កម្ពុជាដំណឹង

ហ៊ុន សែន៖ «​កម្ពុជាបោះបង់​អាមេរិក​ហើយ​ងាក​មកចិន» គឺខុស​ទាំងស្រុង

លោកនាយករដ្ឋមន្ត្រី ហ៊ុន សែន អះអាងថា កម្ពុជានៅតែចង់ធ្វើ ជាមិត្តល្អរបស់សហរដ្ឋអាមេរិក ហើយការលើកឡើងទាំងឡាយ ដែលអះអាងថា កម្ពុជាចោលអាមេរិក ដើម្បីងាកទៅរកចិននោះ «គឺខុស​ទាំងស្រុង»។ នេះ បើតាមការបង្ហោះព័ត៌មានមួយ នៅលើទំព័រហ្វេសប៊ុករបស់លោក កាលពីម្សិលម៉ិញ។

នាយករដ្ឋមន្ត្រីកម្ពុជាបានអះអាងដូច្នេះ នៅក្នុងជំនួបជាមួយលោក តាកាហាស៊ី ហ្វីមីអាគី (Takahashi Fumiaki) ប្រធានសមាគមកម្ពុជា-ជប៉ុន ហៅកាត់ថា «JCA» កាលពីសៀលថ្ងៃទី២៩ ខែឧសភា ឆ្នាំ២០១៩នេះ ​ក្នុង​អំឡុង​ទស្សន​កិច្ច​នៅ​ប្រទេស​ជប៉ុន​រយៈ​ពេល​៤ថ្ងៃ​។

ក្នុងឱកាសនោះ ប្រធានសមាគមកម្ពុជា-ជប៉ុន បានចោទសួរពីទស្សនវិស័យ របស់លោក ហ៊ុន សែន នៅចំពោះបញ្ហាអន្តរជាតិមួយចំនួន ជាពិសេសពាក់ព័ន្ធនឹងដំណើរទស្សនកិច្ច របស់ប្រធានាធិបតីអាមេរិក មកជប៉ុន និងចង់ដឹងអំពីទំនាក់ទំនងរវាងកម្ពុជា និងអាមេរិកជាដើម។

លោក ហ៊ុន សែន បានឆ្លើយទៅតបទៅលោក តាកាហាស៊ី ហ្វីមីអាគី វិញថា កម្ពុជាមិនចង់ធ្វើជាសត្រូវ ជាមួយប្រទេសណាមួយឡើយ តែងតែចង់ធ្វើមិត្ត ជាមួយបណ្ដាប្រទេសទាំងអស់ រួមទាំងសហរដ្ឋអាមេរិកផង។ ទំព័រហ្វេសប៊ុករបស់លោក បានស្រង់សំដីលោក មកសរសេរបន្តថា៖

«ប៉ុន្តែយើងត្រូវតែរក្សានូវឯករាជ្យភាព អធិបតេយ្យភាពយើង។»

នាយករដ្ឋមន្ត្រីកម្ពុជា បានស្នើទៅលោក តាកាហាស៊ី ហ្វីមីអាគី ឲ្យពាំនាំពាក្យរបស់លោក ទៅប្រាប់សហរដ្ឋអាមេរិកថា «កម្ពុជានៅតែចង់ធ្វើជាមិត្តល្អ របស់សហរដ្ឋអាមេរិក» ហើយ «ការវាយតម្លៃថា កម្ពុជាបោះបង់ចោលសហរដ្ឋអាមេរិក បែរងាកមកចាប់ចិននោះ គឺខុសទាំងស្រុង»។

ទំនាក់ទំនង​ រវាង​រដ្ឋាភិបាល​សហរដ្ឋអាមេរិក និង​របប​ដឹកនាំរបស់លោក ហ៊ុន សែន បានស្គាល់ភាពរកាំរកូសខ្លាំងឡើងៗ នៅក្នុងរយៈពេល២ឆ្នាំចុងក្រោយ។

សហរដ្ឋអាមេរិក បានបន្ទោសរបបក្រុងភ្នំពេញ អំពីការរិតត្បិតសេរីភាព ការដើរថយក្រោយ នៃលទ្ធិប្រជាធិបតេ្យ តាមរយៈចំណាត់ការ ដ៏ប្រទាំងប្រទើស ពីសំណាក់អាជ្ញាធររដ្ឋាភិបាលកម្ពុជា ប្រឆាំងគណបក្សសង្គ្រោះជាតិ ដែលជាគណបក្សប្រឆាំងដ៏សំខាន់ – ទៅលើ​អង្គការ​សង្គមស៊ីវិល និងប្រព័ន្ធផ្សព្វផ្សាយឯករាជ្យ ជាច្រើន៕



លំអិតបន្ថែមទៀត

កម្ពុជា

ហ៊ុន សែន ចេញទៅវៀតណាម ដើម្បីគោរពសព ឡេ ឌឹកអាញ់

នាយករដ្ឋមន្ត្រីកម្ពុជា លោក ហ៊ុន សែន បានដឹកនាំគណៈប្រតិភូមួយ កាលពីរសៀលថ្ងៃព្រហស្បត្តិ៍ ទី២ ខែឧសភានេះ ចេញពីកម្ពុជាឆ្ពោះទៅកាន់រដ្ឋធានី ហាណូយ ប្រទេស​វៀតណាម ដើម្បីចូលរួមគោរពវិញ្ញាណក្ខន្ធសពលោក ឡេ ...
កម្ពុជា

សម រង្ស៊ី ប្ដូរជំហរ​ឲ្យរក្សា«របបក្រុងភ្នំពេញ» តែត្រូវដក ហ៊ុន សែន មួយចេញ

មេដឹកនាំប្រឆាំងបានប្រកាសពីរដ្ឋធានីប៉ារីស ប្រទេសបារាំង ថាក្រុមរបស់លោកមិនទាមទារ ឲ្យប្ដូរ«របបក្រុងភ្នំពេញ»សព្វថ្ងៃទៀតទេ ដោយគ្រាន់តែដកបុរសខ្លាំងកម្ពុជាមួយចេញ ជាការគ្រប់គ្រាន់។ លោក សម រង្ស៊ី បានការពារជំហរថ្មីរបស់លោក និងក្រុមលោកនេះ ថាគឺដើម្បីបង្រួបបង្រួមអ្នកស្នេហាជាតិ ទាំងពីរគណបក្សធំៗ ...
កម្ពុជា

Covid-19៖ ពលរដ្ឋខ្មែរ​«ទ្រហោយំ» ព្រោះ ហ៊ុន សែន មិនឲ្យ​ចូលស្រុក

ពលរដ្ឋខ្មែរនៅប្រទេសម៉ាឡេស៊ី ប្រមាណជា ១៥០នាក់ បាន«ទ្រហោយំ» បន្ទាប់ពីត្រូវបានរដ្ឋាភិបាលកម្ពុជាខ្លួនឯង បដិសេធមិនទទួលយក ខណៈពេលដែលពលរដ្ឋទាំងនោះ កំពុងត្រៀមឡើងយន្ដហោះ វិលមកមាតុភូមិវិញ។ ហេតុការណ៍នេះ កើតឡើងកាលពីព្រឹកម៉ិញ ក្នុងព្រលានយន្ដហោះ នៃរាជធានី ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.