កម្ពុជាដំណឹង

RSF ថា ហ៊ុន សែន ប្រើ​«Covid-19»​ធ្វើ​ច្បាប់​ដើម្បី​ពង្រឹង​អំណាច​ផ្ដាច់ការ

លោក ហ៊ុន សែន នាយករដ្ឋមន្ត្រីកម្ពុជា (ខាងឆ្វេង) និងកូនប្រុសរបស់លោក គឺលោក ហ៊ុន ម៉ាណែត។ (រូបថត AFP)

ខណៈជំងឺ«Covid-19» កំពុងបន្តរាតត្បាតពិភពលោក អង្គការអ្នកយកព័ត៌មានគ្មានព្រំដែន (RWB / RSF) ក៏កំពុងបន្តកិច្ចការរបស់ខ្លួនដែរ ក្នុងការឃ្លាំមើលសិទ្ធសេរីភាព នៃអ្នកសារព័ត៌មាន នៅគ្រប់ជ្រុងនៃផែនដី និងជាពិសេសនៅក្នុងប្រទេសកម្ពុជា ខណៈសេចក្ដីព្រាងច្បាប់ថ្មី ស្ដីពីការគ្រប់គ្រងប្រទេស ក្នុងពេលមានអាសន្ន អាចនឹងត្រូវអនុម័ត្រ ដោយរដ្ឋសភាកម្ពុជា នៅថ្ងៃសុក្រស្អែក។

សម្រាប់អង្គការអន្តរជាតិមួយនេះ ដែលមានស្នាក់ការធំ នៅរដ្ឋធានី ប៉ារីស (បារាំង) បានមើលឃើញថា ច្បាប់មួយនេះ នឹងក្លាយជាឧបករណ៍ថ្មីមួយទៀត សម្រាប់រដ្ឋាភិបាលលោក ហ៊ុន សែន ក្នុងការបង្ក្រាប ទៅលើសារព័ត៌មានឯករាជ្យ និងសិទ្ធិសេរីភាព នៃអ្នកសារព័ត៌មាន ក៏ដូចជាជួយលោក ហ៊ុន សែន ឲ្យពង្រឹងកៅអីអំណាច«ផ្ដាច់ការ» របស់លោក កាន់តែខ្លាំងឡើង។

ត្រង់វាក្យខណ្ឌទី១១ នៃមាត្រា៥ ជំពូក៣ នៃសេចក្ដីព្រាងច្បាប់ថ្មី បានសរសេរ ផ្ដល់អំណាចឲ្យរដ្ឋាភិបាល នូវវិធានការ៖

«ហាមឃាត់ ឬកម្រិតការចែកចាយ ឬការផ្សព្វផ្សាយព័ត៌មាន ដែលអាចបង្កឲ្យមានការភ័យខ្លាច ដល់សាធារណជន ឬចលាចល ឬដែលនាំឲ្យខូចខាត ដល់សន្តិសុខជាតិ ឬធ្វើឲ្យមានការភាន់ច្រឡំ អំពីស្ថានភាពនៃភាពអាសន្ន។»

ចំណែកឯវាក្យខណ្ឌទី១០ នៃមាត្រាដដែល បានផ្ដល់អំណាចឲ្យរដ្ឋាភិបាល នូវវិធានការ៖

«ឃ្លាំមើល និងតាមដាន តាមគ្រប់មធ្យោបាយ ដើម្បីទទួលបានព័ត៌មាន តាមរយៈប្រព័ន្ធទំនាក់ទំនងទូរគមនាគមន៍ គ្រប់រូបភាព ដើម្បីឆ្លើយតប ចំពោះភាពអាសន្ន។»

«RSF» បានអះអាងក្នុងសេចក្ដីថ្លែងការណ៍ ដែលបានចេញផ្សាយ កាលពីមុននេះបន្តិចថា ចំណុចទាំងពីរខាងលើ នៃច្បាប់ថ្មី នឹងផ្ដល់ដល់រដ្ឋាភិបាល នូវឧបករណ៍ថ្មីមួយ ដើម្បីតាមដានឃ្លាំមើល និងរាំងខ្ទប់ ប្រព័ន្ធផ្សព្វផ្សាយ កាន់តែខ្លាំងទៅ និងមិនដែលធ្លាប់មាន ក្នុងរបបប្រជាធិបតេយ្យ ដែលមានអាយុជិត៣០ឆ្នាំ នៅកម្ពុជា។

លោក ដានីញែល បាស្ដារ (Daniel Bastard) នាយកទទួលបន្ទុកអាស៊ី ប៉ាស៊ីភិក នៃអង្គការអ្នកយកព័ត៌មានគ្មានព្រំដែន ត្រូវបានស្រង់សំដី យកមកចុះផ្សាយ ក្នុងសេចក្ដីថ្លែងការណ៍នោះថា៖

«យើងសូមអំពាវនាវ ដល់អ្នកបង្កើតច្បាប់ របស់កម្ពុជា ឲ្យបង្ហាញពីការទទួលខុសត្រូវ របស់ផងខ្លួន ដោយលប់ចោល នូវចំណុចទាំងពីរខាងលើ នៃមាត្រា៥ ចេញពីច្បាប់ប្រកាសភាពអាសន្ន។»

RSF ៖ ប្រើ«Covid-19»ដើម្បីធ្វើច្បាប់ ទុកការពារការស្នងតំណែង ?

អ្នកនាំពាក្យក្រសួងយុត្តិធម៌ លោក ជិន ម៉ាលីន ធ្លាប់បានបដិសេធ តាមរយៈវិទ្យុអាស៊ីសេរី ថាលោកមិនផ្ដល់ចម្លើយ អំពីសេចក្ដីព្រាងច្បាប់ថ្មី ស្ដីពីការគ្រប់គ្រងប្រទេស ក្នុងភាពអាសន្ន ខាងលើនេះទេ ដោយលោកសំអាងថា វាគ្រាន់តែជាការបង្ហោះ តៗគ្នា នៅលើបណ្ដាញសង្គម និងមិនមែនជាឯកសារផ្លូវការ។

អង្គការ​អ្នកយកព័ត៌មាន​គ្មានព្រំដែន បានលើក​ពីករណីគេហទំព័រ «MONOROOM.info» នៃទស្សនាវដ្ដី មនោរម្យ.អាំងហ្វូ ជាដើម ដែលមិនអាច​ឲ្យអ្នកអាន​របស់ខ្លួន បើកចូលទៅពិគ្រោះបាន នៅក្នុងប្រទេសកម្ពុជា ចាប់ពីថ្ងៃទី៣១ ខែមីនានេះមក ថាជាតឹងតាង​មួយ នៃដំណើរ​ឈានទៅរឹងបន្តឹង និងរាំងខ្ទប់ប្រព័ន្ធផ្សព្វផ្សាយ​ឯករាជ្យ​​ជាទូទៅ នៅក្នុងព្រះរាជាណាចក្រ។

គេមើលឃើញថា លោក ហ៊ុន សែន និងរដ្ឋាភិបាល​របស់លោក នឹងគ្មានឧបសគ្គអ្វី ក្នុងជំហានទៅ​អនុម័ត្រ ច្បាប់ថ្មីនេះ​ឡើយ ដោយសាររដ្ឋសភា​កម្ពុជា មានតំណាងរាស្ត្រ​ទាំងអស់ មកពីគណបក្ស​ប្រជាជន​កម្ពុជាតែមួយ។

ប៉ុន្តែអង្គការ «RSF» បានស្រង់យកការលើកឡើង របស់ក្រុមអ្នកឃ្លាំមើល មកបញ្ជាក់ដែរថា ក្រុមអ្នកតំណាងរាស្ត្រមួយភាគ របស់គណបក្សកាន់អំណាច ទំនងជាត្រៀមខ្លួន ជំទាស់នឹងបំណង របស់លោក ហ៊ុន សែន ដែលចង់ផ្ទេរអំណាច ទៅឲ្យកូនប្រុសរបស់លោក។ ដូច្នេះ វាក្សខណ្ឌទាំងពីរខាងលើ នឹងអនុញ្ញាតឲ្យលោក ហ៊ុន សែន វាយបំបាក់រាល់ការជជែកពិភាក្សា​ទាំងឡាយ នៅក្នុងសារព័ត៌មាន និងការបះបោរណាមួយ នៅក្នុងគណបក្សរបស់លោក។

នាយកប្រចាំតំបន់អាស៊ី-ប៉ាស៊ីភិក របស់ «RSF» បានថ្លែងថា ផ្ទុយពីវិបត្តិជំងឺ «Covid-19» ដែលកំពុងរាតត្បាត នៅក្នុងប្រទេស លោក ហ៊ុន សែន មិនបានគិតពីសុខភាព របស់ពលរដ្ឋកម្ពុជាទេ តែលោកបែជាប្រើវិបត្តិ នៃជំងឺ​«Covid-19»នេះ ដើម្បីពង្រឹងអំណាច«ផ្ដាច់ការ»របស់លោក កាន់តែខ្លាំងទៅវិញ។ លោក បាស្តារ ថ្លែងថា៖

«លោកនាយករដ្ឋមន្ត្រី ហ៊ុន សែន កំពុងប្រើប្រាស់វិបត្តិ នៃជំងឺ”កូរូណា” ទាំងគ្មានការខ្មាសអៀន ដើម្បីអង្គុយចាក់ឫសបន្ថែមទៀត ក្នុងអំណាច”ផ្ដាច់ការ”​របស់លោក ដោយមិនខ្វល់ខ្វាយ ពីសុខភាពរបស់ពលរដ្ឋឡើយ៕»



លំអិតបន្ថែមទៀត

កម្ពុជា

កម្ពុជា​មានពេល​៦ខែ ដើម្បី​«ស្ដារស្ថានភាព»​បើចង់រក្សាទុក EBA

ការប្រកាសបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» មិនមែនជាសេចក្ដីសម្រេចចុងក្រោយ របស់សហភាពអ៊ឺរ៉ុប ដែលថានឹងត្រូវព្យួរប្រព័ន្ធអនុគ្រោះពន្ធ ក្នុងពេលនេះទេ។ ប៉ុន្តែសម្រាប់សហភាពអ៊ឺរ៉ុប វាជាការកំណត់ពេលវេលា ដែលមានកាលវិភាគច្បាស់លាស់ ដើម្បីឈានទៅកាន់ទិសដៅនោះ ប្រសិនណាជាប្រទេសកម្ពុជា ...
កម្ពុជា

EU ដាក់​កម្ពុជា​ជាផ្លូវការ ទៅក្នុង​«បញ្ជីខ្មៅ»​នៃ​ការលាង​លុយ​កខ្វក់

«បញ្ជីខ្មៅ»ថ្មី​នៃក្រុមប្រទេសទាំង២២ ដែលបរាជ័យ​ក្នុងការប្រយុទ្ធ ទល់នឹង​ការលាង​លុយ​កខ្វក់ និងហិរញ្ញប្បទាន សម្រាប់​បណ្ដាញ​ភេរវកម្ម ត្រូវបានសហភាពអ៊ឺរ៉ុប «EU» ចេញ​ផ្សាយ​ជាផ្លូវការហើយ។ សេចក្ដីប្រកាសព័ត៌មាន របស់គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាល​នៃ​សហភាព​អ៊ឺរ៉ុប) ដែលទស្សនាវដ្ដី​មនោរម្យ.អាំងហ្វូ ...
ដំណឹង

សេតវិមាន​បង្ខំចិត្ត​លុបចោល​សន្និសីទកាសែត បន្ទាប់ពី ត្រាំ ឆេះដុំ

សេតវិមានបានបង្ខំចិត្ត លុបចោលសន្និសីទសារព័ត៌មាន ស្ដីពីជំងឺ«Covid-19» បន្ទាប់ពីលោកប្រធានាធិបតី ដូណាល់ ត្រាំ (Donald Trump) បាន«ឆេះដុំ» ដោយបង្ហោះសារខ្លាំងៗ នៅលើបណ្ដាញសង្គមទ្វីសធើរ ម្ដងហើយម្ដងទៀត ប្រឆាំងប្រព័ន្ធផ្សព្វផ្សាយ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...