កម្ពុជាដំណឹង

មន្ត្រីផ្លូវការ អ.ស.ប ប្រតិកម្មនឹង​ការចាប់ចង​ពលរដ្ឋ ដោយ​របប​ក្រុងភ្នំពេញ

ពីឆ្វេងទៅស្ដាំ៖ អ្នកស្រី រ៉ូណា ស្មីត និងអ្នកស្រី ម៉ារី លោវល័រ អ្នករាយការណ៍ពិសេស អង្គការសហប្រជាជាតិ ស្ដីទីស្ថានភាពសិទ្ធិមនុស្ស។ (រូបថត UN)
ពីឆ្វេងទៅស្ដាំ៖ អ្នកស្រី រ៉ូណា ស្មីត និងអ្នកស្រី ម៉ារី លោវល័រ អ្នករាយការណ៍ពិសេស អង្គការសហប្រជាជាតិ ស្ដីទីស្ថានភាពសិទ្ធិមនុស្ស។ (រូបថត UN)

ប្រតិកម្មនឹង​ការចាប់ចង​ពលរដ្ឋ ដែលធ្វើឡើង ដោយអាជ្ញាធររបប​ក្រុងភ្នំពេញ បាន​ធ្លាក់ចុះ​​មកជាបន្តបន្ទាប់ ជាពិសេស ប្រតិកម្មរបស់មន្ត្រីផ្លូវការ របស់អង្គការ​សហប្រជាជាតិ (UN – អ.ស.ប) ដែលមាន​ជំនាញ​ខាង​សិទ្ធិមនុស្ស។

អ្នកស្រី ម៉ារី លោវល័រ (Mary Lowlor) អ្នករាយការណ៍ពិសេស អង្គការសហប្រជាជាតិ ជំនាញខាងសិទ្ធិមនុស្ស​សាកល  បានបង្ហោះសារជាបន្តបន្ទាប់ និងចំនួនពីរថ្ងៃជាប់គ្នា ជុំវិញព្រឹត្តិការណ៍ចាប់ចង់មនុស្ស នៅក្នុង​ប្រទេសកម្ពុជា ដោយអ្នកស្រីបានប្រើពាក្យថា ក្រុមអាជ្ញាធរ នៃរបបក្រុងភ្នំពេញ កំពុង«លាបពណ៌»សកម្មភាព របស់ក្រុមយុវជន និង​ពលរដ្ឋ ដែលគ្រាន់តែ​​ធ្វើការទាមទារ ដោយសន្តិវិធី​ប៉ុណ្ណោះ។

នៅលើទំព័រទ្វីសធើរផ្លូវការ កាលពីប៉ុន្មានម៉ោងមុន អ្នកស្រី លោវល័រ បានសរសេរថា៖

«ខ្ញុំមានការព្រួយបារម្ភ ជាពន់ពេក នៅចំពោះព័ត៌មាន​ដែលឲ្យដឹងថា អាជ្ញាធរ​កម្ពុជា​កំពុងលាបពណ៌ ថាជាទង្វើ​ខុសច្បាប់ ទៅលើសកម្មភាពដោយអហិង្សា របស់ក្រុមយុវជន​ខ្មែរថាវរៈ និងក្រុម​សកម្មជន​មាតាធម្មជាតិ។ ខ្ញុំក៏បានទទួល​របាយការណ៍មកដែរ អំពី​គម្រោងចុះត្រួតពិនិត្យ ទៅលើអង្គការក្រៅ​រដ្ឋាភិបាល​ផ្សេងទៀត និងរបាយការណ៍ ដែល​ចង្អុលបង្ហាញថា ក្រុមអ្នកការពារ​សិទ្ធិមនុស្ស ត្រូវបានចាប់ខ្លួន និងបញ្ជូនទៅឃុំ នៅឯ​ពន្ធនាគារ។»

ប៉ុន្តែនៅមុននេះបន្តិច អ្នកស្រីបានបញ្ជាក់បន្ថែម អំពីចំនួនមនុស្សជាក់លាក់ ថាមាន​ចំនួន៧នាក់ ដែលត្រូវបានឃាត់ខ្លួន។ អ្នកស្រីបានសរសេរថា៖

«ខ្ញុំបានទទួលដំណឹង គួរឲ្យរន្ធត់ថា ក្រុមសកម្មជនការពារសិទ្ធិមនុស្ស ចំនួន៧នាក់ ត្រូវបាន​ចាប់ឃុំខ្លួន នៅក្នុងប្រទេសកម្ពុជា។ ខ្ញុំបានដឹងទៀតថា សកម្មនារី​ការពារ​សិទ្ធិមនុស្ស កញ្ញា អេង ម៉ាឡៃ (ហៅ សូ មេត្តា) ត្រូវបានឃាត់ខ្លួន ភ្លាមៗបន្ទាប់ពីនាង បានចូលជួប​មន្ត្រីអង្គការសហប្រជាជាតិ ក្នុងការិយាល័យ ប្រចាំរាជធានីភ្នំពេញ។»

កាលពីថ្ងៃអាទិត្យ អ្នកស្រីបានលើកឡើង អំពីការទទួលរបាយការណ៍ ប្រហាក់ប្រហែល​គ្នា និងបានគូសបញ្ជាក់ថា៖

«ការតវ៉ាដោយសន្តិវិធី មិនមែនជាឧក្រិដ្ឋកម្មទេ។»

រាប់​ពី​ដើម​ខែ​កញ្ញា ​មក​ត្រឹម​ថ្ងៃ​អង្គារ​ (ទី៨ ខែកញ្ញា) នេះ ​ក្រុម​យុវជន​៧​នាក់​ ក្នុង​នោះ​មាន​ព្រះ​សង្ឃ​មួយ​អង្គ ​ត្រូវ​បាន​ឃាត់​ខ្លួន​ជា​បន្ត​បន្ទាប់​ ក្រោម​បទ​ញុះញង់ ​ឲ្យ​បង្ក​ភាព​វឹក​វរ​ដល់​សន្តិសុខ​សង្គម។​

ពួកគេទាំង៧រូប រួមមាន៖

  • ព្រះ​តេជ​គុណ​ កើត​ សារ៉ាយ​ (សមាជិកក្រុម​យុវជន​ខ្មែរ​ថាវរៈ)
  • លោក​ ថា ឡាវី​ (សមាជិកក្រុម​យុវជន​ខ្មែរ​ថាវរៈ)
  • កញ្ញា ​អេង ម៉ាឡៃ​ ហៅ ​សូ មេត្តា​ (សមាជិកក្រុម​យុវជន​ខ្មែរ​ថាវរៈ)
  • ​លោក ​មាន ​ព្រហ្មមុនី ​អនុ​ប្រធាន​សមាគម​និស្សិត​បញ្ញវន្ត​ខ្មែរ​
  • លោក ថុន រដ្ឋា​ (សមាជិកចលនាមាតាធម្មជាតិ)
  • កញ្ញា ឡុង គន្ធា ​(សមាជិកចលនាមាតាធម្មជាតិ) ​
  • និងកញ្ញា ភួន កែវរស្មី (សមាជិកចលនាមាតាធម្មជាតិ)។

ចំនួនសកម្មជន ទាំង៧នាក់ខាងលើ នៅមិនទាន់រាប់បញ្ចូល យុវជន គា សុគន្ធ ម្ចាស់បទ​ចម្រៀង «Rap» មួយរូប ដែលត្រូវបានចាប់ខ្លួន ក្នុងខេត្តសៀមរាប កាលពីចុង​សប្ដាហ៍​មុន និង​លោក គង់ សំអាន អតីត​សកម្មជន​គណបក្ស​សង្គ្រោះជាតិ​​មួយរូបទៀត ដែល​ទើប​​ត្រូវបានចាប់ខ្លួន ក្នុង​ខេត្តត្បូងឃ្មុំ កាលពីថ្ងៃចន្ទ។ ក្នុងថ្ងៃចន្ទនេះដដែល យុវជន​ម្នាក់ផ្សេង ឈ្មោះ ឡុញ សូម៉ានី ដែលស្និតគណបក្សប្រឆាំង ត្រូវបានក្រុមជនពាល លួចវា​យប្រហារ ឲ្យរងរបួសជាទម្ងន់។

​សម្រាប់អ្នក​រាយ​ការណ៍​ពិសេស ​អង្គការ​សហ​ប្រជាជាតិ​ ទទួល​បន្ទុក​សិទ្ធិ​មនុស្ស​ នៅ​កម្ពុជា ​អ្នកស្រីស្រី​ រ៉ូណា ស្មីត ​(Rhona Smith) បានបង្ហាញ ប្រតិកម្មនឹង​ការចាប់ចង​ពលរដ្ឋ ប្រហាក់ប្រហែលនឹងអ្នកស្រី ម៉ារី លោវល័រ ដែរ។ តែអ្នកស្រីបានស្នើ ឲ្យអាជ្ញាធរ​របប​ក្រុងភ្នំពេញ ត្រូវធានា​សិទ្ធិសេរីភាព របស់ពលរដ្ឋកម្ពុជា ដែលត្រូវបានការពារ ដោយ​និយាម និងបទដ្ឋានសិទ្ធិមនុស្ស​អន្តរជាតិ ក៏ដូចជា​រដ្ឋធម្មនុញ្ញ​កម្ពុជា។

តាមរយៈទំព័រហ្វេសប៊ុកផ្លូវការ អ្នកស្រី រ៉ូណា ស្មីត បានសរសេរថា៖

«សិទ្ធិសេរីភាព ក្នុងការបញ្ចេញមតិ បង្កើតសមាគម និងការជួបជុំដោយសន្តិវិធី ត្រូវ​បាន​ការពារ ដោយនិយាម និងបទដ្ឋានសិទ្ធិមនុស្សអន្តរជាតិ ក៏ដូចជា​រដ្ឋធម្មនុញ្ញ​កម្ពុជា​ផងដែរ។ ខ្ញុំសូមលើកទឹកចិត្ត ដល់អាជ្ញាធរកម្ពុជា ធានាថា​សិទ្ធិទាំងនេះ ​ត្រូវបាន​គោរព និងការពារ ហើយបង្កើតបរិយាកាសមួយ ដែលបុគ្គល​ម្នាក់ៗ អាចអនុវត្ត​សិទ្ធិទាំងនេះ។»

អ្នកស្រីបន្តថា៖

«ខ្ញុំសូមជំរុញឱ្យបញ្ជូនអ្នក ដែលត្រូវបានចាប់ខ្លួនទាំងនោះ ទៅតុលាការ ហើយត្រូវគោរព ឲ្យបានពេញលេញ នូវសិទ្ធិទទួលបាននីតិវិធីត្រឹមត្រូវ របស់ពួកគេ។ ខ្ញុំកំពុងតាមដាន ព្រឹត្តិការណ៍ទាំងនេះ យ៉ាងដិតដល់ នៅក្នុង​ប្រទេសកម្ពុជា៕»



លំអិតបន្ថែមទៀត

ដំណឹង

Covid-19៖ អគ្គលេខាធិការ អ.ស.ប ថា​​ការរាតត្បាត បង្កើនវិបត្តិផ្លូវចិត្ត

អគ្គលេខាធិការអង្គការសហប្រជាជាតិ  លោក អង់តូនីញ៉ូ ហ្គូតេរេស (António Guterres) បានថ្លែងនៅក្នុងវីដេអូមួយ ដោយអះអាង ថា​​ការរាតត្បាត នៃជំងឺ«Covid-19» កំពុងបង្កើន​គំនាប នៃភាពតានតឹង ខាងផ្លូវចិត្ត ...
ទស្សនៈប្រិយមិត្ត

លិខិតអ្នកអាន៖ ​«ការ​អស់​សុពល​​ភាព»ដ៏ចម្លែក​នៃ​កិច្ច​ព្រម​ព្រៀងក្រុងប៉ារីស

«ការ​អស់​សុពល​​ភាព ដ៏ចម្លែក»៖ បន្ទាប់ពីគេចផុត ពីរបបកាប់សម្លាប់រាស្ត្រខ្លួនឯងមក ពលរដ្ឋខ្មែរក៏មិនបាន​សុខ​សាន្តត្រាន​ដែរ គឺនៅអត់ឃ្លាន ភិតភ័យនឹងសន្តិសុខ និងសង្គ្រាមជានិច្ចរហូតដល់មានកិច្ចព្រមព្រៀងមួយ បញ្ចប់​ជម្លោះ​រវាងខ្មែរនឹងខ្មែរ ដែលមានបរទេសជាបង្អែក ប៉ុន្តែកិច្ចព្រមព្រៀងនេះ នៅមានភាពចម្រោងចម្រាស់យ៉ាងខ្លាំង ដោយម្ខាង​យល់ថា ...
កម្ពុជា

សម រង្ស៊ី ថា​«ការញាំញី»​ពីសំណាក់​ក្រុងភ្នំពេញ ជា​កិត្តិយស​សម្រាប់​លោក

មេដឹកនាំប្រឆាំង បានឆ្លើយតបទៅនឹងសេចក្ដីប្រកាស តាមចាប់ខ្លួនរូបលោក ពីសំណាក់អាជ្ញាធររបបក្រុងភ្នំពេញ ដោយចាត់ទុកទង្វើនោះ ថាជា«ការញាំញី» ដែលផ្ដល់ជា«កិត្តិយស»សម្រាប់លោកទៅវិញទេ។ កាលពីចុងសប្ដាហ៍មុន ​អគ្គស្នងការ​នគរបាល​ជាតិ​កម្ពុជា បាន​ចេញសេចក្ដីប្រកាសមួយ ថាខ្លួននឹងប្រើគ្រប់មធ្យោបាយ ដើម្បី​តាម​ចាប់ខ្លួន​លោក សម រង្ស៊ី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...