កម្ពុជាដំណឹង

«ទីបំផុត» ប្រាក់សន្យា​សម្រាប់​មន្ទីរពេទ្យ​គន្ធបុប្ផា​មានចំនួន… ១០០រៀល !

ទាមទារសំណងជម្ងឺចិត្ត មិនមែន«១០០រៀល» «ហើយសំណងទាំងអស់ នឹងប្រគល់ជូនមន្ទីរពេទ្យគន្ធបុប្ផា ដោយគ្មានទុកមួយសេនឡើយ»។

វាជាការដកស្រង់ ចេញពីរាល់អត្ថបទចេញផ្សាយ ដោយសារព័ត៌មានមួយ ស្និតរបបក្រុងភ្នំពេញ រាប់ចាប់តាំងពីប្រព័ន្ធឃោសនាមួយនេះ បានដាក់ពាក្យប្ដឹងមន្ត្រីយោធាមួយរូប ឈ្មោះ ផែង វណ្ណៈ កាលពីចុងខែមិនានោះមក។

ក្រៅពីសរសេរឃ្លាខាងលើ​ នៅក្នុងអត្ថបទរបស់ខ្លួន ដដែលៗនោះ ការសន្យាផ្ដល់ប្រាក់សំណងជំងឺចិត្ត ទៅឲ្យមូលនិធិ​«គន្ធបុប្ផា» ក៏ត្រូវបានសរសេរបញ្ជាក់ នៅក្នុងពាក្យបណ្ដឹង«ផ្លូវការ»របស់អង្គភាពមួយនេះ តាមរយៈមេធាវីរបស់ខ្លួន ដាក់ឡើងទៅកាន់តុលាការរាជធានី​ដែរ។

ប៉ុន្តែ«នៅទីបំផុត»… ពាក្យ«នៅទីបំផុត» ដែលសារព័ត៌មានមួយនេះ ឧស្សាហ៍យកមកប្រើដូចគ្នា… ទឹកប្រាក់ដែលមន្ទីរពេទ្យគន្ធបុប្ផា សង្ឃឹមថានឹងទទួលបាន មានចំនួនត្រឹមតែ ១០០រៀល​ប៉ុណ្ណោះ។ នេះ បើតាមសាលក្រម របស់សាលាដំបូងរាជធានី ដែលសម្រេចផ្ដន្ទាទោស លោក ផែង វណ្ណៈ កាលពីថ្ងៃទី១៧ ខែមិថុនាម្សិលម៉ិញ ឲ្យជាប់ពន្ធនាគារ១ឆ្នាំ តែអនុវត្តទោសត្រឹមតែ២ខែកន្លះ – សងសំណងជំងឺចិត្ត សម្រាប់អង្គភាពសារព័ត៌មានម្ចាស់បណ្ដឹង ចំនួន១០០រៀល និងពិន័យជាប្រាក់ច្រើនលានរៀល។ 

ការប្ដូរចំនួនទឹកប្រាក់ នៃការទាមទារសំណង ត្រូវបានសារព័ត៌មានមួយនេះ ធ្វើឡើងកាលពីថ្ងៃទី១៥ ខែមិថុនា មួយថ្ងៃក្រោយលោក ផែង វណ្ណៈ ថ្លែងសារភាពនៅក្នុងសវនាការ ថាលោកបានប៉ះពាល់កិត្តិយស ដល់អង្គភាពព័ត៌មានមួយនេះ ដោយសារ​«ចិត្តឆេវឆាវ» ពេលបង្ហោះវីដេអូផ្ទាល់ នៅលើបណ្ដាញសង្គម។

លោក ផែង វណ្ណៈ មន្ត្រីយោធាពាក់ស័ក្ដិបួនកន្លះ បានអះអាងបន្តថា លោកនឹងសរសេរលិខិត ទៅ«សុំទោស»សារព័ត៌មានខាងលើ ថែមទៀត។ សារព័ត៌មានដ៏មហិមា ដែលត្រូវបានអង្គការអ្នកយកព័ត៌មានគ្មានព្រំដែន សរសេរក្នុងរបាយការណ៍ ដាក់ឈ្មោះឲ្យថា ជា«រោងចក្រ​ផលិត​ព័ត៌មាន​ក្លែងក្លាយ»។

ផ្ទុយទៅវិញ នៅក្នុងអត្ថបទចេញផ្សាយប៉ុន្មានថ្ងៃចុងក្រោយ ដែលទាក់ទងនឹងសំនុំរឿងដដែល គេមិនឃើញសារព័ត៌មានមួយនេះ អះអាងឡើងវិញថា សំណងជំងឺចិត្ត «១០០រៀល» ដែលខ្លួនទទួលបាន ពីការប្ដឹងលោក ផែង វណ្ណៈ នឹងត្រូវបញ្ជូនឲ្យមន្ទីរពេទ្យ គន្ធបុប្ផា នោះទេ។

ជាញឹកញយណាស់ ឈ្មោះមន្ទីរពេទ្យគន្ធបុប្ផា ដែលទទួលព្យាបាលកុមារ ដោយមិនយកប្រាក់ តែងត្រូវបានមេដឹកនាំ អ្នកនយោបាយ ស្ថាប័នរដ្ឋឬឯកជន និងមនុស្សមួយចំនួន នៅក្នុងប្រទេសកម្ពុជា យកមកប្រើ ដើម្បីអ្វីមួយដែលពួកគេហៅថា ជា«ការស្វែងរកជំនួយសប្បុរសធម៌» ជួយដល់មន្ទីរពេទ្យមួយនេះ៕



លំអិតបន្ថែមទៀត

កម្ពុជា

អាមេរិក​ព្រមាន​ក្រុងភ្នំពេញ​ក្នុងជំហរ​ងាកទៅ​ចិន ដូច«ខ្មែរក្រហម»​បានធ្វើ

ការស្វែងរកយុត្តិធម៌ជូនជនរងគ្រោះ នៅក្នុងរបបប្រល័យពូជសាសន៍ ខ្មែរក្រហម «គួរតែជាការព្រមានដ៍ខ្លាំងមួយ ដល់រដ្ឋាភិបាល នឹងក្រុមអ្នកប្រព្រឹត្តអំពើព្រៃផ្សៃ ឬបំបាត់សម្លេង​ប្រជាជន» ខណៈ «យើងត្រូវចងចំាដែរថា ក្រុមខ្មែរក្រហម​បានពឹងផ្អែកយ៉ាង​ងប់ងល់ ទៅលើមហាអំណាចធំមួយ»។ ខាងលើនេះ ជាដំណកស្រង់ឃ្លាសំខាន់ចំនួនពីរ ...
កម្ពុជា

សម រង្ស៊ី ថ្លែង​បន្ថែម​ឲ្យ​ជនមាន​កាំភ្លើង ត្រៀម​ការពារ​ខ្លួន​និង​ពលរដ្ឋ

នៅចំពោះគម្រោងបើកសវនាការ របស់សាលាដំបូងរាជធានីភ្នំពេញ ពីបទចោទ «ញុះញង់កុំឲ្យយោធិន ស្តាប់បង្គាប់ និងធ្វើឲ្យខូចទឹកចិត្តកងទ័ព» លោក សម រង្ស៊ី បានបញ្ជាក់ជំហរថា លោកមិនខ្វល់អ្វីឡើយ។ ផ្ទុយទៅវិញ លោកបានអំពាវនាវបន្ថែម ...
កម្ពុជា

សម រង្ស៊ី ថា​«ការញាំញី»​ពីសំណាក់​ក្រុងភ្នំពេញ ជា​កិត្តិយស​សម្រាប់​លោក

មេដឹកនាំប្រឆាំង បានឆ្លើយតបទៅនឹងសេចក្ដីប្រកាស តាមចាប់ខ្លួនរូបលោក ពីសំណាក់អាជ្ញាធររបបក្រុងភ្នំពេញ ដោយចាត់ទុកទង្វើនោះ ថាជា«ការញាំញី» ដែលផ្ដល់ជា«កិត្តិយស»សម្រាប់លោកទៅវិញទេ។ កាលពីចុងសប្ដាហ៍មុន ​អគ្គស្នងការ​នគរបាល​ជាតិ​កម្ពុជា បាន​ចេញសេចក្ដីប្រកាសមួយ ថាខ្លួននឹងប្រើគ្រប់មធ្យោបាយ ដើម្បី​តាម​ចាប់ខ្លួន​លោក សម រង្ស៊ី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...