង តើព្រលាន​យន្ដហោះ​ចាស់មួយនេះ នឹងមានវាសនា ក្លាយជាអ្វី? លោកនាយករដ្ឋមន្ត្រី ហ៊ុន សែន បានឆ្លើយ​នឹងសំនួរនេះ ថារដ្ឋាភិបាល​លោក នឹងបន្ត​«រក្សាទុក»​​អាកាស​យានដ្ឋាន​ចាស់ ...
កម្ពុជា

ហ៊ុន សែន បញ្ជា​ឲ្យ​ចាប់ខ្លួន​ជន​ដែល​បង្អើល មិនឱ្យ​ចាយប្រាក់​ដុល្លារ​ខ្នាតតូច

មិនត្រឹមតែជនទាំងឡាយ ដែលបំផុសបំផុល មិនឱ្យ​ចាយប្រាក់​ដុល្លារ​ខ្នាតតូច នោះ​ប៉ុណ្ណោះ​ទេ បើសូម្បី​អ្នកកាត់ទឹក ក្រដាសប្រាក់ទាំងនេះ ក៏ត្រូវលោកនាយករដ្ឋមន្ត្រី ហ៊ុន សែន ព្រមាន​តាមចាប់ខ្លួន មក​ផ្ដន្ទាទោស​ដែរ។ លោកបានទាំងហៅ ក្រុមប្រឆាំង ...
កម្ពុជា

ខ្មែរនៅអ៊ឺរ៉ុបគ្រោង«ធ្វើបាតុកម្មជាថ្មី» ម្ដងនេះនៅមុខ​ក្រសួងការបរទេសបារាំង

នៅថ្ងៃសុក្រ ទី២២ ខែកុម្ភៈ ឆ្នាំ២០១៩ខាងមុខ សហគមន៍ខ្មែរនៅក្នុងប្រទេសបារាំង និងអឺរុប នឹងគ្រោងប្រមូលគ្នាដើម្បី ធ្វើបាតុកម្មជាថ្មី នៅក្នុងរដ្ឋធានីប៉ារីស ប្រទេសបារាំង។ ខុសពីកន្លងមក ដែលបាតុកម្មរបស់បណ្ដាជនខ្មែរ តែងត្រូវបានរៀបចំធ្វើ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...